IBRANI 13:17 - BIBEL JAMITA NA DENGGAN

¹⁷ Ihutkon hamu ma angka parenta na sian pamimpinmunu jana oloi hamu ma na nidok ni halahi. Angke tongtong do diparrohahon halahi tondimunu jana angkon martanggung jawab do halahi tu Debata. Muda dioloi hamu do halahi, tarbaen halahi ma markarejo di bagasan sonang ni roha; muda inda songon i, humolos ma halahi na karejo i, jana nada adong ro labo sian na songon i di hamu.

IBRANI 13:17 ပူးပေါင်းရင်းမြစ်များ

PAMUNGKAAN 16:9

Didok surusuruan i ma, “Mulak ma ho tusia, jana paunduk ma rohamu mangoloi ia.”

HARURUAR 32:31

Jadi diulahi si Musa ma mangadop tu Tuhan ning ia ma, “Iale, madung mardosa godang bangso on, harana madung dibaen halahi debata sere di halahi jana disomba.

PODA 5:13

Nada ra au manangihon angka gurungku jana nada huihutkon halahi.

JESAYA 62:6

Madung hubaen halak di tembok ni Jerusalem; nada jabat maradian jagoan ni halahi do ho arian na borngin. Angkon sunggulan ni halahi do Debata di janji na dung dibaenNia di Sion.

JEREMIA 13:17

Muda nada ringkot rohamu manangihonsa, tangis ma au di sihabunian. Di bagasan pangkilalaan na hancit ginjang ni rohamu hutangisi. Marabur ma ilu ni matangku hara ni na hona taban bangso ni Tuhan gabe halak buangan.

JEHESKIEL 33:2

“Ale jolma parsantongkinan, dokkon ma tu bangsomi, muda Huparo parporangan tu sada luat, on ma na giot tarjadi. Pilion ni halak luat i ma sian tonga-tonga ni halahi sada halak panjago.

LUKAS 16:2

Jadi dipio ia ma bendahara i jana didok ia ma, ‘Aha dehe na hubege taringot tu ho? Saonnari, pasahat ma jolo tu au paretonganmu taringot tu sudena hartongki. Mamungka saonnari nada tola be ho gabe bendahara.’

BAENON NI ANGKA RASUL 20:28

Antong jagohon hamu ma dirimunu dohot sude habanan i, harana madung dipabangkit Tondi Parbadia hamu gabe parmahan. Parmahani hamu ma parlagutan ni Tuhan i, na nibaen gabe nampunaNia markite-hite mudarNia sandiri.

SURAT NI SI PAULUS TU PARLAGUTAN ROM 14:12

Jadi angkon patorangonta be do tu jolo ni Debata sudena angka karejo na tapambaeni i.

1 KORINTUS 16:16

Situtu ni rohangku manyosoi hamu, ihutkon hamu ma pamimpin na songon ia i, bope angka dongan na asing na markarejo dohot mangoloi rap dohot halahi.

EPESUS 5:21

Dung i marsiolo-oloan ma hamu di bagasan biar ni roha mida Debata.

PILIPPI 1:4

Jana ganop hutangiangkon hamu sudena, sai di bagasan jop ni roha do au na martangiang i.

PILIPPI 2:12

Hara ni i hamu angka dongan na nihaholongan, songon pangoloimunu tu au dompak di tonga-tongamunu au, saonnari pe haru dung padao-dao, angkon mur olo ma hamu nian tu au. Usahohon hamu ma tongtong anso mur sanggam haluaanmunu i. Mardongan biar dohot hitir ma baen hamu sudena i,

PILIPPI 2:29

Jadi jagit hamu ma ia di bagasan Tuhan i dohot sude jop ni roha songon dongan sahaporsayaan. Argahon hamu ma sanga ise halak na songon ia.

PILIPPI 3:18

Madung jotjot nian hupaboa tu hamu, jana huulahi muse saonnari mardongan ilu; bahat do halak na mangolu songon musu maradopkon hayu parsilang ni Kristus i.

PILIPPI 4:1

Hara ni i hamu ale angka dongan na nihaholongan, sai porsaya situtu ma hamu tu Tuhan i di ngolumunu on. Lungun do rohangku tu hamu! Hamu do na pagodang rohangku, hajopan ni rohangku.

2 TESSALONIKA 3:14

Betak adong na so ra mangihutkon na hami dok di bagasan surat on, tanda hamu ma halak na songon i jana ulang pardongan hamu halahi anso maila.

1 TIMOTEUS 5:17

Angka sintua na denggan markarejo songon pamimpin, patut do lehenon dua noli lompit sangap tu halahi, lumobi angka na ringgas marjamita dohot mangajari.

IBRANI 13:24

Palalu hamu ma tabengku tu sude angka pamimpinmunu dohot tu sude halak na badia. Laing jagit hamu ma tabe ni angka dongan na di Italia.

IBRANI 13:7

Ulang hamu lupa tu angka pamimpinmunu na dung pasahatkon jamita na sian Debata tu hamu. Paligi-ligi hamu ma sanga songon dia pardalan ni ngolu ni halahi lopus mate jana haporsayai hamu ma Debata songon pangkaporsayai ni halahi di Debata.

JAKOBUS 4:7

Antong, oloi hamu ma Debata jana alo hamu ma Sibolis i, anggo i marlojongi ma Sibolis i sian hamu.

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”

1 SAMUEL 8:19

Tapi nada ditangihon bangso i hata ni si Samuel i, mur didok halahi noma, “Padiar ma! Sanga na bia pe por do rohanami marraja.