IBRANI 10:33 - BIBEL JAMITA NA DENGGAN

³³ Huhul hona incak do hamu jana gabe sitontonan di jolo ni halak na bahat. Huhul laing dohot do hamu manaon dohot halahi na manaon songon i,

IBRANI 10:33 ပူးပေါင်းရင်းမြစ်များ

MASMUR 69:9

Holong ni roha tu BagasMu pagurgurkon rohangku, incak ni halak na palayas goarMu mandondoni au.

MASMUR 71:7

Gabe tiruan na denggan do ngolungku di halak na bahat, angke Ho do antong pangondianku na gogo.

MASMUR 74:22

Jongjong ma Ho ale Debata, bela ma parkaroMi! Angke diincahi do Ho sasadari, angka halak na so porsaya tu Ho mangincaki.

MASMUR 79:12

Ale Tuhan, baloskon ma pitu noli lompit incak ni musu maradopkon Ho.

MASMUR 89:51

Dilayasi musuMu do ale Tuhan, raja na nipulditMi, sanga tu dia pe ia kehe, hona incak ni halahi.

JESAYA 51:7

Tangihon ma Au, ale hamu angka na umboto hasintongan, ale bangso na manyimpan pangajaranKu di bagasan rohamu! Ulang mabiar hamu muda dipabile jolma, jana ulang tarsonggot muda diincahi halahi.

NAHUM 3:6

BaenonKu ho songon barang sihagigian, dangguranKu ho dohot kotoran; baenonKu ho gabe sitontonan.

ZAKARIA 3:8

Tangihon ma, ale Malim Godang Josua, dohot hamu ale angka malim na asing, hamu ma da na songon gambaran ni hatiha hasonangan na giot ro. PatidahononKu ma di hatiha i naposongKu i ma Sada Tunas.

1 KORINTUS 4:9

Harana anggo mangihutkon pandapotku, dilehen Debata do di hami angka rasul inganan na tumoruk, dos songon halak na niuhum tu hamatean, angke madung gabe sitontonan hami diportibi on, dijolo ni jolma dohot angka surusuruan.

2 KORINTUS 12:10

Jadi gabe jop do rohangku hara ni angka hagaleanki. Jop do rohangku muda adong na mangalayasi au, muda taruli hasusaan, muda dipakojar-kojar halak au, bope muda hubolus hasusaan hara ni Kristus. Angke muda gale au, hape apala disi ma gabe margogo au.

PILIPPI 1:7

Sai tongtong do di bagasan rohangku hamu sude. I do tutu tamana muda pe songon i pangkilalaanku taringot tu hamu. Angke na rap maruli do hamu sudena dohot au di silehen-lehen na nipasahat ni Debata di au; bope saonnari dompak tarhurung au sanga pe hatiha di ruar au laho mambela dohot mampartahankon Jamita Na Denggan i.

PILIPPI 4:14

Tapi madung diurupi hamu au di sudena hasusaanku; jana na denggan do pambaenanmunu i.

1 TESSALONIKA 2:14

Jana hamu pe angka dongan, madung ditiru hamu angka parlagutan ni Debata, arta ni Kristus na di Judea. Hamu pe madung ditaon hamu parkancitan sian dongan sabangsomunu sandiri laing songon na nitaon ni angka parlagutan ni Debata na di Judea sian angka halak Jahudi.

2 TIMOTEUS 1:8

Jadi hara ni i, ulang ma maila ho pajojorkon hasaksian taringot tu Tuhanta jana ulang maila ho hara ni au na tarhurung hara ni Ia. Gumonan ma dohot ho manaon parkancitan hara ni Jamita Na Denggan i mangasahon gogo na sian Debata.

IBRANI 11:26

Dihilala si Musa dao dope ummarga maruli incak-incak hara ni Kristus na nijanjihon ni Debata i ulang pado manjagit sasude arta ni tano Mesir; harana upa di ari na giot ro do na nipainte ni si Musa.

IBRANI 11:36

Adong ma deba na niincahan, na diparkanciti, dirante jana dipamasuk tu hurungan.

IBRANI 12:4

Angke di paraloanmunu mangalo dosa i, nada jabat dope lopus tiris mudarmunu.

IBRANI 13:13

Hara ni i, beta ma tadapotkon Ia di ruar ni bandar i jana dohot ma hita niincahan rap dohot Ia.