IBRANI 10:5 - BIBEL JAMITA NA DENGGAN

⁵ Hara ni i do di na ro Kristus tu tano on didok Ia tu Debata, “Nada pola dihagioti rohaMu haul dohot haul silehen-lehen; tapi madung diparade Ho sada pamatang di Au.

IBRANI 10:5 ပူးပေါင်းရင်းမြစ်များ

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

JESAYA 1:11

Didok Tuhan do, “Diambang hamu do lakna jop ma rohangKu hara ni sude haul na sai nihaulkonmunu i tu Au? Madung magigi Au mida biri-biri haulmunu na nitutung i dohot di tabo-tabo ni anak ni lombu i. Nada ringkot rohangKu mida mudar ni lombu jantan, biri-biri dohot hambeng i.

JESAYA 40:16

Nada tuk binatang di harangan godang Libanon baen haul situtungon, jana nada tuk angka hayu i baenon gabe sobanna.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

JEREMIA 31:22

Sadia honok nari sai torus ganggu ho, ale dakdanak dadaboru na so setia tu Au? Madung Hutompa na imbaru di tano on, dadaboru mangondingi halaklahi.”

JEREMIA 6:20

Aha ma guna ni hamonyan na dioban ni halahi di Au sian Seba, sanga parmasak na sian luat na dao i? Nada ringkot rohangKu manjagit haul ni halahi i; nada giot Au angka haul na nitutung ni halahi.

MATEUS 11:3

“Hamu do lakna Amang na dijanjihon na giot ro i, sanga halak na asing dope sipainteonnami?”

LUKAS 1:35

Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.

LUKAS 7:19

disuru ia ma halahi kehe mandapotkon Tuhan Jesus laho manyapai, “Ho do ulaning na giot ro i sanga adong dope halak na asing sipainteonnami?”

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

GALATIA 4:4

Tapi dung dapot hatiha hadenggananna, disuru Debata ma AnakNia i tu portibi on. Na sorang sian sada dadaboru do AnakNa i jana na mangolu di toru ni Tona i.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

IBRANI 1:6

Tapi di na nisuru ni Debata AnakNia siangkaan i tu portibi on, didok Ia do, “Sude surusuruan ni Debata angkon manyomba tuSia.”

IBRANI 10:10

Madung dipatulus Jesus Kristus sanga aha na nidok ni Debata baenonNia. Hara ni i ma umbaen na nipaias hita sudena sian dosa markite-hite haul i, i ma Jesus sandiri – na nihaulkon sanoli sajo ro di salolot-lolotna.

IBRANI 10:7

Dung i Hudok ma, ‘Dison do Au, o Debata! Ro do Au laho patuluskon hagiotMu songon na tarsurat i di Buku Na Badia taringot tu Au sandiri.’ ”

IBRANI 10:8

Mula-mula didok Kristus, “Nada pola dihagioti Ho haul dohot haul silehen-lehen; nada dihalomohon rohaMu haul sian pahan-pahanan na nitutung gabe haul dohot haul na nisombahon panyesa ni dosa.” Didok Kristus do songon i haru pe sasude angka haul i nisombahon mangihutkon Tona ni ugamo Jahudi.

IBRANI 2:14

Angke anggo angka halak na nidokNia i dakdanakNia, i ma angka mudar dohot sibuk, gabe sarupa ma Jesus sandiri dohot halahi jana mangolu songon pangalaho ni jolma sarupa dohot halahi. Songon i pe pambaenNia, anso ditaluhon Ia do Sibolis i na maniop kuaso ni hamatean i.

IBRANI 5:7

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.

IBRANI 8:3

Sude Malim Godang, niangkat do i laho manghaulkon na nisombahon sanga haul, tu Debata, laing songon i muse do Malim Godangta i; angkon adong do diSia sanga na aha sihaulkononNia.

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.

2 JOHANNES 1:7

Madung bahat angka pargabus manyarsar sun ro di dia di tano on. Na so nioku ni halahi do na dung ro Jesus Kristus tu portibi on songon sada jolma. Pargabus do halak na songon i jana musu ni Kristus.