IBRANI 10:11 - BIBEL JAMITA NA DENGGAN

¹¹ Sasude Malim Ni Jahudi angkon mandalankon karejo hamalimon ganop ari, jana marpupu ia manghaulkon angka haul na sarupa. Hape dosa aha pe nada adong tarsesa angka haul i.

IBRANI 10:11 ပူးပေါင်းရင်းမြစ်များ

HARURUAR 29:36

Ganop ari angkon nihaulkon lombu jantan baen hasesaan ni dosa dohot pabadiahon langgatan. Lalu miahi ma langgatan i dohot miak zetun anso gabe badia.

JESAYA 1:11

Didok Tuhan do, “Diambang hamu do lakna jop ma rohangKu hara ni sude haul na sai nihaulkonmunu i tu Au? Madung magigi Au mida biri-biri haulmunu na nitutung i dohot di tabo-tabo ni anak ni lombu i. Nada ringkot rohangKu mida mudar ni lombu jantan, biri-biri dohot hambeng i.

JEHESKIEL 45:4

Na badia do tano i, jana na niparade gabe bagian ni angka malim na markarejo mangoloi Tuhan di Bagas Na Badia i. Baen parbagasan ni halahi ma deba sian tano i jana na deba nari baen inganan hajongjongan ni Bagas Na Badia.

DANIEL 11:31

Ramun ma inganan na badia i baenon ni piga-piga halak sian tentarania i. Soadahonon ni halahi ma haul siganop ari jana pajongjongon ni halahi ma Hajahatan Na Mangagohon.

DANIEL 12:11

Mamungka sian na diantak haul siganup ari i jana dipajongjong Hajahatan Na Manyegohon i, 1.290 ari ma honokna.

DANIEL 8:11

Mur dialo ia muse ma dohot Panglima ni tentara ni banua ginjang, diantak ia haul parhaulan siganop ari na dihaulkon tu Panglima i, jana dirupakkon ia ma bagas paribadatan tuSia.

DANIEL 9:21

Taran na martangiang i au, habang ma adop au Gabriel na dung huida di bagasan parnidaanku na salpu i. Hatihana ma dompak i di halak manghaulkon haul potang ari.

DANIEL 9:27

Baenon ni raja i ma parjanjian na togu dohot bahat jolma pitu taon honokna. Di Parsitongaan ni hatiha i antahonnia ma na mambaen pelean dohot haul. Dung i Hajahatan Na Manyegohon baenonna ma maringanan di Bagas Ni Tuhan jana sai tongtong ma i disi lopus didondoni hamamago na mambaen ia tusi, i ma hamamago na nitontuhon ni Debata disia.”

MIKA 6:6

Aha dehe sihaulkononku tu Tuhan, Debata na di banua ginjang muda ro au marsomba tuSia? Angkon obanonku dehe lombu jara-jara na ummokmok baen sihaulkonon gabe haul situtungon tuSia?

BILANGAN 28:24

Dos dohot i pangalahona angkon lehenonmunu tu Tuhan haul sipanganon pitu ari honokna. Tamba ni haul na somal di haul situtungon siganop ari do on rap dohot haul anggur. Uap ni haul i pajopkon roha ni Tuhan.

BILANGAN 28:3

“Angka on ma haul sipanganon na angkon sihaulkononmunu tu Tuhan. Na gabe haul ganop ari, dua anak ni biri-biri jantan na marumur sataon na so martihas.

BILANGAN 29:6

Angka haul on ma na gabe tamba-tamba tu haul situtungon na dilehen rap dohot haul gandumna, di tanggal sada ganop bulan. Laing gabe tamba-tamba do i tu haul situtungon siganop ari na dilehen rap dohot haul gandum dohot haul aek ni anggurna. Uap ni angka haul sipanganon i pajopkon roha ni Tuhan.”

IBRANI 10:1

Dibaen hum halinu ni angka haluaan na giot ro i do na di bagasan Tona i, nada anggo haluaan i sandiri. Hara ni i nada tarbaen Tona i markite-hite angka haul na tongtong dihaulkon ganop taon padenggankon singkop angka na ro tu Debata.

IBRANI 10:4

harana anggo mudar ni lombu dohot mudar ni hambeng i sandiri nada tarbaen i manyesa dosa.

IBRANI 5:1

Sudena Malim Godang, na nipili do i sian tonga-tonga ni dongan jolma, jana dipajongjong markarejo songon wakil ni jolma di adopan ni Debata anso dihaulkon ia angka silehen-lehen dohot angka haul hara ni dosa.

IBRANI 7:27

Nada songon angka Malim Godang na asing i Ia, angkon jolo manghaulkon haul hara ni angka dosana sandiri, dung i hara ni angka dosa ni bangso i. Holan sanoli sajo do Jesus manghaulkon haul, i ma di na nihaulkonNia diriNia sandiri gabe haul.

IBRANI 8:2

Dikarejohon Ia do karejoNia songon Malim Godang di Bilik Na Sun Badia, i ma di Bandar na manongtong i, na nipajongjong ni Tuhan, nada na nibaen ni jolma.

IBRANI 8:4

Sugari laing di tano on Ia, nada tarbaen Ia gabe malim, harana madung adong angka malim na manghaulkon haul na nipangido ni angka Tona ni ugamo Jahudi.