IBRANI 10:19 - BIBEL JAMITA NA DENGGAN

¹⁹ Antong saonnari hamu angka dongan, hara ni mudar ni Jesus i, madung bisa hita masuk tu Bilik Na Sun Badia i.

IBRANI 10:19 ပူးပေါင်းရင်းမြစ်များ

SURAT NI SI PAULUS TU PARLAGUTAN ROM 5:2

Markite haporsayaan tuSia muse do hita dapotan dalan masuk tu asi ni roha ni Debata. Di bagasan asi ni roha i do hita mangolu, jana marmoga-moga di bagasan arop ni roha tu hamuliaan ni Debata!

SURAT NI SI PAULUS TU PARLAGUTAN ROM 8:15

Harana anggo Tondi na nijagitmunu i ale angka dongan, nada dibaen i hamu gabe hatoban, anso gabe mangulahi mabiar hamu. Sabalikna do, gabe angka dakdanak ni Debata do hamu dibaen. Jana hara ni pangonjar ni kuaso ni Tondi i, pio-pio ma hita tu Debata mandok, “Abba, ale Amang!”

EPESUS 2:18

Markite-hite Kristus tarbaen ma hita sudena solkot tu Ama i – sanga na halak Jahudi sanga pe angka na so Jahudi.

EPESUS 3:12

Dohot dalan mangkaporsayai Kristus bope hara ni na mardomu dohot Ia, dipatola ma hita laho mandonohi Debata mardongan haporsayaan na gok.

2 TIMOTEUS 1:7

Harana anggo Tondi na nilehen ni Debata tu hita, nada Tondi na mambaen hita gabe parbiar. Tapi na patoguhon hita do Tondi i, na manggohi hita dohot holong ni roha jana na margogoihon hita mangorom dirinta.

IBRANI 10:18

Jadi madung disesa angka dosa i dohot hajahatan i, gabe nada pola be haulkonon haul laho manyesa dosa.

IBRANI 10:35

Jadi hara ni i, ulang mandele hamu, angke muda togu do haporsayaanmunu, adong do upa na godang disi!

IBRANI 12:28

Hara ni na dung tajagit harajaan na so tarhutur i, beta ma tadok tarimakasi jana mangoloi tu Debata mangihutkon angka tona na tama tuSia, mardongan sangap dohot biar.

IBRANI 3:1

Hara ni i ale angka dongan na badia, na dohot taruli di pio-pio na sian banua ginjang, ligi hamu ma rasul dohot Malim Godang na taoku i, i ma Kristus Jesus.

IBRANI 3:6

Tapi anggo Kristus, songon anak do di bagasNia. Jana hita do bagas i muda tongtong marmomos jana marpos ni roha paboa na jagitonta do sanga aha na niarop ni rohanta.

IBRANI 4:16

Hara ni i, pos ma rohanta ulang pola mabiar be hita mandapotkon habangsa parasinirohaan, anso tajagit ibo ni roha dohot dumpangan asi ni roha, na gabe pangurupi di hatiha na dung ditontuhon i.

IBRANI 7:25

Jadi hara ni i sanga andigan pe tarbaen Jesus do paluahon sanga ise halak na ro tu Debata markite-hite Ia. Tarbaen Jesus pe songon i hara ni na mangolu do Ia sapanjangna laho pasahatkon tu Debata angka pangidoan ni halahi.

IBRANI 9:12

Hum sanoli sajo do Kristus masuk tu Bilik Na Sun Badia na di bandar i ro di salolot-lolotna. Anggo di hatiha i nada maroban mudar ni hambeng jantan Ia sanga mudar ni anak ni lombu sihaulkonon; hum mudarNia sandiri do dioban Ia jana i ma dalanna dibaen Ia paluahon hita salolot-lolotna.

IBRANI 9:3

Dibagasanna i muse, i ma na di balik ni tire na paduahon, adong ma sada bilik na nigoaran Bilik Na Sun Badia.

1 JOHANNES 4:17

Sanggam do holong ni roha i dipatupa di bagasan dirinta anso marpos ni roha hita di Ari Paruhuman i, harana tudos songon Ia, hita pe di portibi on do.