IBRANI 12:26 - BIBEL JAMITA NA DENGGAN

²⁶ Mangaronggur do ditano on soraNia hatiha i. Tapi saonnari madung marjanji Ia, “Mangaronggur dope baenonKu sanoli nari, nada hum tano on, tapi dohot do langit.”

IBRANI 12:26 ပူးပေါင်းရင်းမြစ်များ

HARURUAR 19:18

Ditutupi timus ma sudena Dolok Sinai i, angke madung mijur Tuhan tu ginjangna i songon api tompana. Martimbual ma timus idaon songon timus sian tataring, jana humutur ma dolok i gogo sajo.

JESAYA 13:13

Humutur ma baenonKu langit i jana tano on humuntal sian ingananna di ari i, Au Tuhan Na Markuaso patuduhon kuasongKu.

JESAYA 2:19

Di haroro ni Tuhan laho manghutur tano on, marmasuhan ma halak tu bagasan angka liang di angka dolok batu sanga manghuar lubang di bagasan tano anso malua sian hamumuruk ni Tuhan dohot sian kuasoNia na marmulia i. Anggo dung dapot do ari i, tadingkononkon ma songon i sajo angka gana-ganaan perak dohot sere na nibaen ni halahi baen turpuk ni monci dohot arip-arip.

JESAYA 66:22

Songon langit dohot tano na imbaru na Hutompa i martahan hara ni kuasongKu, songon i ma laing martahan pomparanmu dohot goarmu.

JOEL 3:16

Mangorong ma Debata sian Sion, dipatubegehon Ia ma soraNia sian Jerusalem. Humutur langit, dohot tano pe mangihut. Tapi laing tong do Tuhan mambela bangsoNa.

HABAKUK 3:10

Hum mangida Ho munggal-unggal ma angka dolok sian langit udan songon na durus dibaen por. Aek na di toru ni tano gumadobur sorana ombakna i marbalun-balun jana manggasa-gasa.

HAGAI 2:21

songon on, “Dokkon ma tu si Zerubabel bupati ni Juda songon on, ‘HuturonKu ma langit dohot tano,’

HAGAI 2:22

ParrumpakkononKu ma angka harajaan jana sarsarkononKu angka kuaso ni halahi. Huparbalikkon angka kareta porang dohot na manenggetsa; marmatean ma sude kudona jana marsibunuan ma angka na manenggetsa.

IBRANI 12:27

Pandohan “sanoli nari” patuduhon bahaso pasidingon do sasudena na dung nitompa i jana na ra humutur i, anso tinggal ma hum na so ra humutur i.

HAKIM-HAKIM 5:4

Tuhan, di na mardalan Ho ruar sian Seir, dohot Luat Edom ditadingkon Ho, humotar portibi. Angka bubusan ni langit pe marbuka, jana diduruskon angka ombun ma aekna.