IBRANI 12:18 - BIBEL JAMITA NA DENGGAN

¹⁸ Nada pola diadopi hamu songon na masa tu halak Israel najolo. Anggo halahi diadopi halahi do na bolas nijama, i ma Dolok Sinai dohot api na marnyala-nyala i; diadopi halahi do hagolapan, haholomon bope halingsungsung;

IBRANI 12:18 ပူးပေါင်းရင်းမြစ်များ

HARURUAR 20:18

Disi dibege angka jolma i ronggur dohot sora ni sarune i jana diida halahi dohot hilap bope dolok na martimus i, humitir ma halahi mabiar jana mandao ma halahi jongjong.

SURAT NI SI PAULUS TU PARLAGUTAN ROM 6:14

Nada be dosa i mangarajai hamu, angke nada be di toru ni Tona hamu mangolu tapi madung di toru ni asi ni roha.

SURAT NI SI PAULUS TU PARLAGUTAN ROM 8:15

Harana anggo Tondi na nijagitmunu i ale angka dongan, nada dibaen i hamu gabe hatoban, anso gabe mangulahi mabiar hamu. Sabalikna do, gabe angka dakdanak ni Debata do hamu dibaen. Jana hara ni pangonjar ni kuaso ni Tondi i, pio-pio ma hita tu Debata mandok, “Abba, ale Amang!”

2 KORINTUS 3:7

Dompak na manotopkon parjanjian na mamatehon i dohot na manyuratkon i di batu, marsinondang do hagodangan ni Debata marnyala-nyala. Hara ni torangna jabat inda tartontang halak Israel be bohi ni si Musa, haru pe madung mamungka mondap nian sinondang i di hatiha i. Antong, salangkan pamungkaan ni parjanjian na mamatehon i dirasmihon dohot sinondang na songon i torangna,

2 KORINTUS 3:9

Angke muda marhasangapan tohonan na tu hamagoan, mur sumangapan dope hasangapan ni parjanjian ni hatigoran i.

PANGARATAION 4:11

Baritahon hamu ma tu angka dakdanakmunu sanga songon dia parromunu lalu jongjong di pangkal ni dolok i na nitutupan ni timus na manggolap songon ombun na manyorop dohot api na gara-gara lalu tu langit.

PANGARATAION 5:5

Jongjong do au di hatiha i di antaramunu dohot Tuhan laho palaluhon tu hamu sanga aha na nidok ni Tuhan, angke mabiar do hamu tu api i jana nada ra hamu manganangkohi dolok i.

2 TIMOTEUS 1:7

Harana anggo Tondi na nilehen ni Debata tu hita, nada Tondi na mambaen hita gabe parbiar. Tapi na patoguhon hita do Tondi i, na manggohi hita dohot holong ni roha jana na margogoihon hita mangorom dirinta.