IBRANI 10:28 - BIBEL JAMITA NA DENGGAN

²⁸ Sanga ise na so burju mangoloi angka Tona Ni Debata na nipasahat ni si Musa, nimatehon sajo do i nada adong ampunan, muda tardapot ia marsala disaksihon dua sanga tolu halak.

IBRANI 10:28 ပူးပေါင်းရင်းမြစ်များ

2 SAMUEL 12:13

Dung i didok si Daud ma tu si Natan, “Madung mardosa au maradopkon Tuhan.” Dialusi si Natan ma, “Madung diampuni Tuhan raja i; jadi nada jabat mate be raja i.

2 SAMUEL 12:9

Biasi dipasiding ho angka na Huparentahon? Biasi dibaen ho hajahatan i? Disuru bunu ho si Uria di parporangan; dipadiar ho ma ia dibunu halak Amon, lalu dibuat ho dadaborunia i!

JESAYA 27:11

Muda adong angka rantingna i na mahiang jana masopak, ro ma angka dadaboru mambuatisa baen soban. Nada diastui bangso i sanga na aha, jadi gabe nada haholongan ni Panompa i be halahi sanga asianNa.

JEREMIA 13:14

Jana marsitomboman halahi baenonKu. Songon i ma baenonKu na matobang dohot na poso nada adong ampunanna. AbisanKu ma halahi nada mamake ibo ni roha dohot pangusayang. Au Tuhan, madung mandok songon i.”

BILANGAN 15:36

Sude halak na bahat i angkon mandangguri ia dohot batu lopus mate di balian ni parbandaran i. Dioban si Musa dohot halak na bahat i ma bayo i tu balian ni parbandaran i jana didangguri halahi disi dohot batu lopus mate, songon na dung diparentahon Tuhan i.

MATEUS 18:16

Tapi muda inda ditangihon ia, oban ma sahalak sanga dua halak nari, anso gomos angka hata ni dua sanga tolu halak saksi i.

JOHANNES 8:17

Tarsurat do di angka Tona i songon on: Na tutu do na ni saksian ni dua halak.

SURAT NI SI PAULUS TU PARLAGUTAN ROM 9:15

Angke didok Debata do tu si Musa, “PatuduhononKu ma denggan ni rohangKu sanga na tu ise giot patuduhononKu denggan ni rohangKi, jana patuduhononKu ma asi ni rohangKu sanga tu ise giotku patuduhononKu asi ni rohangKi.”

2 KORINTUS 13:1

Patolu-nolihonon ma ro au mandapotkon hamu. Di Buku Na Badia i adong do tarsurat, “Sanga na parkaro aha pe na niaduhon, angkon adong do dua sanga tolu saksi na patorangkon, baru pe anso sah parkaro i.”

PANGARATAION 19:13

Ulang dibaen ibo ni roha tusia. Palua hamu ma Israel sian sibunu jolma i, anso sonang hamu.”

PANGARATAION 19:15

“Nada tuk sada halak sajo saksi laho patorangkon sada halak na hona tuhas marsala, na ummotikna dua saksi porlu di pangalaho i.

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!

IBRANI 2:2

Harana muda dung togu angka na nihatahon ni angka panurirang i, jana ganop pangalosion dohot panggagaion manjagit pamaloson na hombar tu pangalahona,

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!