IBRANI 12:27 - BIBEL JAMITA NA DENGGAN

²⁷ Pandohan “sanoli nari” patuduhon bahaso pasidingon do sasudena na dung nitompa i jana na ra humutur i, anso tinggal ma hum na so ra humutur i.

IBRANI 12:27 ပူးပေါင်းရင်းမြစ်များ

JESAYA 34:4

Maropuk ma mataniari, bulan dohot angka bintang gabe abu, dibalun ma langit songon na mambalun karotes, jana mangkadampuk ma angka bintang i songon pardampuk ni angka bulung sian hayu anggur sanga hayu ara.

JESAYA 54:10

Muncat pe angka dolok jana humutur dohot tor, tapi holong ni rohangKu nada muncat sian ho, jana janji hadameonKu nada morot sian ho,” ninna Tuhan, na manghaholongi ho.

JESAYA 65:17

Didok Tuhan: “TompaonKu ma langit na imbaru dohot tano na imbaru, angka na masa na salpu dihalupahon noma i, jana nada ingoton be.

JESAYA 66:22

Songon langit dohot tano na imbaru na Hutompa i martahan hara ni kuasongKu, songon i ma laing martahan pomparanmu dohot goarmu.

JEHESKIEL 21:27

RoncohononKu ma sudena kota on, lopus di sude inganan hum sego-segona noma na adong. Tapi dung ro pe halak na Hutodo i laho manguhumi kota on anso tarjadi na songon i. Tusia ma pasahatonKu kota on.”

HAGAI 2:21

songon on, “Dokkon ma tu si Zerubabel bupati ni Juda songon on, ‘HuturonKu ma langit dohot tano,’

MATEUS 24:35

Anggo langit dohot tano on mago do, tapi anggo hatangKi angkon hot do salolot-lolotna.”

SURAT NI SI PAULUS TU PARLAGUTAN ROM 8:19

Hara ni lungunna, sasudena na nitompa i painte-intehon do sanga andigan hatihana patidahonon ni Debata hasangapan ni angka dakdanakNia i.

SURAT NI SI PAULUS TU PARLAGUTAN ROM 8:21

Di sada hatiha paluaon do na nitompa on sian kuaso na manyegohonsa jana laing dohot do paluaon bope pasangapon rap dohot angka dakdanak ni Debata.

1 KORINTUS 7:31

jana sanga ise na paurus-urus angka pangalaho na di tano on, songon na so karejo di angka na songon i ma nian ngoluna. Angke anggo portibi na adong saonnari on, salpu do i sude!

IBRANI 1:10

Didok Debata dope, “Ho do Tuhan di mulana na manompa portibi, jana dohot tanganMu sandiri dijadihon Ho langit i.

IBRANI 13:14

Nada adong inganan na hot di hita anggo di tano on; inganan tu hatiha na giot ro do na tajalahi.

IBRANI 9:11

Tapi madung ro Kristus gabe Malim Godang ni angka na denggan na giot ro i. Bandar ingananNia mandalankon tugas songon Malim Godang, i ma bandar na sumurung jana na sumanggam. Nada na nibaen ni jolma; astuanna, nada na sian portibi on.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

HALUMBAAN 21:1

Jadi huida ma sada langit na imbaru dohot tano na imbaru. Mago ma langit na parjolo dohot tano na parjolo i jana laut pe, mago ma.

HALUMBAAN 21:4

ApusanNia ma sasude ilu sian mata ni halahi. Nada adong be anggo hamatean; hamarsahan, partangisan sanga parkancitan pe nada adong be. Madung salpu angka pangalaho na honok i.”

HALUMBAAN 21:5

Didok na juguk na di ginjang ni habangsa i ma, “Ligi ma, Hupaimbaru do sasudena!” Jana mangkuling ma Ia muse, “Suratkon ma, angke na tutu jana na sintong do sude hata on.”