IBRANI 1:8 - BIBEL JAMITA NA DENGGAN

⁸ Hape anggo tu Anak i didok Debata do, “Ho do Debata, jana hot do salolot-lolotna hasangapanMu songon Raja! Pangarajaion na tigor do pangarajaionMu.

IBRANI 1:8 ပူးပေါင်းရင်းမြစ်များ

2 SAMUEL 23:3

Madung mangkuling Debata ni Israel; didok pangondian ni Israel do tu au: “Muda sahalak jolma mamarenta rayatna mardongan hatigoran na mamimpin mardongan pangoloion tu Tuhan.

MASMUR 145:13

Hot do harajaanMu sapanjangna, ro di salolot-lolotna do martahan kuasoMu. O Tuhan, setia do Ho di sude janjiMu, na denggan ma da tutu sude pambaenanMu.

MASMUR 72:7

Salolot di ngoluna, sai mur tu jegesna ma manjarar hatigoran, jana donaon na marlobian saleleng adong dope bulan!

MASMUR 99:4

Raja na marsahala, dihaholongi Ho do na tutu, madung dihajongjongkon Ho do hatutuan. Uhum dohot hatigoran didalankon Ho di tonga-tonga ni pomparan ni si Jakob.

JESAYA 45:25

Hape anggo pomparan ni si Jakob paluaonKu ma, jana pujion ni halahi ma Au Tuhan.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

JEREMIA 38:15

Hualusi ma, “Muda hudok hata na tutu, pasti do dabuhonon ni raja i tu au uhuman mamatehon au; jana muda hulehen sipaingot, na so ra do raja i mangoloi sipaingotki.”

HOSEA 1:7

Tapi haholonganKu do halak Juda, jana paluaon halahi marhite goar ni Tuhan, Debata ni halahi. PaluaonKu do halahi, sior sanga podang, parhohas ni porang sanga kudo dohot halak na mangalombutsa.”

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

MALEAKI 3:1

Dialusi Tuhan Na Markuaso i ma, “SuruonKu ma utusanKu laho paradehon dalan di Au. Jadi ompot ma ro Au, Tuhan na nijalahanmunu ro tu bagasan BagasKi. Ro ma i utusanKu na nihalungunkonmunu i jana pabotohononna ma parjanjianKi.”

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

LUKAS 1:75

di bagasan habadiaan dohot hatigoran di adopanNia, salolot ni lolotna.

JOHANNES 10:30

Sada do Au dohot Damang.”

JOHANNES 10:33

Dialusi angka parkuaso i ma, “Umbaen na giot danggurannami Ho, nada hara ni angka karejoMu na denggan i, tapi hara ni na nipabileMu do Debata! Jolma humani do Ho antong hape dioku Ho diriMu songon Debata!”

JOHANNES 20:28

Dung i ninna si Tomas ma tu Jesus, “O Tuhanku! Debatangku!”

SURAT NI SI PAULUS TU PARLAGUTAN ROM 9:5

Pomparan ni angka ompunta i do halahi, jana hajolmaon ni Kristus i pe sian bangso ni halahi do asalna. Gumincat dope Ia sian sasudena. Tarpuji ma Debata ro di salolot-lolotna! Amen.

1 KORINTUS 15:25

Mamarenta ma Kristus lopus sude musuNia i tunduk tuSia baenon ni Debata.

PANGARATAION 2:37

Tapi nada kehe hita tu luat ni halak Amon, sanga tu topi ni Batang aek Jabok, sanga tu angka kota na di luat partoran, sanga tu inganan na asing, sanga na dia pe na nirarang ni Tuhan Debatanta.”

PANGARATAION 7:14

Sian sasude bangso na di tano on, umpe sada na dapotan pasupasu na songon i godang songon hamu. Sian sude hamu dohot sandok pahan-pahananmunu, sada pe nada adong na so martamba bahatna.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

2 PETRUS 1:11

Jadi muda songon i, lehenonNa ma di hamu hak na gok anso gabe anggota ni Harajaan Na Manongtong, i ma Harajaan Ni Tuhan dohot Sipalua hita, i ma Jesus Kristus na mamarenta salolot ni lolotna.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.