IBRANI 1:11 - BIBEL JAMITA NA DENGGAN

¹¹ No giot salpu do sudena i, jana mumut songon pakean; tapi anggo Ho, mian do tongtong.

IBRANI 1:11 ပူးပေါင်းရင်းမြစ်များ

MASMUR 10:16

Tuhan do raja ro di salolotna; angka bangso na so mananda Ia angkon mago sian tano na nilehenNia.

MASMUR 102:26

Sude do i angkon mago, hum Ho do na sai hot; songon pakean sude do angkon mumut songon baju na buruk ambungkononMu noma i, gabe mago ma sudena i.

MASMUR 29:10

Guru di kuaso ni Tuhan do aek na oto, jana Ia do na mamarenta salolot-lolotna, Ia do.

MASMUR 90:2

taran so dijadihon Ho dope angka dolok, jana dompak so ditompa Ho dope tano on dohot portibi on. Ho do Debata na manongtong, na so marmula na so marujung.

JESAYA 34:4

Maropuk ma mataniari, bulan dohot angka bintang gabe abu, dibalun ma langit songon na mambalun karotes, jana mangkadampuk ma angka bintang i songon pardampuk ni angka bulung sian hayu anggur sanga hayu ara.

JESAYA 41:4

Ise do na mambaen dohot mangkarejohon i sudena? Au Tuhan, na parjolo, na sian parmulaan mamio bangkit angka pomparan, jana tu na giot ro Au tongtong rap dohot halahi.

JESAYA 44:6

On ma na nidok ni Tuhan, Raja dohot Partobus ni Israel, Tuhan Na Markuaso, “Au do na parjolo jana Au do na parpudi, asing sian Au nada adong be debata na asing.

JESAYA 50:9

Tuhan Debata do na mangampini au, ise tarbaen mambuktihon salangku? Muli mago do sude angka na mangaduhon au, songon abit na nipangan ni ngitngit.

JESAYA 51:6

Tatap ma tu langit, tailihon ma tu tano, mago ma langit i songon timus. Buruk do tano on songon abit, mate sude na mangingani i songon rongit. Tapi anggo haluaan na Hulehen i, hot do salolotna, hamonanganKu nada adong ujungna.

JESAYA 51:8

Mago do halahi jana gabe sisoada, songon pakean na dipangan ngitngit. Tapi anggo haluaan na Hulehen, hot do i salolotna, hamonanganKu hot do i sian pomparan tu pomparan.”

JESAYA 65:17

Didok Tuhan: “TompaonKu ma langit na imbaru dohot tano na imbaru, angka na masa na salpu dihalupahon noma i, jana nada ingoton be.

MATEUS 24:35

Anggo langit dohot tano on mago do, tapi anggo hatangKi angkon hot do salolot-lolotna.”

MARKUS 13:31

Sego pe langit dohot tano on, tapi anggo na Hudokkon i inda na mago i.”

LUKAS 21:33

Anggo langit dohot tano on mago do i, tapi anggo hatangKi indangkon na ra mago.”

IBRANI 12:27

Pandohan “sanoli nari” patuduhon bahaso pasidingon do sasudena na dung nitompa i jana na ra humutur i, anso tinggal ma hum na so ra humutur i.

IBRANI 8:13

Jadi di na nidokNia sada ihot-ihot ni janji na imbaru, gabe nada hasaya be dibaen Debata ihot-ihot ni janji na parjolo i; jana sanga aha na so hasaya angkon manigor mago ma i.

HALUMBAAN 1:11

Didok sora i do, “Suratkon ma sanga aha na niidamu jana tongoskon ma buku i tu parlagutan na pitu on: Epesus, Smirna, Pergamus, Tiatira, Sardis, Piladelpia dohot Laodikea.”

HALUMBAAN 2:8

“Tu surusuruan ni parlagutan na di Smirna, songon on ma suratkon: On ma na nidok ni Na Parjolo dohot Na Parpudi – i ma na dung mate jana na mulak mangolu i.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.

HALUMBAAN 21:1

Jadi huida ma sada langit na imbaru dohot tano na imbaru. Mago ma langit na parjolo dohot tano na parjolo i jana laut pe, mago ma.