IBRANI 10:22 - BIBEL JAMITA NA DENGGAN

²² Antong hara ni i, tapadonok ma tu Debata mardongan roha na bulus dohot haporsayaan na tutu tu Debata; bope dohot roha na dung dipaias sian pangkilalaan na sala, bope dohot pamatang na dung nipaias dohot aek na lan.

IBRANI 10:22 ပူးပေါင်းရင်းမြစ်များ

1 RAJA-RAJA 15:3

Dipambaeni si Abia do angka dosa songon na nibaen ni amangnia; nada sian rohania haburjuonnia mangoloi Tuhan Debatania, asing do sian ompuna si Daud.

1 JUJUR TAON 28:9

Jadi tu si Salomo, didok si Daud ma, “Amang, Debata na nisomba ni amangmu ma oku gabe Debatamu. Angkon oloanmu do Ia sian sonang dohot ias ni rohamu. Harana diboto Ia do sude pikiran dohot pos ni rohanta. Muda dijalahi ho Ia, gabe padumpang ma dohot Ia, tapi muda ditadingkon ho, tulakkononNia noma ho salolot-lolotna.

1 JUJUR TAON 29:17

Huboto do, na niujimu roha ni ganop halak jana dihalomohon rohamu do halak parroha na ias. Sian sada ni rohangku, di bagasan jop ni roha huhaulkon ma sudena on tu Ho. Madung tangkas huida sanga songon dia bangsoMu na marlagut dison marjop ni roha marsioban haulna be tu Ho.

MASMUR 111:1

Sian sandok rohangku, sai mandok tarimakasi do au tu Tuhan di tonga-tonga ni parpunguan ni bangsoNa.

MASMUR 119:10

Sian sandok rohangku huusahahon do laho mananda Ho, ulang padiar au manyimbil sian parentaMu.

MASMUR 119:145

Pio-pio do au tu Ho sian sude rohangku, alusi ma au ale Tuhan, oloanku do parentaMu.

MASMUR 119:2

Martua ma halak na mangihutkon parentaNia, jana na manggogo sian sandok rohana mananda Tuhan.

MASMUR 119:34

Baen ma au mangarti di TonaMi, anso huoloi, jana hudalankon sian sandok rohangku.

MASMUR 119:58

Mangido au sian sandok rohangku; domu tu janjiMu, rade ma au uhumanMu.

MASMUR 119:69

Ditilakoi halak siginjang roha au, tapi sian sandok rohangku, huoloi haputusanMu.

MASMUR 119:7

Ganop hutangkasi tigor ni haputusanMu, hupuji do Ho sian ias ni rohangku.

MASMUR 119:80

Sai ulang nian manyimbil rohangku sian hatontuanMu, anso ulang au marmalu-malu.

MASMUR 32:11

Marjop ni roha ma hara ni Tuhan, o hamu halak na burju roha, marsurak ma hamu marmoga-moga, hamu sude na burju mangoloisa!

MASMUR 51:10

Tompa ma roha na polin di au, ale Debata, paimbaru ma rohangku di bagasan dohot tondi na marsihohot.

MASMUR 73:28

Denggan sajo do di au, hara ni na donok tu Debata, parondingan do hubaen Tuhan Debata, anso tarpajojor au pambaenanNia sudena.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

MASMUR 9:1

Sian sasude roha hudok tarimakasi tu Ho, Tuhan. Giot paboaonku ma angka pambaenanMu na pahomangkon roha.

MASMUR 94:15

Jadi gabe mardalan ma uhum di pangadilan gogohonon ni sude halak na jujur ma i.

HARURUAR 29:4

Suruhon ma si Harun dohot angka dakdanaknia i ro tu pintu ni Bandar ParmiananKi jana paias diri ma halahi hombar tu upacara ni ugamo.

PODA 23:26

Denggan-denggan ma parrohahon jana tiru ma ngolungku, ale anakku!

JESAYA 29:13

Didok Tuhan, “Hum hata-hata sajo do angka jolma i manyomba Au, hape anggo roha ni halahi dao do sian Au. Hum paraturan ni jolma na niapil sajo do anggo ibadat ni halahi.

JESAYA 52:15

Tapi anggo saonnari bahat bangso homang hara ni ia, mangkohom angka raja hara ni longangna. Angke na so dibaritahon humani tu halahi, ligion ni halahi ma saonnari, dohot aha na so binege ni halahi, astuanna ma saonnari.

JEREMIA 24:7

LehenonKu ma tu halahi por ni roha laho mamboto bahaso Au do Tuhan. Jadi gabe bangsongKu ma halahi, jana Au gabe Debata ni halahi, angke mulak do halahi tu Au sian sandok rohana.

JEREMIA 3:10

Dung dipambaeni sudena i, dipaula-ula Juda na so setia i ma mulak tu Au, tapi nada sian bagasan rohania na giot mulak i. Au, Tuhan, madung mandok songon i.”

JEREMIA 30:21

Raja na marasal sian hamu mamarenta di tonga-tongamunu. Roha-rohania do mandonohi Au muda Hupio ia mangadop tu Au. Angke ise ma he na puluk ro mangadop tu Au sian roha-rohana sajo? Gabe bangsongKu ma hamu jana Au gabe Debatamunu. Au do Tuhan, na mandokkon songon i.”

JEHESKIEL 16:9

Hubasu do ho dohot aek laho paiaskon mudar sian pamatangmu jana Hupasupasu ho dohot miak.

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

HAMALIMON 14:7

Mudar ni unggas i angkon pistikkononkon ni malim i pitu noli tu ginjang ni halak na dung malum i, dung i dohonon ni malim i ma na dung ias halakna i. Dung i unggas na mangolu i paluaon ma songon i.

HAMALIMON 16:4

Dung i dilehen Tuhan muse dope angka paraturan. Taran so masuk si Harun tu Bilik Na Sun Badia i, angkon maridi ia jolo, dung i dipake ia pakean ni malim, i ma baju dohot saraor pendek sian abit linen, bobat dohot saroben.

HAMALIMON 8:6

Disuru si Musa ma si Harun dohot angka anakna i tu jolo, jana disuru ia halahi mamasu diri ni halahi mangihutkon ugamo.

ZAKARIA 13:1

“Di ari i marbuldak ma sada mual ni aek laho paiaskon pomparan ni si Daud dohot halak na maringanan di Jerusalem sian dosa dohot parsombaan tu gana-ganaan na dung didalankon halahi.

BILANGAN 8:7

songon on ma pambaenna: pispis ma halahi dohot aek na dung mardohonan di upacara i, dung i suru halahi mancukur sude pamatang ni halahi dohot mamasu pakean ni halahi. Dung i gabe ias ma halahi mangihutkon ugamo.

MATEUS 3:11

Anggo au, aek do hudidihon tu hamu. I ma pataridahon na dung muba rohamunu sian angka dosamunu. Tapi anggo na giot ro i di pudingku, Tondi Na Badia dohot api do didihononNia tu hamu. Gumodang dope Ia sian au. Hum mambuka tali ni sipatuNia pe tehe nada tuk dope au.

LUKAS 1:1

Ale Teofilus, na niparsangapan! Madung bahat nian angka dongan mangusahohon sadenggan-dengganna laho manyuratkon taringot tu angka na tarjadi di tonga-tonganta.

JOHANNES 3:5

Dialusi Jesus ma, “Tutu do na Hudok tu ho: Anggo so sorang halak sian aek dohot sian Tondi, nada tarbaen gabe parsidohot di Harajaan Ni Debata.

JOHANNES 8:9

Dung dibege halahi songon i pandok ni Jesus, morot ma halahi sian inganan i kehe-kehe sada mamungka sian na tumobang. Ujungna tinggal ma Jesus sajo disi dohot anak boru i na laing jongjong disi.

BAENON NI ANGKA RASUL 22:16

Saonnari pe, ulang be palolot paintehon. Jongjong ma ho anso nipandidihon. Pio-pio ma ho mangido tolong tu Tuhan anso dipalua ho sian angka dosami.’ ”

BAENON NI ANGKA RASUL 8:21

Nada adong tohapmu di bagasan karejonami on, angke na so ias do rohamu maradopkon Debata.

1 KORINTUS 6:11

Songon i hian do deba sian hamu najolo. Tapi anggo saonnari madung dipaias hamu sian dosa, madung diparbadiai, jana madung dipatigor hamu di bagasan goar ni Tuhan Jesus Kristus dohot di bagasan Tondi Ni Debatanta.

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

EPESUS 3:12

Dohot dalan mangkaporsayai Kristus bope hara ni na mardomu dohot Ia, dipatola ma hita laho mandonohi Debata mardongan haporsayaan na gok.

EPESUS 5:26

Dibaen Kristus do songon i anso tarpaias Ia parlagutan i dohot ajaranNia bope markite-hite aek pandidion, anso tarpasahat Ia muse parlagutan i tu Debata.

EPESUS 6:5

Hamu angka dongan na gabe hatoban! Oloi hamu ma parenta ni tuanmunu na di tano on. Mardongan sangap dohot biar ni roha jana burju ma baen hamu i songon na mangoloi Tuhan i sandiri.

1 TIMOTEUS 4:2

markite-hite lancap-lancap ni angka na manghobarkon gabus, angka na martihas di taroktokna.

TITUS 3:5

Dipalua Ia do hita, nada hara ni na tabaen sanga aha na denggan, tapi hara ni ibo ni rohaNia sandiri do tu hita. Dipalua Ia do hita markite-hite Tondi Parbadia na mangalehen hasosorang na imbaru dohot ngolu na imbaru marhite na paiaskon hita.

IBRANI 10:1

Dibaen hum halinu ni angka haluaan na giot ro i do na di bagasan Tona i, nada anggo haluaan i sandiri. Hara ni i nada tarbaen Tona i markite-hite angka haul na tongtong dihaulkon ganop taon padenggankon singkop angka na ro tu Debata.

IBRANI 10:19

Antong saonnari hamu angka dongan, hara ni mudar ni Jesus i, madung bisa hita masuk tu Bilik Na Sun Badia i.

IBRANI 11:28

Hara ni haporsayaannia, dipatupa si Musa do Paskah jana dibaen ia parenta, angkon pispiskonon ni halak Israel mudar di pintu ni bagas ni halahi anso ulang dimatehon angka anak siangkaan ni halahi.

IBRANI 12:24

Diadopi hamu do Jesus pandomui na mambaen janji na imbaru i; diadopi hamu do mudar pamispison na gabe jaminan ni angka na dao dumenggan sian na nijamin ni mudar ni si Abel.

IBRANI 4:16

Hara ni i, pos ma rohanta ulang pola mabiar be hita mandapotkon habangsa parasinirohaan, anso tajagit ibo ni roha dohot dumpangan asi ni roha, na gabe pangurupi di hatiha na dung ditontuhon i.

IBRANI 6:11

Giotnami nian sugari laing ringgas ma hamu, lopus dijagit hamu na niarop ni rohamunu i.

IBRANI 7:19

Dibaen nada adong na ni paujung ni Tona na sanggam i, hara ni i do nipabangkit arop ni roha na dumenggan, markite-hite i do tarpadonok hita tu Debata.

IBRANI 9:10

Harana anggo angka upacara na songon i na marpardomuan tu sipanganon sajo do i dohot siinumon bope angka ragam-ragam ni upacara na mambaen ias. Hum angka Tona na tarida do na mardalan i lopus tu hatihana sanga andigan baenon ni Debata haimbaruan.

IBRANI 9:19

Jolo dipaboa si Musa do sude angka Tona na sian Debata tu bangso Israel sude. Baru ma dibuat ia mudar ni anak ni lombu dohot mudar ni hambeng jantan i, dicampur ia ma i dohot aek, dung i dipispiskon ia ma tu Buku Tona na sian Debata dohot tu sude bangso Israel. Ruput hisop dohot imbulu ni biri-biri na rara tobang do dibaen ia pamispisna.

JAKOBUS 1:6

Tapi angkon porsaya do sanga ise na mangido i; ulang ganggu rohana. Angke tarsongon ombak ni laut na nionjar tu siamun siambirang do anggo halak na ganggu roha.

JAKOBUS 4:8

Pasolkot hamu ma tu Debata, jana Debata pe padonohonNa ma tu hamu. Hamu dongan na mardosa, paias hamu ma tanganmunu! Hamu na mardua roha, paias hamu ma rohamunu.

1 PETRUS 1:2

mangihutkon sangkap ni Debata Ama jana na niparbadiai ni Tondi, anso mangoloi Jesus Kristus jana manjagit pamispion ni mudarNia. Mur martamba ma asi ni roha dohot hasonangan di hamu.

1 PETRUS 3:21

Antong, na masa i ma na gabe gambaran ni pandidion sisaonnari on na paluahon hamu. Nada karejo na giot paiaskon angka na hodar di pamatangniba pandidion i, tapi songon janjimunu do i tu Debata sian taroktok na denggan. Gabe dipalua pandidion i ma hamu hara ni na dung mulak mangolu Jesus Kristus mangulahi sian hamatean,

HALUMBAAN 1:5

dohot sian Jesus Kristus saksi na bonar roha i. Ia do na parjolo dipangolu mangulahi sian hamatean jana Ia muse ma parkuaso di ginjang ni angka raja na di tano on. Dihaholongi Jesus do hita jana hara ni hamateanNia i dipalua Ia do hita sian angka dosanta.