IBRANI 10:31 - BIBEL JAMITA NA DENGGAN

³¹ Na jorbut situtu do muda madabu hita tu tangan ni Debata Na Mangolu i!

IBRANI 10:31 ပူးပေါင်းရင်းမြစ်များ

MASMUR 50:22

Parate-atehon jana ingot hamu ma, hamu angka na dung lupa tu Debata, jago ma hamu anso ulang jabat hona pusa, jana nada adong be na mambaen malua.

MASMUR 76:7

Sude do halak mabiar be mida Ho, muda pola marsijongjong murukMu, ise ma he na tahan?

MASMUR 90:11

Ise unjung manghilalahon hasogenon ni rimasMu? Ise umboto akibat ni murukMu?

JESAYA 19:16

Dapot do hatiha ni i, gabe songon dadaboru parila jana parmombut bangso Mesir. Mabiar noma halahi muda diidasa Tuhan Na Markuaso i mangambalkon tanganNa laho manguhumi halahi.

JESAYA 33:14

Humitir hara ni biarna angka halak pardosa na di Sion. Didok halahi, “Adong dope he sian hita na tahan di bagasan api na mangabiskon on? Adong dope he na tarbaen manahan di api na manongtong i?”

MATEUS 10:28

Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.

MATEUS 16:16

Mangalusi ma si Simon Petrus, “Ho ma ibana Kristus, Anak Ni Debata Na Mangolu i.”

LUKAS 12:5

Denggan ma Hupatuduhon di hamu, sanga ise do na angkon sihabiaranmunu. Habiari hamu ma Debata! Angke dung mamunu Ia markuaso muse dope Ia mangambungkon tu narako! Denggan ma ingot hamu; angkon habiaranmunu do Ia!

LUKAS 21:11

Sanga di dia pe masa ma angka lalo na gogo. Masa ma haleon dohot nyae bala. Masa muse ma angka pangalaho na jorbut dohot angka hahomangan sian langit.

BAENON NI ANGKA RASUL 13:11

Ligi ma saonnari uhumon ni Tuhan ma ho, lopus nada idaonmu be sondang ni mataniari piga-piga ari on,” ning si Paulus. Manigor taraso ma di si Elimas, songon na adong na golap manutup matania i, gabe gapa-gapa noma ia mardalan manjalahi halak manogu ia.

2 KORINTUS 5:11

Hami boto do tangkas, sanga songon dia na nidok mangkabiari Debata; i do umbaen na manggogo hami papos roha ni halak na asing. Tangkas sajo do hami ditanda Debata, jana pos muse do rohangku torang muse au di bagasan rohamunu.

IBRANI 10:27

Hum na manjagit pangadilan ni Debata sajo noma hita dohot manjagit hagugurgur ni muruk ni Debata na mangabiskon sanga ise halak na mangalo Debata!

IBRANI 12:29

Angke songon api na mangabiskon do tutu anggo Debatanta i.

IBRANI 3:12

Hamu angka dongan, manat ma hamu anso ulang jabat adong sian hamu sahalak pe na songon i jahatna jana na so porsaya tu Jesus, gabe marbalik mangkudukkon Debata na mangolu i!