IBRANI 12:1 - BIBEL JAMITA NA DENGGAN

¹ Jadi anggo taringot tu hita, bahat sajo do humaliang hita angka saksi! Hara ni i, sasudena na padokdok hita bope dosa na sai lohot tu hita, tatalgangi ma sudena sian hita. Jana marsitutu ma hita manyalpui parlumbaan na di jolonta.

IBRANI 12:1 ပူးပေါင်းရင်းမြစ်များ

JOB 8:10

Tangihon ma da pandok ni halak na daulat najolo, na mangalehen sipodaon on tu ho,

MASMUR 18:23

Diboto Ia do na hupadao au sian karejo na targora, jana na so mardosa iba.

JESAYA 60:8

Ise dehe i na ro habang songon ombun songon darapati na mulak habang?

JEHESKIEL 38:16

Songon halingsungsung na manondong portibi on. Muda dung dapot hatihana, tongosonKu ma ho laho mambuat tanongKi. Marhite na Hubaen i di na Hupake ho ale Gog, botoon ni angka bangso ma sanga ise do Au, i ma Debata Na Badia.

JEHESKIEL 38:9

Ro ma ia dohot tentarania dohot bahat bangso mangudurkon ia mamorangi songon halingsungsung lalu mangalingkup luat i sude songon ombun.”

MATEUS 10:22

Goyak ma roha ni halak sude mida hamu hara ni Au. Tapi na torus tahan lopus tu ujungna, i do na giot paluaon.

MATEUS 24:13

Tapi sanga ise na tahan lopus tu ujungna, gabe paluaon ma ia.

MARKUS 10:50

Dung i ditalduskon ia ma gobak-gobaknia i, diompoti ia ma jongjong, kehe ma ia mandapotkon Jesus.

LUKAS 12:15

Dung i didok Jesus ma hata tu sude halak na disi, “Manat jana jagohon hamu ma dirimunu, angke haru bahat sajo pe arta ni halak, nada marguru tu sinadonganna i anggo ngoluna.”

LUKAS 16:28

gomos ma pangidoanku tu ho, anso suruhon ma si Lasarus kehe tu bagas ni damang, angke adong dope lima nari kahanggingku. Ibo rohana nian, anso ulang ro be halahi tu inganan pardangolan on!’

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.

JOHANNES 3:32

Angka na niidaNia dohot na nibegeNia do disaksihon Ia, hape umpe sahalak na mangkaporsayai hasaksianNia.

JOHANNES 4:39

Gabe bahat ma halak Samaria na sian kota i porsaya tu Jesus hara ni na nidok ni anak boru i, ‘Madung dipaboa Ia tu au sasudena parkarejoanku nabaruon.’

JOHANNES 4:44

Jesus sandiri do manyaksihon, “Nada dipasangapi panurirang, anggo di kota hagodanganna sandiri.”

SURAT NI SI PAULUS TU PARLAGUTAN ROM 12:12

Jop ma rohamunu mararop roha tu Tuhan i, sobar ma hamu muda ro hasusaan, jana haburjuhon hamu ma na martangiang.

SURAT NI SI PAULUS TU PARLAGUTAN ROM 2:7

Lehenon ni Debata ma ngolu na manongtong tu sude na mangkaburjuhon na denggan, hasangapan na sanggam jana na manongtong i.

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

GALATIA 2:2

Huompoti pe kehe tu Jerusalem, hara ni na dung dipatidahon Debata do tu au paboa na angkon kehe au. Jadi di sada pangkataion na buni, jolo mangkobari do au dohot angka halak na idaon songon pamimpin na disi, hupajojor ma tu halahi Jamita Na Denggan na hujamitahon i tu angka halak na so Jahudi. Harana, nada por rohangku gabe sayang boti angka na huhalojahon na salpu i dohot na saonnari.

GALATIA 5:7

Madung denggan nian najolo marjuang hamu! Ise dehe na mangantahi hamu anso ulang dipatulus hamu na tigor?

EPESUS 4:25

Hara ni i, angkon burju do hamu sudena na sada tu na asing. Ulang be marsipaoto-otoan, angke rap anggota ni pamatang ni Kristus do hita sudena.

PILIPPI 1:30

Saonnari dohot muse ma hamu rap dohot au di sada paraloan; i ma paraloan na dung niidamunu na salpu i huparalohon jana na laing huparalohon lopus tu sadari on songon na nibegemunu saonnari.

2 TIMOTEUS 2:4

Muda sada tentara na topet mardinas nada tola baenonna urusanna sandiri, angke por do rohania laho pasonangkon roha ni komandanna i.

2 TIMOTEUS 4:7

Anggo au madung hudohoti parlumbaan i sadenggan-dengganna, jana madung lalu tu ujung, jana madung humomosi do haporsayaan i.

IBRANI 6:15

Jadi hara ni sobarna si Abraham paintehon, gabe dijagit ia do na nijanjihon ni Debata tusia.

JAKOBUS 1:3

Angke muda laing tong do porsaya hamu tu Tuhan di na mamolus pandugaan i gabe diparo i ma hasobaron di hamu.

1 PETRUS 2:1

Antong, ambungkon hamu ma sian dirimunu sandok na jat; ulang be hamu margabus jana ulang be mangalancap. Ulang mangiburu jana ulang mandok hata na jat hamu taringot tu dongan.

1 PETRUS 4:2

Hara ni i, salolot mangolu hamu di tano on tu pudi on, ihutkon hamu ma hagiot ni Debata, ulang be mangihut di hagiot ni jolma hamu.

1 PETRUS 5:1

Nipangido anso diparrohahon angka sintua jolo on. Songon donganmunu pamimpin, hubaen surat on bope donganmunu na manyaksihon sandiri parkancitan ni Kristus, jana na giot dohot pasangapon muda dung dipataridahon hasangapan ni Kristus tu hita jolma. Gomos pangidoanku

1 PETRUS 5:12

Na niurupan ni si Silas do au mambaen surat na pendek on tu hamu; huetong do ia sada dongan Kristen na burju. Hubaen pe surat on tu hamu na giot manyosoi hamu do dohot paposkon rohamunu, taringot tu asi ni roha ni Debata na sintong. Togu ma hamu marsitiopan tu asi ni roha i.

2 PETRUS 1:6

Jana di bagasan parbinotoan i tambahon hamu ma hatomanan, di bagasan hatomanan hapohoman, jana di bagasan papohoman hadaulatan tu Debata.

HALUMBAAN 1:9

Si Johannes do au, kahanggi bope donganmunu saparjuangan na topet manaon parkancitan, di harajaan dohot di pohom ni roha paintehon Jesus. Na tarbuang do au di pulo Patmos hara ni na pararatkon jamita na sian Debata na nipasahat ni Jesus.

HALUMBAAN 13:10

“Sanga ise na angkon hurungon, angkon laing hurungkonon do. Jana sanga ise na mamunu dohot podang, pasti bunuon dohot podang. Hara ni i ma da umbaen na angkon sobar jana setia tongtong anggo halak na badia.”

HALUMBAAN 22:16

“Au, Jesus, madung Hutongos surusuruanKu tu hamunu anso dipaboa ia taringot tu pangalaho on laho manyarihon angka parlagutan i. Pomparan ni si Daud do Au; Au ma bintang sidongdong na torang i.”

HALUMBAAN 3:10

Hara ni na dung nioloanmunu parentangKu anso sobar hamu, Au pe jagohononKu ma hamu anso laing horas torkis hamu mamolus hasusaan na giot masa tu sude portibi on. I ma na giot tarjadi laho manguji sasude jolma na satano on.