IBRANI 12:11 - BIBEL JAMITA NA DENGGAN

¹¹ Tutu nian dompak hona ajar hita, nada sonang rohanta manjagit pangajaran i, hum na pahancit roha sajo do i nihilala. Hape dung salpu i, dilehen do di halahi parbatu ni hatigoran, na mangalehen hasonangan.

IBRANI 12:11 ပူးပေါင်းရင်းမြစ်များ

PAMUNGKAAN 21:11

Marsak ma roha ni si Abraham pasari-sari pangalaho i, harana si Ismael pe laing anaknia do antong.

MASMUR 118:18

Borat do da tu au uhuman ni Tuhan, tapi nada jabat dipasahat Ia au tu hamatean.

MASMUR 119:165

Dumpangan hasonangan do halak na manghaholongi TonaMu, nada tarambati sanga aha pe halahi.

MASMUR 89:32

gabe uhumanKu do halahi hara ni pangalaosionna i, jana Hupamasa parkancitan hara ni dosana i.

PODA 15:10

Dokdok do uhuman tu halak na maninggalkon dalan na tutu, jana mate do halak na so tarpaingot.

PODA 19:18

Ajari anakmu maraturan dompak poso dope; muda nada, na nihagiotanmu do ia mate.

JESAYA 19:22

Uhumon ni Tuhan ma bangso Mesir, tapi dung salpu i pamalumonNia do halahi. Mulak ma halahi tu Tuhan, jana tangihononNia ma tangiang ni halahi lalu mangalehen hamalumon.

JESAYA 32:17

Sanga na di dia adong hasintongan, dapotan ma disi hadameon, jana hara ni hasintongan tubu ma haulion dohot hasonangan salolot ni lolotna.

SURAT NI SI PAULUS TU PARLAGUTAN ROM 14:17

Harana anggo di Harajaan Ni Debata, nada sipanganon sanga siinumon na porlu disi, tapi hatigoran dohot hadamean dohot jop ni roha na nilehen ni Tondi Parbadia do.

2 KORINTUS 4:17

Jana anggo hasusaan na so sadia on na hami taon santongkin, lehenon ni i do di hami hasangapan na so tarsuhat jana na manongtong. Dao dope gumodang hasangapan i sugari nipartimbangkon tu hasusaan i sandiri.

2 TIMOTEUS 4:8

Jana saonnari upa ni hamonangan i noma sipainteonku. Di Ari Parpudi, pasahaton ni Tuhan Panguhum na tigor i ma upa i tu au, angke di bagasan pardomuan na denggan do au mangolu dohot Debata. Jana nada hum au sajo na giot manjagit upa i, tapi dohot do sudena halak na sai malungun paintehon haroro ni Tuhan i.

IBRANI 12:10

Marhatiha do pangajaran ni natorasta na di tano on tu hita, hombar tu na denggan na niboto ni halahi. Tapi anggo Debata, diajari do hita laho padenggankon hita, anso gabe badia hita rap dohot Ia.

IBRANI 5:14

Anggo panganon na pir, tu halak na dung magodang do i, harana madung malo ia paasingkon sanga dia na denggan dohot mandok sanga dia na jat.

1 PETRUS 1:6

Hara ni i angkon marjop ni roha do hamu, haru pe saonnari angkon laing marsak hamu santongkin hara ni na manaon angka pandugaan hamu.

2 PETRUS 2:14

Angke na so marnaloja do halahi mambaen dosa, jana mangaligi dadaboru ma giot ni halahi dohot mata na sai giot markamainan. Jana sanga ise na gale haporsayaanna, hona jorgong ma i baenon ni halahi. Madung somal roha ni halahi di angka hagiot na so denggan. Angka jolma na hona bura do halahi!