IBRANI 10:30 - BIBEL JAMITA NA DENGGAN

³⁰ Angke taboto do sanga ise na mandok songon on, “Au do nampuna pamaloson, Au do na giot mambaen pamaloson!” Jana na mandok muse, “Uhuman ni Tuhan ma bangsoNa.”

IBRANI 10:30 ပူးပေါင်းရင်းမြစ်များ

MASMUR 135:14

BelaonMu ma bangsoMu jana maribo ni roha Ho di angka naposoMu.

MASMUR 50:4

Dipiohon Ia langit dohot tano, laho manyaksihon Ia manguhumi bangsoNia.

MASMUR 94:1

Ale Debata, Ho do Debata na mambaloskon, patuduhon ma pamalosonMi ale Debata!

MASMUR 96:13

Dibaen ro do Tuhan mangarajai tano on, marhite hatigoran diuhumi Ia angka bangso.

MASMUR 98:9

Angke na ro do Ia laho manguhumi tano on; marhite hatigoran diadili Ia angka bangso.

JESAYA 59:17

PakeonNia ma hatigoran songon baju bosi jana hamonangan songon kupia baja. Dipasada Ia rohaNia laho manyalosehon na masa i jana baloskononNia hajahatan na niae ni jolma.

JESAYA 61:2

Diutus do au laho mamaritahon paboa na tibu noma Tuhan ro paluahon. PaluaonNia ma bangsoNa, jana musu ni halahi taluhononNa. Madung disuru Tuhan muse au laho mangapoi na marsak roha.

JESAYA 63:4

Madung Hutontuhon ari pamaloson; on ma hatihana halahi paluaon.

JEHESKIEL 18:30

Didok Tuhan Debata, “Ale hamu halak Israel, uhumanKu do ganop halak hombar tu pambaenanna be. Pauba hamu ma rohamunu sian angka dosamunu. Ulang padiar disegohon dosami dirimu.

JEHESKIEL 34:17

Tangihon hamu ma, ale angka biri-biringKu! Au Tuhan Debata mandok tu hamu, na giot uhumanKu hamu ganop be jana sirangonKu ma na burju sian na jahat, angka biri-biri sian hambeng.

HAMALIMON 19:18

Ulang baloskon na jat sanga tu ise pe sanga magigi ho tusia, tapi haholongi ma donganmu songon pangkaholongimu di dirimu sandiri. Au do Tuhan.

NAHUM 1:2

Nada ra Tuhan Debata marimbang, sanga ise na mangalo Ia, ingkon dapot uhuman. Di parpiar ni murukNa, tu halahi, dibaloskon Ia pambaenanna be.

SURAT NI SI PAULUS TU PARLAGUTAN ROM 12:19

Hamu ale angka dongan na nihaholongan! Ulang ma hamu sandiri na mambaen pambaloson, tapi lehen ma inganan tu hamumuruk ni Debata. Angke tarsurat do, “Au do mambaen pambaloson,” ninna Tuhan.

SURAT NI SI PAULUS TU PARLAGUTAN ROM 13:4

Angke pangoloi ni Debata do pamarenta, na markarejo parohon na denggan tu hamu. Tapi muda dibaen hamu na jat, angkon gabe mabiar ma hamu tu pamarenta, harana nada sayang boti pamarenta i maroban podangna. Suruan ni Debata do i mandabu uhum tu halak na mambaen na jahat.

2 KORINTUS 5:10

Harana angkon jongjong do hita sude di jolo ni panguhuman ni Kristus i, jana ganop be angkon manjagit balos satontang tu pambaenanna be taran mangolu, pangalaho na denggan sanga na jat.

1 SAMUEL 25:26

Madung diantahi Debata palalu hosom tuan i dohot mamunu angka musu ni tuan i. Jana saonnari ale tuan, husumpahon ma mangasahon Tuhan na mangolu i, sai songon bagian ni angka musu ni tuan i ma dohot bagian ni sude na sai giot mangagohon ngolu ni tuan i ma bagian ni si Nabal.

1 SAMUEL 26:10

Mangasahon Debata na mangolu i, huboto do na giot bunuon ni Tuhan i sandiri sanoli on si Saul, betak sanoli on muda dung dapot hatihana, sanga muda mate di parporangan ia.