IBRANI 10:1 - BIBEL JAMITA NA DENGGAN

¹ Dibaen hum halinu ni angka haluaan na giot ro i do na di bagasan Tona i, nada anggo haluaan i sandiri. Hara ni i nada tarbaen Tona i markite-hite angka haul na tongtong dihaulkon ganop taon padenggankon singkop angka na ro tu Debata.

IBRANI 10:1 ပူးပေါင်းရင်းမြစ်များ

HAMALIMON 9:16

Dung i dibuat ia ma pahan-pahanan na dung ditontuhon hian gabe haul situtungon lalu dipasahat ia mangihutkon paraturan.

SURAT NI SI PAULUS TU PARLAGUTAN ROM 8:3

Sanga aha na so tarpatupa Tona i, hara ni bako ni hajolmaonta na gale, madung dibaen Debata. Madung ditaluhon Debata do kuaso ni dosa na di bagasan bako ni jolma i, i ma markite-hite na marsuru AnakNia sandiri, na ro di bagasan pangalaho na sarupa dohot jolma pardosa, laho manyesa dosa.

KOLOSSE 2:17

Halinu ni angka pangalaho na giot ro do sudena i, tapi anggo na satutuna Kristus do!

IBRANI 10:22

Antong hara ni i, tapadonok ma tu Debata mardongan roha na bulus dohot haporsayaan na tutu tu Debata; bope dohot roha na dung dipaias sian pangkilalaan na sala, bope dohot pamatang na dung nipaias dohot aek na lan.

IBRANI 7:11

Antong, sugari sura madung ro hasanggaman i markite-hite hamalimon ni halak levi – angke di toru hamalimon ni halahi do dijagit halak na bahat Tona i – aha dope he gunana dipabangkit Malim Godang mangihutkon aturan ni si Melkisedek, jana nada nidok mangihutkon aturan ni si Harun?

IBRANI 8:5

Anggo angka karejo na nibaen ni halahi hara ni hamalimon ni halahi i, satutuna tarsongon sada tudosan dohot gambaran ni na di banua ginjang do i. Ma pola dipaboa Debata i najolo tu si Musa, di na laho pajongjongkon bandar i si Musa. Didok Debata do songon on tu si Musa, “Ingot ma! Angkon baenonmu do sudena i mangihutkon tiruan na nipatuduhon tu ho di ginjang ni dolok i.”

IBRANI 9:11

Tapi madung ro Kristus gabe Malim Godang ni angka na denggan na giot ro i. Bandar ingananNia mandalankon tugas songon Malim Godang, i ma bandar na sumurung jana na sumanggam. Nada na nibaen ni jolma; astuanna, nada na sian portibi on.

IBRANI 9:23

Angka songon i ma dalanna paiaskon angka barang na manggambarkon pangalaho na di banua ginjang. Tapi anggo taringot tu angka na di banua ginjang i sandiri porlu dope angka haul na dumenggan sian angka gambaran i.

IBRANI 9:25

Ganop taon do Malim Godang ni halak Jahudi masuk tu Bilik Na Sun Badia na di Bagas Ni Debata, maroban mudar ni sada pahan-pahanan. Tapi anggo Kristus nada marpupu Ia manghaulkon diriNia.