IBRANI 12:13 - BIBEL JAMITA NA DENGGAN

¹³ Di dalan na hornop ma hamu mardalan, anso ulang tarbalingsu patmunu, tapi mur tu malumna ma.

IBRANI 12:13 ပူးပေါင်းရင်းမြစ်များ

JESAYA 35:3

Pargogoi ma tangan na gale, patogu ma dugul na hitir-hitir.

JESAYA 35:6

Marhujingjang ma halak na lumpuon songon ursa, marsurak ma halak na ngungu marjop ni roha. Di padang parhorsihan ruar ma mual ni aek, di padang halongonan mardalan ma batang aek.

JESAYA 42:16

Giot toguonKu na mapitung i mamolus dalan na so ditanda halahi Humani. Hagolapan Hubaen gabe na torang di halahi, dalan na margaba-gobi Hubaen mangornop. I ma janjingKu tu halahi jana patulusonKu ma sudena i.

JESAYA 58:12

Kota na dung honok tarulang, bangunonmunu ma mangulahi di ginjang ni ojahan na lolot i. Tarbarita ma hamu songon sada bangso na mambangun mangulahi angka tembok dohot angka dalan na dung maronco anso hainganan mangulahi.”

JEREMIA 18:15

Hape madung dihalupahon bangso i anggo Au, jana manutung dupa halahi tu gana-ganaan. Tartuktuk halahi di dalan narobi na angkon siboluson ni halahi, gabe manyimbil tu dalan na so dipahornop.

LUKAS 3:5

Angkon nibuta ma sude holbung, sudena dolok dohot tor nipahornop. Angkon nipatigor ma dalan na so tigor, jana nipahornop ma dalan na manangkok-manuat.

GALATIA 2:14

Disi huida na so sadalan be parobankon ni halahi tu hasintongan ni Jamita Na Denggan i, manigor hudok ma tu si Petrus di jolo ni sude halak na adong disi, “Muda na halak Jahudi do ho, hape ngolumu songon na so halak Jahudi, bia ma pamaksamu di angka dongan na so marsunat anso mangolu songon halak Jahudi?”

GALATIA 6:1

Hamu ale angka dongan! Muda tardapot sanga ise mambaen dosa, angkon hamu na sai mangolu mangihutkon Tondi Parbadia i ma paulakkon halahi mangulahi tu dalan na sintong. Tapi angkon mardongan halambohon do hamu patupahon na songon i, jana jamot ma hamu anso ulang jabat hamu hona pandugaan muse.

JAKOBUS 5:16

Hara ni i, marsioku dosana ma hamu jana marsitangiangan anso dipamalum hamu. Na margogo situtu do tangiang ni halak na mangihutkon hagiot ni Debata.

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.