IBRANI 1:12 - BIBEL JAMITA NA DENGGAN

¹² LompitonMu ma hasiangan on songon pangalompit ni pakean, jana gontionMu ma i dohot na asing. Hape anggo Ho laing songon i do tongtong, jana umurMu pe nada marujung.”

IBRANI 1:12 ပူးပေါင်းရင်းမြစ်များ

JOB 36:26

Na mulia do antong Debata, nada tuk hita mandodoiSa sanga pe maretong angka taonNa.

MASMUR 90:4

Anggo di Ho saribu taon, dos do i songon ari natuari, songon panjago di hatiha borngin.

HARURUAR 3:14

Didok Debata ma tu si Musa, “Au do Au Na Adong. I ma dohononmu tu halahi, ‘Na nigoaran i Au Na Adong i do na marsuru au manopot hamu.’

JESAYA 38:12

Tos ma hosangku, dapot ma ajalku, songon undung-undung ni parmahan na dibungkar; songon abit na nigotap sian partonunanna; huambang paujungon ni Tuhan ma ngoluniba.

JOHANNES 8:58

Dialusi Jesus ma, “Tutu do na Hudok di hamu: Dompak so sorang dope si Abraham, madung adong hian Au.”

IBRANI 13:8

Tongtong do sarupa anggo Jesus Kristus, najolo, saonnari jana ro di salolot-lolotna.

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.