IBRANI 11:16 - BIBEL JAMITA NA DENGGAN

¹⁶ Hape anggo saonnari, luat na dumenggan do na nijalahan ni halahi, i ma banua ginjang. Hara ni i ma umbaen na so pola ila roha ni Debata nigoaran Ia Debata ni halahi, angke madung dipasingkop Debata sada kota di halahi.

IBRANI 11:16 ပူးပေါင်းရင်းမြစ်များ

PAMUNGKAAN 26:24

Jadi borngin i dipataridahon Debata ma diriNa tusia mandok, “Au ma da Debata ni amangmu si Abraham. Ulang ho mabiar. Au do mandongani ho. PasupasuonKu ma ho jana lehenonKu ma tu ho bahat pomparanmu hara ni janjingKu tu naposongKu si Abraham.”

PAMUNGKAAN 28:13

Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

HARURUAR 3:15

Baritahon ma tu bangso Israel, paboa Au do Tuhan Debata ni ompu ni halahi, Debata ni si Abraham, si Ishak dohot si Jakob na marsuru ho manopot halahi. I do goarKu ro di salolot ni lolotna. On ma panggoaringKu di sude bangso marsundut-sundut.

HARURUAR 3:6

Didok Debata ma muse, “Au do Debata ni ompumu, Debata ni si Abraham, si Ishak dohot si Jakob.” Gabe ditutupi si Musa ma bohinia, dibaen biarnia marnida Debata.

HARURUAR 4:5

Ninna Debata ma, “Baen ma songon i mambuktihon tu halak Israel bahaso Au do, Tuhan Debata ni ompu ni halahi, Debata ni si Abraham, si Ishak dohot si Jakob na dung ro manopot ho.”

JEREMIA 31:1

Didok Tuhan ma, “Dapot do i hatihana gabe Au Debata ni sude marga ni Israel, jana halahi gabe bangsongKu.

MATEUS 25:34

Dung i dohonon ni Raja i ma hata tu angka na di siamunNia i, ‘Ro ma hamu angka na nipasupasu ni Damang. Masuk ma hamu tu bagasan harajaan na dung diparade di hamu mamungka sian na manompa portibi on.

MARKUS 12:26

Dung i anggo taringot tu angka na mate i na dipangolu mangulahi, adong he na so jungada dope disise hamu di buku ni si Musa taringot tu ramba na gor i? Di angka ayat i adong do tarsurat na nidok ni Debata tu si Musa songon on, ‘Au do Debata ni si Abraham, Debata ni si Ishak dohot Debata ni si Jakob.’

MARKUS 8:38

Angke sanga ise na maila hara ni Au dohot hatangKu di tonga-tonga ni halak na so setia dohot pardosa, maila muse ma Anak Ni Jolma i mida ia muda ro Ia di bagasan hasangapan ni AmangNia rap dohot surusuruanNia na badia i.”

LUKAS 12:32

“Ulang hamu mabiar, haru pe hum saotik sajo bilanganmunu! Angke jop do roha ni Amangmunu mangalehen HarajaanNia i tu hamu.

LUKAS 20:37

Si Musa pe tangkas do dipaboa ia, mulak dipangolu do mangulahi halak na mate. Di suratnia i, i ma taringot tu ramba-ramba na mosok i dipaboa ia do, anggo Tuhan i, i ma, ‘Debata ni si Abraham, Debata ni si Ishak dohot Debata ni si Jakob.’

JOHANNES 14:2

Bahat do inganan di bagas ni Damang. Na giot pasingkop ingananmunu do Au kehe tusi. Pola ma Hudok songon i tu hamu, anggo na so tutu do songon i?

BAENON NI ANGKA RASUL 7:32

‘Au do Debata ni angka ompungmu; Debata ni si Abraham, si Ishak dohot si Jakob.’ Humitir ma si Musa hara ni biarna, nada puluk be ia mangaligina.

PILIPPI 3:20

Tapi anggo hita rayat ni banua ginjang do. Laing sian i muse ma ro Tuhan Jesus Kristus Sipalua i. Ia do na sai tapainte-inte i mardongan lungun ni roha.

2 TIMOTEUS 4:18

Sai paluaon ni Tuhan Jesus do au tongtong sian sude usaho na jat maradopkon au. BoanonNia do au lopus tu bagasan HarajaanNia di banua ginjang. Sipasangapon do Ia salolot-lolotna! Amen.

IBRANI 10:34

jana dohot do hamu mangkilalahon pardangolan ni angka halak na tarhurung. Jana di na hona rampas sude sinadonganmunu, jop do rohamunu manjagit sasudena i, angke diboto hamu do, laing adong dope di hamu na dao dumenggan na tahan salolot-lolotna.

IBRANI 11:10

Angke tarpainte-inte do si Abraham anso tinggal ia di kota na giot baenon jana na nipauli ni Debata di ginjang ni ojahan na togu.

IBRANI 11:14

Sanga ise na mandok songon i, tangkas do dipatuduhon halahi, na manjalahi luat na gabe inganan na hot do halahi.

IBRANI 11:40

angke adong dope sangkap ni Debata na dumenggan salaho tu hita. Angkon rap do dohot hita anso gabe sanggam halahi.

IBRANI 12:22

Tapi anggo hamu, Dolok Sion noma na niadopanmunu bope Kota Ni Debata na mangolu, i ma Jerusalem na di banua ginjang dohot surusuruanNa na marribu-ribu.

IBRANI 13:14

Nada adong inganan na hot di hita anggo di tano on; inganan tu hatiha na giot ro do na tajalahi.

IBRANI 2:11

Dibaen sian Sada do haroroan ni sude halahi, bope Ia na pabadiahon, bope halahi na niparbadiai, hara ni i do nada maila Ia manggoari halahi kahanggi.

HALUMBAAN 21:2

Gabe huida ma Kota Na Badia i, i ma Jerusalem na imbaru, na mijur sian banua ginjang sian Debata. Madung jolo nihobasan kota i songon boru na giot marbagas laho mandapotkon halaklahina.