IBRANI 10:26 - BIBEL JAMITA NA DENGGAN

²⁶ Harana anggo dung dipasahat do tu hita jamita na sian Debata, hape laing tapupu do tasangajo mambaen dosa, gabe nada adong sada haul pe na tarbaen manyesa dosanta.

IBRANI 10:26 ပူးပေါင်းရင်းမြစ်များ

HAMALIMON 4:13

Muda sude do halak Israel mardosa, tapi dosa na so niuntil ni halahi gabe dilaosi sada sian parenta ni Tuhan,

HAMALIMON 4:2

paboahon tu bangso Israel songon on: “Muda adong sanga ise na mardosa, na so niuntilnia, gabe dilaosi ia sada sian angka parenta ni Tuhan, angkon ihutkononnia ma angka aturan on.

LUKAS 12:47

Naposo na umboto hagiot ni tuanna, hape nada hobas ia jana nada dibaen ia hagiot ni tuannia i, sisambohon do i sagogona.

JOHANNES 13:17

Saonnari madung diboto hamu na songon i; jadi muda didalankon hamu songon i, martua situtu ma hamu.”

JOHANNES 9:41

Dialusi Jesus ma, “Anggo sugari mapitung hamu, so na mardosa hamu. Tapi hara ni na nidokmunu i, ‘Marnida do hami,’ i ma patandahon laing na mardosa hamu.”

PANGARATAION 17:12

Sanga ise na puluk mangalo panguhum, sanga malim na topet markarejo, angkon mate niuhuman, jadi songon i ma baenonmunu mansoadahon hajahatan i sian Israel.

2 TESSALONIKA 2:10

Pakeonnia ma sude bisuk na jahat laho paliluhon angka jolma na giot tu hamagoan. Uhumon ma halahi hara ni na so ra manjagit jana nada ringkot roha ni halahi di barita na sintong i na sian Debata, na tuk nian paluahon halahi.

1 TIMOTEUS 1:13

Najolo, madung hupalayas Ia, huparkanciti jana hupabile. Tapi haru songon i pe asi do roha ni Debata mida au, angke nada porsaya dope au hatiha i, gabe nada huboto sanga aha na hubaen i.

1 TIMOTEUS 2:4

GiotNia ulang so nipalua halak sudena jana rap umboto di na sintong,

JAKOBUS 4:17

Jadi hara ni i, mardosa do sanga ise na umboto na denggan sipatupaonnia nian, hape nada dipatulus ia.

1 JOHANNES 5:16

Muda adong diida hamu dongan Kristen mambaen dosa na so pola mambaen hamatean, sitangiangkononmunu do i tu Debata; jana lehenon ni Debata ma ngolu di halak na songon i, i ma tu halak na mambaen dosa na so pola mambaen hamatean i. Tapi adong do dosa na mambaen hamatean, jana nada hudok anso tangiangkononmunu dosa na songon i tu Debata.

1 SAMUEL 2:25

Muda mardosa halak tu jolma, tarampini Debata do i; tapi muda mardosa tu Tuhan do halak, ise be tarbaen manolongsa?” Tapi nada diantureskon halahi sipaingot ni si Eli, amang ni halahi i, madung diputuskon Tuhan do laho mamunu halahi.