IBRANI 13:16 - BIBEL JAMITA NA DENGGAN

¹⁶ Ulang lupa hamu mambaen na denggan bope na marsiurup-urupan, angke na songon on do haul na pasonangkon roha ni Debata.

IBRANI 13:16 ပူးပေါင်းရင်းမြစ်များ

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

MASMUR 51:19

Gabe jop ma rohaMu manjagit haul na patut, haul situtungon na hami haulkon di Ho; dihaulkon ma lombu jantan di ginjang ni langgatanMu.

LUKAS 18:22

Umbege na songon i, didok Jesus ma tusia, “Laing adong dope sada nari na angkon sibaenonmu: Gadis ma sude na adong di ho, jana lehen ma i tu halak na pogos; anggo i dapot ho ma arta na di banua ginjang. Dung i beta ma ihutkon Au.”

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

BAENON NI ANGKA RASUL 9:36

Di Jope adong muse do sada anak boru na margoar si Tabita, na porsaya do ia tu Jesus. (Si Dorkas do goarnia di hata Junani, astuanna ursa.) Sai didatdati ia do mambaen na denggan jana sai diurupi ia do angka halak na pogos.

SURAT NI SI PAULUS TU PARLAGUTAN ROM 12:13

Urupi hamu ma na patukkon haporluan ni angka halak na porsaya tu Debata jana sonang ma rohamunu manjagit haroro ni halahi tu bagasmunu.

GALATIA 6:10

Jadi salolot adong dope hatiha di hita, angkon sangahononta do mambaen na denggan tu sude halak, lumobi tu angka donganta sahaporsayaan.

GALATIA 6:6

Sanga ise na manjagit pangajaran sian Hata i angkon bagionna do tu guruna sandok na denggan na adong disia.

EPESUS 4:28

Angka panangko, ulang be manangko. Tapi gumonan ma ia markarejo anso dapot ia balanjonia markite-hite dalan na tigor jana anso tarurupi ia halak na hurangan.

PILIPPI 4:14

Tapi madung diurupi hamu au di sudena hasusaanku; jana na denggan do pambaenanmunu i.

PILIPPI 4:18

Madung hujagit sasudena – dohonon marlobi-lobi dope! Sude silehen-lehen na nitongosmunu i tu au, madung hujagit sian si Epafroditus. Saonnari madung tuk di au sanga aha haporluanku. Songon uap na huskus na sian haul na nihaulkon tu Debata jana na nihalomohon ni roha ni Debata, songon i do angka silehen-lehenmunu i.

1 TESSALONIKA 5:15

Jagohon hamu ma anso ulang adong sanga ise na mambaloskon hajahatan dohot hajahatan. Usahohon hamu ma anso tarbaen hamu na denggan sama hamu bope tu halak sudena.

2 TESSALONIKA 3:13

Tapi anggo hamu ale angka dongan, ulang ma nian loja hamu mambaen na denggan.

1 TIMOTEUS 6:18

Paingot ma halahi laho patuduhon hadengganan, laho patupahon bahat pangalaho na denggan, habasaon dohot haburjuon mangalehen.

PILEMON 1:6

Hutangiangkon do anso nian parkahamaranggionta songon angka halak na porsaya mur pamalohon hita mangastui sude angka pasupasu na tajagit hara ni na domu hita dohot Kristus.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

3 JOHANNES 1:11

Dongan na nihaholongan! Ulang ma tiru hamu na jat i. Na denggan i ma tiru hamu. Sanga ise na mambaen na denggan, sian Debata do ro ni i. Jana halak na mambaen na jat, na so padumpang dope i dohot Debata.