IBRANI 1:14 - BIBEL JAMITA NA DENGGAN

¹⁴ Antong, aha noma satutuna angka surusuruan ni Debata i? Angka tondi na mangoloi Debata do i jana na nisuru ni Debata laho mangurupi sanga ise halak na giot manjagit haluaan na nijanjihon ni Debata.

IBRANI 1:14 ပူးပေါင်းရင်းမြစ်များ

PAMUNGKAAN 32:24

Tapi anggo ia sandiri laing di parbandaran i dope sasada ia. Jadi ro ma sada bayo marsiranggut dohot si Jakob lopus marayak torang ari.

1 RAJA-RAJA 22:19

Didok si Mika ma mangulahi, “Saonnari tangihon ma sanga aha na nidok ni Tuhan! Huida do Tuhan jongjong di juguhan hasangapanNa di banua ginjang, jana sude surusuruanNa jongjong di lambungNia.

JOB 1:6

Di na sanoli mangadop ma angka mahluk pardibanua ginjang tu Tuhan jana dohot ma mangihut di tonga-tonga ni halahi Sibolis.

MASMUR 104:4

Dibaen Ho alogo suruanMu, dohot hilap gabe pangoloiMu.

MASMUR 34:7

Surusuruan Ni Tuhan manogu halak na burju marugamo, jana na paluahon halahi sian bahaya.

DANIEL 3:28

Jadi didok raja i ma, “Puji ma Debata na nisomba ni si Sadrakh, si Mesakh dohot si Abednego. Disuru Ia do surusuruanNia laho paluahon naposoNa na tolu on na porsaya tuSia. Dilaosi halahi do parentangku jana gumonan mate ulang pado marsomba sanga mangoloi tu debata sanga na dia pe asing sian Debata ni halahi sandiri.

DANIEL 6:22

Dung i ninna si Daniel ma mangalusi raja i, “Sai ginjang ma umur ni raja i salolot-lolotna!

DANIEL 7:10

Ruar ma sada batang aek api, jana mamolus sian adopanNia; saribu noli marribu-ribu angka na mangoloi Ia, jana bahat sajo do jolma jongjong di joloNia. Dung i juguk ma angka Panguhum jana diungkap ma Angka Buku.

MATEUS 1:20

Hatiha manimbangi pangalaho i dope si Josep, marnipi ma ia. Diida ia ma di nipinia i, ro ma sada surusuruan mandok tusia, “Ale Josep, anak ni si Daud, ulang ho mabiar mambuat si Maria gabe dadaborumu. Harana, sian kuaso ni Tondi Parbadia do na di pamatangna i.

MATEUS 13:41

Ro ma Anak Ni Jolma i, suruhononNia ma angka surusuruanNia palagutkon sian tonga-tonga ni bangsoNia sude halak na mambaen mardosa halak na asing dohot sude halak na mambaen na jahat.

MATEUS 18:10

“Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [

MATEUS 2:13

Dung kehe parilmu bintang i, diida si Josep ma sahalak surusuruan di bagasan nipinia. Didok surusuruan i ma tusia, “Jongjong ma ho, boan ma Dakdanak i dohot inangNa i mangungsi tu tano Mesir. Disi ma hamu maringanan lopus ro Au mangulahi mangkatai dohot ho. Harana ditahi roha ni si Herodes do manjalahi Dakdanak i laho mamunusa!”

MATEUS 24:31

Dipalu ma tarompet na godang, suruon ni Anak Ni Jolma i ma angka surusuruanNia tu panjuru na opat i di tano on palagutkon bangsoNia, sian topi ni langit na sada lalu tu topi ni langit na sada nari.”

MATEUS 25:34

Dung i dohonon ni Raja i ma hata tu angka na di siamunNia i, ‘Ro ma hamu angka na nipasupasu ni Damang. Masuk ma hamu tu bagasan harajaan na dung diparade di hamu mamungka sian na manompa portibi on.

MATEUS 4:11

Ujungna, ditinggalkon Sibolis i ma Jesus, marroan muse ma manigor angka surusuruan laho mangoloi Ia.

MARKUS 10:17

Jadi laho patoruskon pardalananNia Jesus, ro ma sada bayo marlojong-lojong mandapotkon Ia. Marsomba ma bayo i di jolo ni Jesus manyapai, “O Guru na burju, angkon aha do sibaenonku anso dohot au manean ngolu na so mantak i?”

LUKAS 1:19

Dialusi surusuruan i ma, “Si Gabriel do au. Mangoloi Debata do karejongku. Ia do na marsuru au paboahon Jamita Na Denggan on tu ho.

LUKAS 1:23

Dung abis hatihania markarejo di Bagas Ni Debata, mulak ma si Zakaria tu bagasnia.

LUKAS 16:22

Dung i jumolo ma halak na pogos i jana dioban surusuruan ma ia tu inganan na dumenggan di lambung ni si Abraham di banua ginjang i. Halak na kayo i pe jumolo muse ma jana ditanom.

LUKAS 2:13

Ompot muse ma ro bahat surusuruan na asing mandongani surusuruan i, mamuji Debata. Ninna halahi ma,

LUKAS 2:9

Ompot ma ro surusuruan tu halahi, jana marsinondang ma hasangapan ni Tuhan manorangi halahi, gabe mabiar ma halahi.

BAENON NI ANGKA RASUL 11:22

Lalu do angka barita taringot tu angka na masa on lopus tu parlagutan na di Jerusalem. Jadi gabe disuru halahi ma si Barnabas tu Antiokia.

BAENON NI ANGKA RASUL 12:23

Santongkin i manigor ro ma Surusuruan Ni Tuhan manampeleng si Herodes, hara ni na so nihormatannia Debata. Dipapangani binga ma ia lalu mate.

BAENON NI ANGKA RASUL 12:7

Jadi ompot ma jongjong Surusuruan Ni Tuhan disi, jana gabe ro ma sinondang na torang di bagasan kamar ni hurungan i. Dihutur-hutur surusuruan i ma si Petrus lopus tarsunggul. Dung i didok surusuruan i ma, “Ompoti ma ngot!” Manigor talgang ma rante i sian tangan ni si Petrus.

BAENON NI ANGKA RASUL 13:2

Jadi sanoli dompak marsomba halahi tu Tuhan jana puaso, ro ma Tondi Parbadia tu halahi mandok, “Paasing hamu ma si Barnabas dohot si Saulus di Au, anso markarejo halahi di parkarejoan na Hutontuhon tu halahi.”

BAENON NI ANGKA RASUL 16:26

Jadi tompu ma ro lalo na lobi gogo, jabat humutur dohot ojahan ni hurungan i. Marbuka ma sude pintu ni hurungan i jana martaldusan muse ma angka rante ni na tarhurung i sude.

BAENON NI ANGKA RASUL 27:23

Harana napotangin madung disuru Debata na husomba i surusuruanNia tu au, Debata i do nampuna au.

BAENON NI ANGKA RASUL 5:19

Tapi bornginna i ro ma sahalak surusuruan ni Tuhan mambuka angka pintu ni hurungan i, dioban ia ma angka rasul i tu ruar. Didok surusuruan i ma tu angka rasul i,

SURAT NI SI PAULUS TU PARLAGUTAN ROM 11:14

Anggo ninna rohangku tarbaen au do mangiburu roha ni dongan sabangsongki, anso tarpalua nanggo apala deba nian sian halahi.

SURAT NI SI PAULUS TU PARLAGUTAN ROM 13:6

Laing hara ni i ma, umbaen na angkon gararonmunu pajak, angke songon parkarejo ni Debata do pamarenta laho mandalankon karejo sisongon i.

SURAT NI SI PAULUS TU PARLAGUTAN ROM 15:16

Madung dibaen Ia do au gabe pangoloi ni Kristus Jesus, suruanNia mandapotkon angka bangso na asing. Jana hubaen do au gabe songon malim, manjamitahon Jamita Na Denggan na sian Debata anso gabe haul na tumbuk tu roha ni Debata angka halak na asing i. Sai gabe haul hapunjungan ma di Debata halahi baenon ni Tondi Parbadia.

SURAT NI SI PAULUS TU PARLAGUTAN ROM 15:27

Denggan do na dung diputuskon ni halahi, jana utang do i di halahi. Harana muda taruli angka bangso di arta partondion sian halak Jahudi, jadi patut do ditolongi angka bangso na asing i halak Jahudi i taringot tu arta na di portibi on.

SURAT NI SI PAULUS TU PARLAGUTAN ROM 8:17

Antong, muda dakdanak ni Debata hita, gabe panean ma hita na giot manjagit angka pasupasu na nipasingkop ni Debata di angka dakdanakNia. Rap manjagit ma hita dohot Kristus sanga aha na dung nipasingkop ni Debata. Angke muda manaon na hancit hita rap dohot Kristus, laing dipasangap muse ma hita rap dohot Ia.

1 KORINTUS 1:21

Harana sanga na bia pe malo ni jolma, nada tartandasa Debata markite-hite hamaloanna i sandiri. Tapi hape, hara ni hamaloan ni Debata, gabe jop ma rohaNia paluahon angka na porsaya tuSia markite-hite jamita na nietong ni portibi on songon haotoan.

2 KORINTUS 9:12

Harana nada hum na manggohi hahurangan ni angka dongan sahaporsayaan sajo be pambaenanmunu na denggan i, tapi gabe mandok bahat tarimakasi ma halak tu Debata hara ni i.

GALATIA 3:29

Muda nampuna ni Kristus do hamu, gabe pomparan ni si Abraham ma hamu. Marhak do hamu manjagit sanga aha na dung nijanjihon ni Debata.

GALATIA 3:7

Jadi angkon tangkas do botoonmunu, sanga ise na mangolu di bagasan haporsayaan, i do angka pomparan ni si Abraham.

GALATIA 3:9

Porsaya do si Abraham disi, gabe dipasupasu ia. Laing songon i muse do sanga ise na porsaya, pasupasuon ma rap dohot si Abraham.

EPESUS 3:6

On ma rahasia i: Hara ni Jamita Na Denggan i tola ma dohot halak na so Jahudi manjagit angka pasupasu sian Debata; gabe rap anggota ni sada pamatang ma halahi, jana tola ma dohot manjagit sanga aha na nijanjihon ni Debata markite-hite Jesus Kristus.

PILIPPI 2:17

Betak na angkon dohot dope haulkononku pamatangkon pasanggamkon haul na ni haulkonmunu i di bagasan haporsayaanmunu na gok tu Debata. Muda pe angkon songon i, mandok tarimakasi do au tu Debata hara ni i jana dohot ma au marjop ni roha rap dohot hamu.

PILIPPI 2:25

Salaho tu donganta si Epafroditus na nisuruhonmunu mangurupi au, ninna rohangku porlu do ia husuru mangulahi tu hamu. Didongani ia do au di angka parkarejoan dohot parjuanganku.

2 TESSALONIKA 1:7

Jana tu hamu angka na manjagit sitaonon saonnari – laing songon i muse tu hami – lehenon ni Debata ma halumbangan muda dung tarida Tuhan Jesus mijur sian banua ginjang rap dohot angka surusuruanNia na markuaso i

TITUS 3:7

anso mardenggan hita mangulahi tu Debata hara ni ibo ni roha ni Jesus jana tola ma hita maruli hangoluan na so mantak na sai tapainte-inte i.

IBRANI 10:11

Sasude Malim Ni Jahudi angkon mandalankon karejo hamalimon ganop ari, jana marpupu ia manghaulkon angka haul na sarupa. Hape dosa aha pe nada adong tarsesa angka haul i.

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.

IBRANI 5:9

Jadi dung sanggam Ia, gabe Ia ma haroroan ni haluaan na manongtong di sude halak na burju mangoloi Ia.

IBRANI 6:12

Nada por rohanami gabe losok hamu. Anggo giotnami, mangolu ma hamu songon halak na manjagit sanga aha na nijanjihon ni Debata hara ni haporsayaanmunu tuSia dohot hasobaranmunu paintehonsa.

IBRANI 6:17

Anggo giot ni Debata ulang so pos sajo roha ni halak na giot manjagit na nijanjihonNia, na so ubaon ni Debata be sangkapNia i. Hara ni i ma umbaen na nitambaan ni Debata dohot sumpa tu janjiNia i.

IBRANI 8:6

Tapi saonnari madung dijagit Jesus karejo na dao sumurung. Angke dumenggan dope pamudun ni janji na nibaen antara ni Debata dohot jolma markite-hite Jesus na songon Pandomuina, angke na marojahan tu janji na dumenggan dope i.

IBRANI 9:28

Laing songon i do Kristus i, hum sanoli sajo do Ia nihaulkon songon haul laho manyesa dosa ni bahat halak. Ro dope Ia nian paduanolihon tapi nada mamorsan dosa be; na giot paluahon angka jolma na paintehon haroroNia noma.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

1 PETRUS 1:12

Dipaboa Debata do tu angka panurirang i sasudena na nibaen ni halahi i laho mangoloi hamu do, jana nada na mangoloi halahi sandiri; i ma taringot tu angka na nibegemunu saonnari sian angka na manjamitahon Jamita Na Denggan. Mardongan kuaso ni Tondi Parbadia na nitongosNia sian banua ginjang do dipasahat halahi na songon i tu hamu. Salang angka surusuruan pe por do rohana mamboto barita na nipaboa ni halahi i.

1 PETRUS 1:4

Hara ni i do umbaen na mararop ni roha hita maruli di pasupasu na nipasingkop ni Debata di halakNia, i ma angka pasupasu na nipasingkopNia di banua ginjang, gabe nada ra sego, sanga busuk, sanga manyocang.

1 PETRUS 3:7

Bope hamu angka ama, mardongan bisuk ma hamu maradopkon dadaborumunu jana mardongan roha na torang, ingot hamu ma halak na gale do halahi. Sangap ma baen hamu halahi, angke rap na giot hasahatan ni ngolu na tutu na sian Debata do halahi dohot hamu. Di ngolu na songon i, nada adong be na mangambati tangiangmunu maradopkon Tuhan.

JUDAS 1:14

Jungada do didok si Henokh pomparan ni si Adam na papitu sundutkon taringot tu halak sisongon on. Didok ia, “Ligi da, na giot ro do Tuhan mardongan angka surusuruanNia na marribu-ribu

HALUMBAAN 5:6

Dung i huida ma sada Anak Ni Biri-biri jongjong di tonga-tonga ni habangsa i, dihaliangi mahluk na mangolu siopat-opat i dohot sude angka pangituai i. Songon na dung hona sambol do idaon Anak Ni Biri-biri i. Pitu tandukna jana pitu dohot matana: i ma tondi na pitu na sian Debata na nisuruNa tu sude portibi on.