IBRANI 11:32 - BIBEL JAMITA NA DENGGAN

³² Antong, dia dope dokkononku? Tarpaboa au do sudena i tapi nada tuk hatiha di au. Na so hupaboa dope si Gidion, si Barak, si Simson, si Jefta, si Daud, si Samuel dohot angka panurirang i.

IBRANI 11:32 ပူးပေါင်းရင်းမြစ်များ

MASMUR 99:6

Si Musa dohot si Harun do angka malimNia, si Samuel do sada na martangiang tuSia. Pio-pio do halahi tu Tuhan, jana dilehen Ia do alusna.

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

MATEUS 5:12

Jop ma rohamunu jana marolop-olop ma hamu, angke godang do upamunu di banua ginjang, dibaen laing songon i do diayak-ayak halahi angka panurirang na jumolo sian hamu.”

LUKAS 13:28

Dung diida hamu si Abraham dohot si Ishak dohot si Jakob dohot sude angka panurirang marsonang-sonang di Harajaan Ni Debata, gabe tangis ma hamu jana mardangol situtu angke anggo hamu sandiri ambungkonon do tu ruar!

LUKAS 16:31

Tapi didok si Abraham ma tusia, ‘Muda so diampirkon halahi do si Musa dohot angka panurirang i, indangkon na ra halahi porsaya haru pe adong halak na mate mulak mangolu.’ ”

JOHANNES 21:25

Bahat dope nian angka pambaenan ni Jesus. Sugari nisuratkon i sudena pasada-sada, ning rohangku na satano on pe nada tuk inganan ni angka buku sisuraton.

BAENON NI ANGKA RASUL 10:43

Sude do angka panurirang manaringoti Ia. Didok halahi, dapotan hasesaan ni dosa do sudena halak na porsaya tu Jesus, markite-hite goarNia.”

BAENON NI ANGKA RASUL 13:20

Opat ratus lima pulu taon honok ni i sudena. Dung sidung dibagi-bagi tano Kanaan i, dilehen Debata ma angka panguhum ni halahi, Panurirang Samuel ma panguhum na parpudi.

BAENON NI ANGKA RASUL 3:24

Sudena angka panurirang na dung jungada pabolkaskon barita na sian Debata, mamungka sian Panurirang Samuel dohot angka panurirang na asing di pudi ni si Samuel, dipaboa halahi do taringot tu na masa sisaonnari on.

SURAT NI SI PAULUS TU PARLAGUTAN ROM 3:5

Tapi muda mur tarida na tigor Debata hara ni na tabaen na so tigor, aha ma na tardok hita? Na geduk ma he lakna Debata muda diparo Ia rimasNia? (Mangihutkon hata ni jolma do na hudok i.)

SURAT NI SI PAULUS TU PARLAGUTAN ROM 4:1

Antong, aha ma tardok hita taringot tu ompunta si Abraham? Aha ma he na dumpang di hajolmaonnia lakna?

SURAT NI SI PAULUS TU PARLAGUTAN ROM 6:1

Antong anggo songon i, aha ma na tardok hita? Angkon tadatdati ma he mambaen dosa anso mur martamba asi ni roha i?

SURAT NI SI PAULUS TU PARLAGUTAN ROM 7:7

Antong, aha ma na tardok hita? Dosa dehe lakna Tona i? Nada! Tapi Tona i do na patandahon tu au taringot tu dosa. Nada huboto hian sanga na aha impol ni roha i, sugari nada didok Tona i, “Ulang impol rohamu.”

JAKOBUS 5:10

Ligi hamu ma angka panurirang na mandok hata mangasahon goar ni Tuhan. Sobar do halahi jana tahan manaon parkancitan. Jadi, halahi ma baen hamu gabe tiruan.

2 PETRUS 1:21

Angke nada adong halak na tarbaen paboahon barita na sian Debata taringot tu angka na giot tarjadi saulahon, anggo sian dirina sandiri. Tondi Parbadia sandiri do na mangajari halahi paboahon barita na sian Debata i.

2 PETRUS 3:2

Husosoi hamu anso diingot hamu mangulahi angka hata na nidok ni angka panurirang ni Debata nahinan, dohot parenta ni Tuhan, Kristus na nipasahat tu hamu markite-hite angka rasul.

HAKIM-HAKIM 13:24

Dung adong sadia honok muse, ditubuhon ripe ni si Manoah i ma sada anak halaklahi jana dibaen ia ma goarna si Simson. Mur magodang ma dakdanak i boti dipasupasu Tuhan;

HAKIM-HAKIM 15:20

Dua pulu taon honokna si Simson mamimpin halak Israel di hatiha na nirajaan ni halak Pilistin halahi.

HAKIM-HAKIM 4:1

Dung mate si Ehud, mardosa ma mangulahi bangso Israel tu Tuhan.

HAKIM-HAKIM 6:1

Mardosa sanoli nari halak Israel tu Tuhan, jadi gabe dipadiar Ia ma bangso Midian mangarajai halahi pitu taon honokna.

HAKIM-HAKIM 6:11

Sanoli ro do Surusuruan Ni Tuhan di desa Ofra, lalu juguk di toru ni hayu ara nampuna ni si Joas, sada halak na sian golongan ni Marga Abieser. Na topet manggiling gandum di panggilingan anggur do anak ni si Joas on, na margoar si Gideon. Anso ulang diida halak Midian do umbaen na martabuni-tabuni dibaen ia songon i.

HAKIM-HAKIM 6:14

Dung i dilehen Tuhan ma parenta on tu si Gideon, “Kehe ma ho dohot sude hagogoanmu paluahon halak Israel sian kuaso ni halak Midian. Au do na marsuru ho.”

1 SAMUEL 1:20

Denggan ma pamatang ni Hanna jana sorang ma anakna halaklahi. Dibaen ia ma goarna si Samuel, angke didok ia, “Na hupangido do ia sian Tuhan.”

1 SAMUEL 12:11

Dung i disuru Tuhan ma si Jerubaal (Gideon), dung i si Barak, dung i si Jefta jana ujungna au. Madung hami palua hamu sian musumunu, lopus tarbaen sonang ngolumunu.

1 SAMUEL 16:1

Dung adong sadia honok mangkuling ma Tuhan tu si Samuel, “Sadia honok nari ho marsak patunda ni si Saul i? Nada he na dung Hutulak do i gabe raja ni Israel? Saonnari buat ma miak zetun jana kehe ma ho tu Betlehem, mandapotkon sada halak na margoar si Isai, dibaen madung Hutodo sada halak sian angka anaknia i na gabe raja.”

1 SAMUEL 16:13

Manigor dibuat si Samuel ma miak zetun jana dimiahi ia ma si Daud gabe raja di jolo ni angka angkangnia i. Laing di hatiha i manigor digohi Tondi Ni Tuhan ma si Daud. Mamungka sian ari i dohot tu ari na mangihut sai didongani Tondi Ni Tuhan ma ia. Dung i mulak ma si Samuel tu Rama.

1 SAMUEL 17:45

Tapi dialusi si Daud ma, “Ro ho mangalo au mangasahon podang, tombak dohot hujur, tapi ro do au mangalo ho mangasahon goar ni Tuhan Na Markuaso i, Debata ni tentara ni Israel na nipalayasmi.

1 SAMUEL 2:11

Dung i mulak ma si Elkana tu Rama, tapi anggo si Samuel anaknia i, tinggal ma di Silo jana disi ma ia mangoloi Tuhan di bagasan pangajarion ni si Eli.

1 SAMUEL 2:18

Anggo si Samuel anak ni si Hanna i, dipupu ia do mangoloi Tuhan. Mamake baju efod do ia na dibaen sian abit linen, songon baju parkobas ni angka malim.

1 SAMUEL 2:4

Madung maponggol sior ni parporang tapi halak na gale mur marhagogoan.