IBRANI 12:6 - BIBEL JAMITA NA DENGGAN

⁶ Angke diajari Tuhan i do sanga ise halak na nihaholonganNia, jana diloncing Ia do ganop na niokuNia dakdanakNia.”

IBRANI 12:6 ပူးပေါင်းရင်းမြစ်များ

2 SAMUEL 7:14

Gabe Amangnia ma Au, jana gabe anakKu ma ia. Muda marsala ia, uhumonKu ma ia songon sada ama na manguhum anakna.

MASMUR 119:71

Tutu denggan do i angke Ho do manguhumi au, anso hutanda angka hatontuan na nibaenMu.

MASMUR 119:75

Huboto do ale Tuhan, tigor do haputusanMu, hara ni habonaranMu, diuhum Ho au.

MASMUR 94:12

Ale Tuhan, martua ma halak na nipodaanMu, halak na niajarkonMu angka uhumMu.

PODA 13:24

Na so mangaloncing anakna, nada marholong ni roha tusia muda holong roha, angkon barani iba mangaloncingsa.

PODA 3:11

Ampot dipamasa Tuhan singot-singot tu ho, ale anakku, jagit ma i jana ulang menek rohamu tuSia.

PODA 3:12

Dipasingot Tuhan do halak na nihaholonganNia, dos dohot sada ama na paingotkon anak haholongan ni rohana.

JESAYA 27:9

Tapi anggo dosa ni Israel hum sada do dalanna anso tarsesa i, i ma muda digiling lamot songon soda angka langgatan parsombaan tu angka debata. Sandok panutungan ni hamonyan dohot tiang gana-ganaan Debata Asera angkon nisarsarkon muse.

JEREMIA 10:24

Ajar ma hami ale Tuhan, dohot na sapatutna. Ulang ma dohot hamumurukMu, anso ulang gabe mago hami.

ANDUNG 3:39

Biasi angkon sai holsoan hita muda diuhum hita hara ni angka dosanta?

PANGARATAION 8:5

Ingot hamu ma, na niuhuman ni Tuhan Debatamunu do hamu songon sada ama na mamodai angka dakdanakna.

JAKOBUS 1:12

Martua do sanga ise na sobar di na manaon pandugaan. Angke muda dung disalpui ia pandugaan i, manjagit upa ma ia, i ma hangoluan na nijanjihon ni Debata tu angka na mangkaholongi Debata.

JAKOBUS 5:11

Hara ni sobarna halahi gabe dohonon ma halahi na martua. Diboto hamu do sanga na bia hasobaron ni si Job, jana diboto hamu do sanga na bia di ujungna dipasupasu Tuhan ia. Angke parasi roha na sumurung do Tuhan jana na denggan roha.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.

RUT 1:3

Hape taran disi dope halahi, mate ma si Elimelek, jana tading ma si Naomi rap dohot anaknia na dua i.