IBRANI 11:37 - BIBEL JAMITA NA DENGGAN

³⁷ Didanggur do halahi dohot batu lopus mate, dilobong do halahi dohot gargaji, dimatehon dohot podang. Madang-adang halahi mamake baju sian bobak ni biri-biri sanga bobak ni hambeng; marpogos do halahi, diparkanciti jana disiksa.

IBRANI 11:37 ပူးပေါင်းရင်းမြစ်များ

2 SAMUEL 12:31

Tamba ni i dioban muse dope halak kota i jana disuru maroban gargaji, pangkur bosi, dohot kapak bosi jana dibaen ma halahi markarejo di inganan partukangan ni batu bata. Laing songon i ma dibaen ia tu angka kota ni halak Amon na asing. Dung salpu i, mulak ma si Daud dohot sude tentarania i tu Jerusalem.

1 RAJA-RAJA 18:13

Adong he na so unjung dope dibege amang na hutabunihon saratus halak panurirang ni Tuhan di angka liang dompak na nibunu ni si Isebel sian halahi – lima pulu halak di sada liang – jana hulehen halahi mangan dohot minum?

1 RAJA-RAJA 18:4

Dompak na nibunu ni si Isebel angka panurirang ni Tuhan, ditolong si Obaja do saratus halak panurirang ni Tuhan, ditabunihon ia halahi di angka liang – lima pulu halak di sada liang – jana dilehen ia panganon dohot inumon ni halahi.)

1 RAJA-RAJA 19:1

Dicaritohon si Ahab ma tu si Isebel dadaborunia i sude na nibaen ni si Elia i, dohot na nibununia i bage sude angka panurirang ni Baal i.

1 RAJA-RAJA 19:10

Dialusi si Elia ma, “Tuhan Debata Na Markuaso! Sai na matua markarejo tu Ho sandiri sajo do au. Hape dilaosi halak Israel do parjanjian ni halahi dohot Ho. Dirorak halahi do angka langgatanMu jana dibunu angka panurirangMu. Hum sasada au sajo noma na tinggal, jana saonnari giot bunuon ni halahi muse ma au!”

1 RAJA-RAJA 19:13

Dung dibege si Elia pangombus ni alogo i, digupgupi ia ma bohinia dohot jubania i, ruar ma ia jana dipajongjong ia ma di pintu ni liang i. Didok sora i ma tusia, “Na mahua dehe ho dison Elia?”

1 RAJA-RAJA 19:14

Dialusi si Elia ma, “Tuhan, Debata Na Markuaso! Sai markarejo do au hum tu Ho sajo. Hape dilaosi halak Israel do parjanjian ni halahi dohot Ho. Madung dirorak halahi angka langgatanMu jana dibunu angka panurirangMu. Hum sasada au noma na tinggal jana saonnari giot bunuon ni halahi ma au!”

1 RAJA-RAJA 19:19

Jadi kehe ma si Elia jana didapot ia si Elisa di ladangna na topet manjajar mamake lombu dua bolas pasang. Si Elisa sandiri dohot do manjajar mamake pasangan na parpudi i. Dompak na mamolus i si Elia di lambung ni si Elisa, ditalduskon si Elia ma baju jubania i jana dipahorbang ia ma tu abara ni si Elisa.

1 RAJA-RAJA 21:10

Suru hamu ma dua halak na jahat juguk di jolonia jana ditudu ma ia na mamurai Debata dohot raja. Dung i oban hamu ma ia tu balian ni kota jana nidangguran ma ia dohot batu lopus mate.”

2 RAJA-RAJA 1:8

“Mamake baju juba jana marbobat huling-kuling ni binatang do,” ning halahi. “O, si Elia do i!” ning raja i marsurak.

2 RAJA-RAJA 2:13

Dung i dijomput ia ma juba ni si Elia na madabu i, mulak ma ia jongjong di topi ni Batang aek Jordan i.

2 RAJA-RAJA 2:8

Ditalduskon si Elia ma jubania i, dibalun ia jana dilipatkon ia ma tu batang aek i. Jadi marbagi dua ma aek i, lopus tardalani ia dohot si Elisa tandolan na mahiang i.

1 JUJUR TAON 20:3

Dioban ma sude halak kota i jana dipaksa markarejo, manggargaji, mamangkur dohot mangkampak. Laing songon i ma dibaen ia tu kota ni halak Amon na deba nari. Dung i mulak ma si Daud dohot tentarania i sudena tu Jerusalem.

2 JUJUR TAON 24:21

Tapi mambaen kompolotan ma rayat i mangalo si Zakaria, jana dohot do Raja Joas di bagasan kompolotan i. Nada diingot ia be jasa-jasa dohot haburjuon ni si Joyada amang ni si Zakaria i. Diparentahon raja i ma anso didangguri si Zakaria dohot batu lopus mate di alaman ni Bagas Ni Debata. Di na laho tos hosania, pio-pio ma si Zakaria, “Sai diida Tuhan ma pambaenanmon jana dibaloskon Ia!”

JEREMIA 2:30

Nada marguna hamu Hubaen hona uhum, angke na so targorahon do hamu. Songon singa na mangamuk, songon i ma hamu mamatehon angka panurirangmunu.

JEREMIA 26:23

Dung i dioban halahi ma ia mulak mangulahi tu Raja Joyakim. Dung i disuru raja i ma anso dibunu ia, jana diambungkon bangkena i tu kuburan ni halak na bahat.

ZAKARIA 13:4

Di hatiha i maila ma angka panurirang hara ni parnidaanna songon sada panurirang, nada adong be sian halahi na mamake baju juba na marimbulu giot margabus.

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

MATEUS 21:35

Tapi ditangkupi angka na mamola kobun i ma angka naposo ni partano na bidang i: Na sada dibalbali, na sada nari dibunu halahi, angka na asing i pe didangguri halahi do dohot batu.

MATEUS 3:4

Sian imbulu ni unto do dibaen pakean na nipake ni si Johannes on. Bobatnia sian bobak. Siapor dohot aer ni loba do panganonnia.

MATEUS 8:20

Dialusi Jesus ma, “Marliang do sorigala, marasar do angka unggas, tapi anggo Anak Ni Jolma i, i ma suruan ni Debata, nada adong inganan hapayahan ni uluNia.”

LUKAS 13:34

O ale Jerusalem, Jerusalem! Dibunu ho do angka panurirang dohot angka na nisuru tu ho, didangguri ho dohot batu! Madung jotjot sai giot paluhutonKu sude halak na mangingani ho songon sada inang ni manuk na manggobak angka anakna di toru ni habongna, hape nada ra hamu!

BAENON NI ANGKA RASUL 14:19

Jadi ro ma halak Jahudi tu Listra sian Antiokia na di Pisidia songon i na sian Ikonium mangirang-irangi halak na bahat i anso mamihak tu halahi. Didangguri halahi ma si Paulus dohot batu, dung i disarat halahi ma ia tu balian ni kota i. Diambang halahi na dung mate ia,

BAENON NI ANGKA RASUL 7:52

Adong dehe panurirang na so diparkanciti ni angka ompungmunu i? Dibunu halahi do angka suruan ni Debata na mambaen boa-boa narobi, paboa na angkon ro ma Partigor i. Jana saonnari dihianati jana dibunu hamu do Naposo Ni Debata i.

2 KORINTUS 12:10

Jadi gabe jop do rohangku hara ni angka hagaleanki. Jop do rohangku muda adong na mangalayasi au, muda taruli hasusaan, muda dipakojar-kojar halak au, bope muda hubolus hasusaan hara ni Kristus. Angke muda gale au, hape apala disi ma gabe margogo au.

IBRANI 11:25

Gumonan do dihilala ia markancit rap dohot bangso ni Debata ulang pado santongkin mandai hasonangan sian ngolu na mardosa.

IBRANI 13:3

Ingot hamu ma angka halak na tarhurung, laing songon na dohot hamu tarhurung rap dohot halahi. Dohot angka na manaon pambaenan na so patut, ingot hamu ma halahi songon na dohot hamu manaonkon na songon i.

HALUMBAAN 11:3

SuruhononKu ma dua halak sangsingKu anso manyurirangi jana marpakean arsak ni roha, salolot saribu dua ratus onompulu ari.”