IBRANI 13:13 - BIBEL JAMITA NA DENGGAN

¹³ Hara ni i, beta ma tadapotkon Ia di ruar ni bandar i jana dohot ma hita niincahan rap dohot Ia.

IBRANI 13:13 ပူးပေါင်းရင်းမြစ်များ

MATEUS 16:24

Dung i didok Jesus ma tu anak siseanNia i, “Muda adong halak na giot mangihutkon Au, angkon dihalupahon ia do dirina sandiri, dung i diporsan ia ma silangna dung i pe anso diihutkon Au.

MATEUS 27:32

Dompak di tonga dalan i halahi, marsuo ma dohot sada bayo halak Kirene na margoar si Simon. Dipaksa halahi ma bayo i mamorsan silang ni Jesus i.

MATEUS 5:11

Martua ma hamu muda diincahi jana diayak-ayak halak hamu, jana dipardok halahi ragam-ragam na jat na so tutu adop hamu hara ni Au.

LUKAS 6:22

Martua ma hamu muda goyak roha ni halak mida hamu jana nada dijagit hamu, boti dipalayas-layas jana didok halak na jahat hamu, hara ni Anak Ni Jolma i!

LUKAS 9:23

Dung i mandok hata ma Jesus tu halak na bahat i, ning Ia ma, “Sanga ise na giot mangihutkon Au, angkon porsoonnia do dirina, angkon porsanonnia ma hayu parsilangnia ganop ari, jana torus mangihutkon Au.

BAENON NI ANGKA RASUL 5:41

Morot ma halahi sian rapot ugamo i mardongan jop ni roha, harana na dung dietong roha ni halahi do patut marlayas hara ni Jesus.

2 KORINTUS 12:10

Jadi gabe jop do rohangku hara ni angka hagaleanki. Jop do rohangku muda adong na mangalayasi au, muda taruli hasusaan, muda dipakojar-kojar halak au, bope muda hubolus hasusaan hara ni Kristus. Angke muda gale au, hape apala disi ma gabe margogo au.

IBRANI 11:26

Dihilala si Musa dao dope ummarga maruli incak-incak hara ni Kristus na nijanjihon ni Debata i ulang pado manjagit sasude arta ni tano Mesir; harana upa di ari na giot ro do na nipainte ni si Musa.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

IBRANI 12:3

Ingot hamu ma Ia na manaon sai bahat hata partangkangon sian angka pardosa, anso ulang gale hamu, jana ulang mandele rohamunu.

IBRANI 12:4

Angke di paraloanmunu mangalo dosa i, nada jabat dope lopus tiris mudarmunu.

1 PETRUS 4:4

Saonnari gabe homang ma roha ni angka halak na so mananda Tuhan i hara ni na so dohot be hamu mandohoti ngolu na so denggan i songon halahi. Hara ni i ma umbaen na nitilakoan ni halahi hamu.