IBRANI 12:19 - BIBEL JAMITA NA DENGGAN

¹⁹ saringar ni sarune dohot sora na lobi gogo. Di na nibege ni halak Israel sora i, gogo do pangidoan ni halahi anso ulang be nian mangkuling sora i tu halahi.

IBRANI 12:19 ပူးပေါင်းရင်းမြစ်များ

HARURUAR 20:22

Diparentahon Tuhan ma tu si Musa anso dipaboa ia tu bangso Israel, “Madung diida hamu sanga songon dia, Au Tuhan, Au na mandok hata tu hamu sian banua ginjang.

MATEUS 24:31

Dipalu ma tarompet na godang, suruon ni Anak Ni Jolma i ma angka surusuruanNia tu panjuru na opat i di tano on palagutkon bangsoNia, sian topi ni langit na sada lalu tu topi ni langit na sada nari.”

1 KORINTUS 15:52

Di bagasan sangkidop mata do i sudena tarjadi, di na nipalu sarune na parpudi situtu. Angke dung tarbege sora ni sarune i, pangoluon ma mangulahi angka jolma na mate i marpamatang na manongtong jana paubaon ma hita sudena.

PANGARATAION 18:16

Di ari i, dompak na marlagut hamu di Dolok Sinai, dipangidohon hamu anso ulang be nian dibege hamu mangulahi Tuhan mangkuling, jana ulang diida hamu haroroNia di bagasan api na marjilam-jilam, hara ni biarmunu mate.

PANGARATAION 4:11

Baritahon hamu ma tu angka dakdanakmunu sanga songon dia parromunu lalu jongjong di pangkal ni dolok i na nitutupan ni timus na manggolap songon ombun na manyorop dohot api na gara-gara lalu tu langit.

PANGARATAION 4:12

Baritahon hamu ma tu halahi songon dia pangkuling ni Tuhan tu hamu sian api i, songon dia pambegemunu di soraNa i, tapi umpe haidaan sanga na songon dia pe rupana.

PANGARATAION 4:33

Unjung ma he adong sada bangso na hot mangolu dung dibege sada debata mangkuling tu halahi sian api, songon na nialamanmunu i?

1 TESSALONIKA 4:16

Saulahon di na mijur Tuhan Jesus sandiri sian banua ginjang, pio-pio ma kapala ni surusuruan i marsora na gogo jana dipalu ma sarune ni Debata songon boa-boana. Jadi angka halak na dung porsaya tu Kristus dompak di ngoluna be, pangoluon ma halahi parjolo.

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!