IBRANI 13:11 - BIBEL JAMITA NA DENGGAN

¹¹ Anggo mudar ni pahan-pahanan na nihaulkon i gabe haul laho manyesa dosa, dioban Malim Godang do i tu Bilik Na Sun Badia di bagasan bandar i; tapi anggo bangke ni pahan-pahanan i sandiri di duru ni bandar i do nitutungan.

IBRANI 13:11 ပူးပေါင်းရင်းမြစ်များ

HARURUAR 29:14

Anggo juhut, huling-kuling dohot isi ni butuha ni lombu jantan i, angkon di ruar ni Bandar Parmianan do i tutungon. On ma haul hasesaan ni dosa.

JEHESKIEL 43:21

Dung salpu i, buat ma lombu jantan sipakeon baen hasesaan ni dosa i jana tutung ma i di inganan na dung ditontuhon i, i ma di ruar ni tano na masuk tu Bagas Na Badia i.

HAMALIMON 16:27

Lombu jantan dohot hambeng na gabe haul hasesaan ni dosa i, na dung dioban mudarna tu Bilik Na Sun Badia gabe hasesaan ni dosa, angkon obanon tu balian ni parbandaran lalu ditutung. Bobakna, juhutna dohot pangisi ni butuha ni pahan-pahanan na dua i angkon sude tutungon.

HAMALIMON 6:11

Dung i angkon gontion ni malim i ma pakeanna lalu maroban abu i tu balian ni bandar, di inganan na ias mangihutkon ugamo.

HAMALIMON 6:30

Pahan-pahanan nampuna mudar na dioban tu bagasan Bandar Parmianan, na nipake i laho mangido hasesaan ni dosa, angkon tutungon do sude, nada tola i panganon.

HAMALIMON 9:11

Tapi juhut dohot bobak ni pahan-pahanan i, ditutung ia di balian ni parbandaran i.

HAMALIMON 9:9

Dung i dioban anak ni si Harun ma mudar sihaulkonon i tu si Harun, lalu disornopkon ia ma jari-jarinia tu mudar i, dung i didaiskon ia tu na opat suhi ni langgatan i, dung i disiramkon ia mudar na lobi i tu pat ni langgatan i.

BILANGAN 19:3

Lehen ma i tu si Eleasar. Obanon ma lombu i tu balian ni parbandaran i jana disambol ma i di jolo ni si Eleasar.

BILANGAN 19:7

Dung i basuonnia ma pakeannia, jana disiram ia pamatangnia dohot aek, disi pe anso tola masuk ia tu parbandaran, lopus tu andospotang etongon do ia halak na ramun.