IBRANI 11:36 - BIBEL JAMITA NA DENGGAN

³⁶ Adong ma deba na niincahan, na diparkanciti, dirante jana dipamasuk tu hurungan.

IBRANI 11:36 ပူးပေါင်းရင်းမြစ်များ

PAMUNGKAAN 39:20

Jana disuru ia ma anso manigor ditangkup si Josep jana dipamasuk tu hurungan, inganan panghurungan ni angka tahanan ni raja. Jadi gabe disi ma si Josep tinggal.

1 RAJA-RAJA 22:24

Jadi ro ma tu jolo si Zedekia anak ni si Kenaana mandonohi Panurirang Mika dipastap ia ma bohina i jana didok ia ma, “Mamungka sadihari lakna ditadingkon Tondi Ni Tuhan au laho mandok hata tu ho?”

1 RAJA-RAJA 22:27

“Suru anso dikurungkon halahi ia di hurungan, jana dilehen ia mangan dohot minum saotik sajo lopus mulak au horas torkis.”

2 RAJA-RAJA 2:23

Dung i kehe ma si Elisa sian Jeriko tu Betel. Di tonga dalan marroan ma angka dakdanak sian kota mangalayas-layasi tusia, “O palpal, palpal, morot ho sian on!” ning halahi marsurahi.

2 JUJUR TAON 16:10

Songon i noma murukna si Asa umbege pandohan ni Panurirang Hanani i jadi gabe dipamasuk ia ma panurirang i tu hurungan. Di hatiha i laing dipisat si Asa do sanga na piga halak sian rayatnia i.

2 JUJUR TAON 18:26

Suru anso dipamasuk halahi si Mika tu bagasan hurungan jana saotik sajo pe dilehen ia mangan dohot minum lopus mulak au di bagasan hahorasan.”

2 JUJUR TAON 30:10

Di na kehe angka utusan i sian angka kota na di luat ni Marga Efraim dohot Manase lopus tu Utara lalu tu luat ni Marga Zebulon, dipartatai halak ma halahi jana dilayasi.

2 JUJUR TAON 36:16

Hape diparmayam-mayam halahi do angka utusan ni Debata i, dipartatai halahi angka panurirangNia jana nada ditangihon halahi hatana. Ujungna sun ma muruk ni Tuhan tu halahi jadi gabe nada adong be dalan ruar di halahi.

JEREMIA 20:2

diparentahon ia ma anso dipotuk au jana dibayangkon di Pintu Horbangan Benyamin, horbangan parginjang di Bagas Ni Tuhan.

JEREMIA 20:7

O Tuhan, Ho do mangelek au jana madung hona elekMu au. Gumogo do Ho sian au jana madung dipatunduk Ho au. Dipacia-cia sude halak au, dipalayas sian manyogot lalu tu potang ari.

JEREMIA 29:26

“Madung diangkat Tuhan ho gabe malim manggontihon si Joyada, jana ho noma saonnari na gumincat pangkatna di Bagas Ni Tuhan. On do karejomu: Mamarentahon anso dibaen rante bosi tu rungkung ni sandok halak na rintik na mandok dirina panurirang.

JEREMIA 32:8

Jadi tumbuk ma songon na nidok ni Tuhan, ro ma antong si Hanameel tu au di alaman ni panjagoon i jana didok ia ma anso hutobusi tanonia i. Hara ni i ma umbaen na pos rohangku paboa na tutu situtu do Tuhan mandok hata tu au.

JEREMIA 36:6

Tapi sanoli on muda hatiha puaso halak, angkon kehe do ho tusi jana siseonmu gogo sude na hudokkon i tuho, anso sude dibege halahi na nidok ni Tuhan tu au. Padalan ma i di inganan na tumbuk begeon ni sude halak tu ho, dohot tu halak Juda na marroan sian angka kota ni halahi be.

JEREMIA 38:28

Hot dope au ditahan di alaman ni bagas godang i lopus tu ari hatatalu ni Jerusalem.

JEREMIA 39:15

Dompak na ditahan i au di alaman ni bagas godang i, disuru Tuhan ma au

DANIEL 11:33

Angka halak na bisuk mamimpin rayat, baenonna ma bahat halak mangarti. Tapi sanga na piga ngombas, hona bunu do piga-piga halak sian halahi hara ni porang, sanga hara ni api, jana deba nari hona samun dohot hona tangkup.

MATEUS 20:19

dung i pasahaton ni halahi ma Ia tu halak na asing, na so bangso Jahudi. Palayason ni halahi ma Ia, diparkanciti dung i parsilangkonon ni halahi ma Ia. Tapi dipangolu do Ia mangulahi di ari patoluhon.”

MATEUS 21:35

Tapi ditangkupi angka na mamola kobun i ma angka naposo ni partano na bidang i: Na sada dibalbali, na sada nari dibunu halahi, angka na asing i pe didangguri halahi do dohot batu.

MATEUS 23:34

Antong hara ni i parrohahon hamu ma jolo, tongosonKu ma angka panurirang tu hamu dohot halak na marroha dohot angka Siboto Surat. Angkon bunuonmunu deba sian halahi. Deba nari parsilangkononmunu. Adong ma i balbalonmunu di bagas paribadatan, kojar-kojaronmunu sian kota na sada tu kota na asing.

MATEUS 27:26

Gabe dipalua si Latus ma si Barabbas di halahi. Dipaloncingkon ia ma Jesus, dipasahat ia ma anso niparsilangkon!

MARKUS 10:34

Incahan ni halahi ma Ia, tijuranna, loncinganna baru ma dibunu. Tapi dung tolu ari, mulak mangolu ma Ia mangulahi.”

LUKAS 18:32

Pasahaton ma Ia tu angka halak na so mananda Debata, jana incahan ni halahi ma Ia, pabileonna jana tijurkononna.

LUKAS 23:11

Dipacia-cia si Herodes dohot angka tentarana i ma Jesus, diincak-incahi, dung i diabitkon halahi ma tusia pakean hasangapan, dung i ditongos halahi ma Jesus mangulahi tu si Latus.

LUKAS 23:36

Angka tentara i pe marsiincahi ma tuSia. Dipadonok halahi ma tu Jesus jana dilehen halahi ma anggur na mancom tuSia.

BAENON NI ANGKA RASUL 21:33

Didapotkon komandan i ma si Paulus, ditangkup ma ia jana disuru komandan i ma halak mangarante si Paulus. Dung i disapai komandan i ma sanga ise si Paulus jana sanga aha na nibaennia.

BAENON NI ANGKA RASUL 24:27

Dung adong dua taon, ro ma si Perkius Pestus manggontihon si Peliks gabe gubernur disi. Jadi hara ni na giot mambuat roha ia tu halak Jahudi, gabe laing dipadiar ia ma si Paulus tarhurung.

BAENON NI ANGKA RASUL 4:3

Dung i ditangkup halahi ma rasul sidua halak i dipamasuk halahi ma tu hurungan lopus manyogot; dibaen madung potang ari.

BAENON NI ANGKA RASUL 5:18

Ditangkup halahi ma angka rasul i, manigor dihurungkon tu hurungan na di kota.

BAENON NI ANGKA RASUL 5:40

Dung i dipiohon ma angka rasul i, diloncing jana dilarang ma halahi mangajarkon taringot tu Jesus mangulahi. I pe anso dipalua halahi.

BAENON NI ANGKA RASUL 8:3

Tapi anggo si Saulus sai manggogo ma ia laho manyursari parlagutan i. Masuk ma ia sian bagas na sada tu bagas na asing manyarat halak na porsaya i tu ruar, dipamasuk ia ma halahi tu hurungan.

EPESUS 3:1

I ma dalanna umbaen na tarhurung au si Paulus hara ni Jesus Kristus, laho manyarihon haporluanmunu angka dongan na so bangso Jahudi.

EPESUS 4:1

Hara ni i ma – au sada halak na tarhurung, na nihurungkon hara ni na mangoloi Tuhan i – gomos hupangido tu hamu: Dalani hamu ma ngolumunu marguru tu parobananmunu songon halak na dung dipiohon Debata.

2 TIMOTEUS 1:16

Tapi anggo na sian bagas ni si Onesiporus madung adong sanga na piga noli dipajop ia rohangku. Ibo ma roha ni Tuhan, sai dilehen ma tu halahi asi ni rohaNa. Haru pe tarhurung au, nada pola maila si Onesiporus marnida na masa tu au.

2 TIMOTEUS 2:9

Hara ni na manjamitahon Jamita Na Denggan i do umbaen na markancit au; lopus tarrante dope songon sada halak parjahat, tapi nada tarrante anggo hata ni Debata.

IBRANI 10:34

jana dohot do hamu mangkilalahon pardangolan ni angka halak na tarhurung. Jana di na hona rampas sude sinadonganmunu, jop do rohamunu manjagit sasudena i, angke diboto hamu do, laing adong dope di hamu na dao dumenggan na tahan salolot-lolotna.

HALUMBAAN 2:10

Ulang ho mabiar taringot tu na giot taononmu. Ligi ma dabuon ni sibolis ma deba sian hamu tu bagasan hurungan, anso niuji hamu, jana manaon parkancitan ma hamu salolot sampulu ari. Sai bonar ma rohamunu lopus tu hamatean i, dung i lehenonKu ma di ho tuku hangoluan.

HAKIM-HAKIM 16:25

Songon i ma jop ni roha ni halahi, gabe didok halahi ma, “Dioban ma da si Simson tuson anso taparmayam-mayam ia.” Jadi gabe dialap ma si Simson sian hurungan jana disuru ma ia jongjong di antara dua tiang na bolon lalu diparmayapkon halahi ma ia.