IBRANI 10:37 - BIBEL JAMITA NA DENGGAN

³⁷ Angke tarsurat do, “Santongkin nari sajo noma, ro ne ma Ia na giot ro i hian; nada palambat-lambatonNia haroroNia.

IBRANI 10:37 ပူးပေါင်းရင်းမြစ်များ

JESAYA 26:20

Masuk ma hamu tu bagasmunu i ale bangsongKu, lalu tutupkon ma pintuna i. Martabuni ma hamu sangombas lopus mombun rimas ni Tuhan.

JESAYA 60:22

Salang ripe na menek jana na bile, gabe godang ma jana markuaso. Au ma da Tuhan; manigor baenonKu ma tindakan, muda dung dapot hatiha na tumbuk.”

MATEUS 11:3

“Hamu do lakna Amang na dijanjihon na giot ro i, sanga halak na asing dope sipainteonnami?”

LUKAS 18:8

Hudok ma di hamu! Manigor belaonNia do parkaro ni halahi! Tapi laing adong dope he haporsayaan di portibi on saulahon muda ro Anak Ni Jolma i.”

PILIPPI 4:5

Angkon idaon ni halak ma nian pangalahomunu sian roha na denggan. Madung donok Tuhan i.

IBRANI 10:25

Ulang ma tatinggalkon parlagutanta i, songon na nibaen ni na deba. Angkon mur umburju ma nian hita marsipaingotan sama hita, angke taboto do, ro ne ma Tuhan i.

2 PETRUS 3:8

Tapi na saragam on nada tola lupa hamu: anggo di parnidaan ni Debata nada adong asing ni na sadari dohot na saribu taon – sarupa do i dua-dua.

2 PETRUS 3:9

Nada tarlambat Debata mangalehen sanga aha na nijanjihonNia songon na nipikiran ni deba halak. Tapi sobar do Ia paadop-adop hamu, angke sahalak pe nada dihagioti Ia mago. GiotNia ulang so muba nian sude roha ni jolma sian angka dosana be.

HALUMBAAN 22:20

Didok na manyaksihon sudena on do, “Olo, tibu ma Au ro!” Amen! Ro ma Ho, ale Tuhan Jesus!