IBRANI 10:29 - BIBEL JAMITA NA DENGGAN

²⁹ Haru tu halak na songon i, i ma borat ni uhumanna, mur bia muse dope ulaning borat ni uhuman tu angka jolma na songon on: Na mangalayasi Anak Ni Debata, halak na marnayang ni roha mida hamamate ni Kristus na songon jaminan ni janji ni Debata na mangkaholongi Ia. Hilala hamu ma sanga bia dokdok ni uhuman tu angka jolma sisongon i!

IBRANI 10:29 ပူးပေါင်းရင်းမြစ်များ

2 RAJA-RAJA 9:33

Didok si Jehu ma tu halahi “Dabuhon hamu i tu toru!” Didabu halahi ma si Isebel jabat mamincar mudarna i tu dingding dohot tu kudo i. Dung i digilingkon si Jehu ma bangke ni si Isebel i dohot kareta kudonia i.

MASMUR 143:10

Ajari ma au patuluskon hagiot ni rohaMu angke Ho do Debatangku. Sai ditogu TondiMu na burju i ma au di dalan na hornop.

MASMUR 91:13

Langkaanmu ma ulok dohot singa, degeonmu singa jara-jara dohot ulok na marbisa.

HARURUAR 24:8

Jadi dibuat si Musa muse ma mudar na di mangkuk-mangkuk i jana dipispiskon ia ma i tu rayat i. Ning ia ma, “Mudar on ma tanda ni parjanjian ni Tuhan dohot hamu di na nilehenNia angka parentaNia on.”

JESAYA 14:19

hape anggo ho umpe adong kuburanmu; diambungkon do bangkemu jana dipadiar gabe busuk didondoni angka bangke ni parporang na marmatean di bagasan porang, disampakkon rap dohot halahi tu bagasan liang batu lalu dilonca-lonca.

JESAYA 28:3

Dege-degeonna hatongamon ni angka pamimpinna na mabuk i.

JESAYA 63:10

Hape manggugai do halahi mambaen roha ni Tuhan gabe marsak. Jadi gabe musuNia ma halahi jana marporang mangalo halahi.

JEREMIA 1:5

“Dompak so Hujadihon ho di bortian ni inangmu, madung Hutanda ho, jana taran so sorang dope ho madung Huparbadiai ho, madung Hutodo do ho gabe panurirang tu angka bangso.”

ANDUNG 1:15

Layas do sude diida Tuhan ulu balangku na garang i. Ditongos Ia tentara anso mate sude sian au doli-doli. Dipisat Tuhan do bangsongku lopus maropuk, songon pambaen ni halak na mamoro anggur.

JEHESKIEL 16:6

Dung i mamolus ma Au jana Huida ho marngeati di tonga-tonga ni mudarmu, tapi Hudok ma: Angkon mangolu do ho,

DANIEL 8:13

Dung i hubege ma sahalak surusuruan mandok tu donganna, “Sadia honok mardalan sude na tarida di bagasan parnidaan i? Intap ni andigan dosa godang i manggontihon haul si ganop ari? Olat ni sadia honok do marlaku parnidaan on, i ma haul si ganop ari, hajahatan na mangagohon, inganan na badia na dung dilehen tentara banua ginjang i didege-dege?”

MIKA 7:10

Ligion ni musungku ma i gabe maila ma ia jana ditutupi bohina, ia do na mandok tu au, “Di dia do Tuhan Debatamu?” Tapi anggo saonnari idaon ni halahi ma sanga na bia baenon ni Tuhan maradopkon au, jana maila ma halahi. Ligionku ma ia di dege-dege songon bustak di dalan.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

MATEUS 26:28

Angke on ma mudarKu na gabe jaminan ni parjanjian ni Debata. Niduruskon do mudarKon hara ni bahat halak, gabe hasesaan ni dosa.

MATEUS 7:6

Ulang lehen hamu barang na badia tu anjing. Harana muda dilehen hamu i, marbalik ma anjing i laho manyarbut hamu. Dung i ulang lehen hamu berlian tu babi, angke dilonca-lonca babi i sajo do i.”

MARKUS 7:2

Ma diida halahi anak sisean ni Jesus, nada ias dope tanganna hape ma mangan. Inda jolo marbasu tangan halahi songon na nidok ni angka aturan ni halak Parise.

LUKAS 12:10

Halak na mandok sanga aha na maralo tu Anak Ni Jolma i, tarsesa do halakna i; tapi anggo halak na mangincahi Tondi Parbadia nada tarsesa be halahi.

JOHANNES 10:36

biasi didok hamu na mangincahi Debata hara ni na Hudok Au Anak Ni Debata? Hape nian na diparbadiai ni Ama i do Au jana na nisuruNia tu portibi on?

JOHANNES 17:19

Hupasahat do diringKu tu Damang laho humopkop halahi, anso halahi pe gabe nampuna ni Damang di bagasan hasintongan.

BAENON NI ANGKA RASUL 7:51

O hamu na jogal rungkung, bope na marroha dohot na marpinggol songon halak na so mananda Debata! Tongtong do dialo hamu Tondi Parbadia, songon ompumunu i, laing songon i do hamu muse.

SURAT NI SI PAULUS TU PARLAGUTAN ROM 16:20

Tapi tibu ma diropukkon Debata mual ni hasonangan i, Sibolis i tu toru ni patmunu! Sai didongani asi ni roha ni Tuhanta Jesus Kristus ma hamu. Sai tongtong ma hamu dipasupasu Jesus Kristus Tuhanta i!

1 KORINTUS 11:27

Jadi hara ni i, sanga ise na mangan roti ni Tuhan sanga manginum anggurNia di dalan na so patut, mardosa do ia tu pamatang bope tu mudar ni Tuhan i.

1 KORINTUS 11:29

Angke, barang ise na mangan dohot minum, tapi nada diokui na pamatang ni Tuhan do i, na parohon uhuman do i tu pamatangna sandiri.

1 KORINTUS 15:25

Mamarenta ma Kristus lopus sude musuNia i tunduk tuSia baenon ni Debata.

1 KORINTUS 15:27

“Madung dipatunduk Debata tuSia sasudena na adong.” Anggo na nidokna di bagasan pandohan “sasudena na adong” madung torang na so dohot di bagasan ni i Debata sandiri na patundukkon sasudena i tu Kristus.

1 KORINTUS 6:11

Songon i hian do deba sian hamu najolo. Tapi anggo saonnari madung dipaias hamu sian dosa, madung diparbadiai, jana madung dipatigor hamu di bagasan goar ni Tuhan Jesus Kristus dohot di bagasan Tondi Ni Debatanta.

EPESUS 4:30

Ulang ma pahancit hamu roha ni Tondi Parbadia ni Debata. Madung dimeteraihon Tondi i hamu tu ari haluaan i.

EPESUS 5:26

Dibaen Kristus do songon i anso tarpaias Ia parlagutan i dohot ajaranNia bope markite-hite aek pandidion, anso tarpasahat Ia muse parlagutan i tu Debata.

IBRANI 10:10

Madung dipatulus Jesus Kristus sanga aha na nidok ni Debata baenonNia. Hara ni i ma umbaen na nipaias hita sudena sian dosa markite-hite haul i, i ma Jesus sandiri – na nihaulkon sanoli sajo ro di salolot-lolotna.

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

IBRANI 2:11

Dibaen sian Sada do haroroan ni sude halahi, bope Ia na pabadiahon, bope halahi na niparbadiai, hara ni i do nada maila Ia manggoari halahi kahanggi.

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.

IBRANI 4:14

Hara ni i do dibaen na angkon togu tioponta haporsayaanta i. Angke adong do Malim Godang na sangap di hita, na dung masuk lalu tu jolo ni Debata – i ma Jesus Anak Ni Debata.

IBRANI 6:4

Nabaruon madung maringanan halahi di sinondang na sian Debata, jana madung didai halahi hatonggian ni angka pasupasu na sian banua ginjang. Halahi pe madung manjagit Tondi Parbadia.

IBRANI 6:6

Hape marbalik do roha ni halahi! Bia dope baenon manogu halahi mangulahi anso muba sian angka dosa ni halahi i. Angke na mamparsilangkon Anak Ni Debata i do halahi mangulahi jana mambaen halak na bahat anso dohot mangalayasi Ia.

IBRANI 9:13

Anggo mudar ni hambeng jantan dohot mudar ni lombu jantan bope tiranggong ni haul anak ni lombu i, dipispiskon tu angka halak na hodar do i – mangihutkon Tona ni ugamo; anso ias halahi. Antong, muda tarpaias mudar i do halahi sian hahodaran na nidok ni ugamo,

IBRANI 9:20

Hatiha na mamispiskon i si Musa didok ia ma, “On ma mudar na pahotkon pamudun ni janji na sian Debata, na angkon sioloanmunu.”

HALUMBAAN 1:5

dohot sian Jesus Kristus saksi na bonar roha i. Ia do na parjolo dipangolu mangulahi sian hamatean jana Ia muse ma parkuaso di ginjang ni angka raja na di tano on. Dihaholongi Jesus do hita jana hara ni hamateanNia i dipalua Ia do hita sian angka dosanta.