IBRANI 10:20 - BIBEL JAMITA NA DENGGAN

²⁰ Madung dibuka Ia dalan na imbaru, jana na mangolu do hita markite-hite tire i, i ma pamatang ni Jesus sandiri.

IBRANI 10:20 ပူးပေါင်းရင်းမြစ်များ

HAMALIMON 16:15

Dung songon i, sambolon ni si Harun ma hambeng na gabe haul hasesaan ni dosa ni rayat i. Mudar ni hambeng i angkon obanon tu Bilik Na Sun Badia, lalu dipispiskon tu ginjang ni Poti Parjanjian i dohot tu jolo ni Poti i, songon na dung dibaen dos dohot mudar ni lombu jantan i.

HAMALIMON 16:2

Ning Ia ma, “Pabolkas ma tu angkangmu si Harun, anso hum di hatiha na dung ditontuhon do tola masuk ia tu Bilik Na Sun Badia di pudi ni hire-hire i, angke disi do giot patidahononKu diringKu di bagasan ombun di ginjang ni Poti Parjanjian i. Muda dilaosi si Harun do parenta i, hona bunu ma ia.

HAMALIMON 21:23

Hara ni na adong tihas ni pamatangna gabe nada tola donok ia tu tire na badia, sanga mandonohi langgatan i. Nada tola ramun baenonna angka barang na dung gabe hapunjunganKi, angke Au do Tuhan jana Au do paasingkon barang-barang i.”

MATEUS 27:51

Dung i manigor masibak ma tire na di Bagas Ni Debata bola dua sian ginjang lalu tu toru. Humutur ma tano i, mangkabola ma angka dolok batu.

MARKUS 15:38

Masibak ma tire na gantung di bagasan Bagas Ni Debata sian ginjang lopus tu toru.

LUKAS 23:45

jana maribak ma tire na di Bagas Ni Debata, gabe bola dua.

JOHANNES 10:7

Didok Jesus ma mangulahi, “Tutu do na Hudokkon tu hamu: ‘Au do pintu di biri-biri i.

JOHANNES 10:9

Au do pintu i. Sanga ise na masuk sian Au, dapotan haluaan; dapotan jampalan ma i muda masuk sanga karuar.’

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

EPESUS 2:15

Angka Tona ni ugamo Jahudi dohot angka parentana i bope angka paraturanna i madung disesa Kristus i sudena anso gabe sada bangso na dua i hian, gabe sada bangso na imbaru, na mardomu dohot Kristus. Songon i ma dalanna dibaen Jesus laho mambaen pardamean i.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

IBRANI 6:19

Arop ni rohanta i ma na gabe sitiopan na togu jana na pasonangkon rohanta di ngolu on, na dung masuk lalu tu pudi ni tire i.

IBRANI 9:3

Dibagasanna i muse, i ma na di balik ni tire na paduahon, adong ma sada bilik na nigoaran Bilik Na Sun Badia.

IBRANI 9:8

Sian Tona i, tangkas ma diajari Tondi Parbadia hita, salolot laing jongjong dope bandar bagian na di jolo i, na so tarbuka dope dalan masuk di hita tu Bilik Na Sun Badia i.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.

1 JOHANNES 4:2

Songon on ma baen hamu laho mananda sanga Tondi Parbadia do tondi i sanga nada: Sanga ise na mangoku Jesus Kristus ro tu portibi on gabe jolma, na sian Debata ma Tondi na adong di halahi.

2 JOHANNES 1:7

Madung bahat angka pargabus manyarsar sun ro di dia di tano on. Na so nioku ni halahi do na dung ro Jesus Kristus tu portibi on songon sada jolma. Pargabus do halak na songon i jana musu ni Kristus.