HOSEA 9:8 - BIBEL JAMITA NA DENGGAN

⁸ Efraim, bangso ni Debatangku mangintip angka panurirang, mambaen jorat songon na manangkup unggas di angka dalanna. Dimusui halahi do angka panurirang i di Bagas Ni Debata.

HOSEA 9:8 ပူးပေါင်းရင်းမြစ်များ

1 RAJA-RAJA 17:1

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”

1 RAJA-RAJA 18:1

Dung adong sadia honok, di taon patoluhon ari logo i, didok Tuhan ma tu si Elia, “Kehe ma ho mangadop tu Raja Ahab, paroonKu ma naron udan.”

1 RAJA-RAJA 18:19

Saonnari, parentahon ma sude rayat ni Israel anso marsuo dohot au di Dolok Karmel. Oban muse ma panurirang ni Baal siopat ratus lima pulu halak i dohot siopat ratus halak panurirang ni debata boru-boru Asera i na nibalanjoan ni Ratu Isebel i!”

1 RAJA-RAJA 22:11

Sahalak sian panurirang i na margoar si Zedekia anak ni si Kenaana, dibaen ia angka tanduk sian bosi jana didok ia ma tu si Ahab, “On ma na nidok ni Tuhan, ‘Dohot tanduk on ma porangan ni raja i Siria jana malantuk ma halahi.’ ”

1 RAJA-RAJA 22:22

‘Bia ma?’ ninna Tuhan manyapai. Dialusi Tondi i ma, ‘Kehe pe au jana hubaen ma anso sude panurirang ni si Ahab i margabus.’ Didok Tuhan ma, ‘Denggan, baen ma anggo songon i, harana manjadi do i anggo ho manggabusi ia.’ ”

1 RAJA-RAJA 22:28

Didok si Mika ma, “Muda horas torkis do tuan i mulak, i ma tandana na so mandok hata Tuhan marhite sian au! Tu hamu sude ma na hudok on!”

1 RAJA-RAJA 22:6

Jadi dipalagut si Ahab ma hira-hira opat ratus halak panurirang jana disapai ia ma tu halahi, “Tola dehe kehe au mamorangi Ramot sanga nada?” “Tola do!” ning halahi. “Lehenon ni Tuhan do hamonangan tu raja i.”

2 RAJA-RAJA 13:21

Sanoli hatiha mangubur na mate halak, tompu ma diida halahi ro garombolan ni Moab. Manigor disampakkon halahi ma bangke i tu bagasan kuburan ni si Elisa, kehe halahi marlojongi. Disi dais bangke i tu holi-holi ni si Elisa i, gabe mangolu ma mangulahi lalu jongjong.

2 RAJA-RAJA 2:14

Dung i dilipatkon ia ma juba ni si Elia i tu aek i didok ia ma, “Di dia dehe Tuhan, Debata ni si Elia i?” Dung bola dua aek i dilipat ia, taripar ma ia tu bariba.

2 RAJA-RAJA 2:21

Jadi kehe ma si Elisa tu mual ni aek mandanggurkon sira i tu bagasan aek i jana didok ia ma, “On ma na nidok ni Tuhan, ‘Hupapita ma aek on anso ulang be sai mambaen hamatean sanga haambungan!’ ”

2 RAJA-RAJA 4:41

Tapi didok si Elisa ma, “Buat ma topung!” Dipamasuk ia ma i tu bagasan huali huhut didok, “Saonari sonduk ma muse tu halak on, anso mangan halahi.” Jana inda adong be rasun di bagasan huali i.

2 RAJA-RAJA 4:43

Tapi didok naposona i ma, “Dia ma tuk on panganon ni saratus halak?” Jadi dialusi si Elisa ma, “Lehen ma tu halahi anso dipangan,” harana songon on do didok Tuhan, “Angkon mangan do halahi jana marlobian dope.”

2 RAJA-RAJA 5:14

Jadi kehe ma si Naaman tu Batang aek Jordan, masuk ma ia markonong tu bagasan aek i pitu noli songon na nidok ni si Elisa i. Gabe malum ma si Naaman; torkis ma pamatangnia i mulak songon dia ma pamatang ni doli-doli.

2 RAJA-RAJA 5:27

Hara ni na nijagitmu silehen-lehen i, laing jagitonmu muse ma dohot nyae ni si Naaman i. Sanga na andigan salolot-lolotna laing hona nyae na songon i ma pomparanmu!” Di na ruar si Gehasi sian i, hona ma tusia nyae i – mamontar ma kulitna i.

2 RAJA-RAJA 7:19

Jana topet di hatiha i pangawal ni raja i sandiri mandok, “Bia ma pambaen ni i! Inda tutu i, haru pe saonnari on diparo Tuhan udan potir sian langit!” Jadi dialusi si Elisa do, “Idaonmu do naron tarjadi, tapi anggo ho nada dohot mandai panganon i saotik pe.”

2 RAJA-RAJA 7:2

Dialusi pangawal ni raja i ma, “Sian dia ma tarbaen i. Nada tutu i, haru pe sugari diparo Tuhan udan potir saonnari sian langit!” “Idaonmunu do i annon tarjadi, tapi anggo ho nada daionmu saotik pe sipanganon i,” ning si Elisa.

MASMUR 124:7

Songon unggas na malua sian sambil ni parburu, magotap sambil i, gabe malua hita!

PARJAMITA 9:12

Nada diboto jolma sanga andigan dapot hatihana. Songon unggas na hona jorat dohot ihan na hona jala, songon i muse do jolma hona mara di hatiha na so ditagam roha.

ENDE NA GODANG 3:3

Tarpaida au ma panjago ni kota, ningku ma, “Adong dehe tarpaida ho haholongan ni rohangku?”

JESAYA 62:6

Madung hubaen halak di tembok ni Jerusalem; nada jabat maradian jagoan ni halahi do ho arian na borngin. Angkon sunggulan ni halahi do Debata di janji na dung dibaenNia di Sion.

JEREMIA 11:19

Songon biri-biri na so mardongan biar do au na ditogu tu panyambolan. Nada huboto hapengani au do na giot honaan ni halahi di angka sangkap na jahat i. Didok halahi, “Tole ma hita taba bona ni hayu on dompak ra dope marbatu; tabunu ma i anso dihalupahon halak goarnia.”

JEREMIA 14:13

Dung i hudok ma, “O Tuhan Debata, diboto Ho do na dung didok angka panurirang tu rayat i bahaso na so adong giot ro porang sanga haleon, angke antong madung dijanjihon Ho, anggo di luat on sai na dumpang do hasonangan.”

JEREMIA 23:13

Madung Huida dosa ni angka panurirang ni Samaria. Mangasahon goar ni Baal do halahi mandok hata jana palilu-liluhon do tu bangsongKi.

JEREMIA 31:6

Tutu do dapot do i hatihana marsurak ma angka panjago ni kota ni partoran Efraim, ‘Beta hita manangkok tu Sion, mandapotkon Tuhan, Debatanta.’ ”

JEREMIA 6:14

Diubati halahi do bugang ni bangsongKu, tapi layas do halahi marnidasa, jana ninna do: ‘Hasonangan, hasonangan!’ Tapi nada adong hasonangan.

JEREMIA 6:17

Dung i marpupu ma diangkat Tuhan angka panjago na paingotkon halahi anso ditangihon nian sora ni sarune sipaboa tanda. Hape didok bangso i do, “Nada ra hami manangihon i.”

ANDUNG 2:14

Na niturihon ni angka panurirang tu ho, hum gabus do i jana buras sajo. Paoto-oto hamu do angka hata ni halahi, nada jungada dipatorang halahi dosamunu i, gabe nada dipauba hamu rohamunu. Didokkoni halahi do angka hata gabus na paliluhon hamunu.

ANDUNG 4:13

Tapi madung tarjadi na songon i, hara ni dosa ni angka malim dohot panurirang. Manduruskon mudar do halahi, mudar ni halak na so marsala muse do i.

JEHESKIEL 3:17

“Ale jolma parsantongkinan, Huangkat ma ho gabe panjago ni Israel. Palalu ma tu halahi sipaingot on.

JEHESKIEL 33:7

Ale jolma parsantongkinan, Huangkat do ho gabe panjago ni bangso Israel. Palalu ma tu halahi sipaingot on:

HOSEA 5:1

Didok Tuhan ma, “Tangihon hamu ma ale angka malim! Parrohahon ma ale halak Israel! Bege ma, ale hamu angka jolma pomparan ni raja! Madung didabu uhum tu hamu. Angke, sapatutna nian angkon tigor do hamu manguhumi, hape balikna i do gabe tudos tu jorgong do hamu di Mispa, songon jorat di Dolok Tabor,

HOSEA 9:7

Madung dapot ari panguhuman, hatiha pamaloson tu sandok parbuatan. Taonon ni Israel noma i! Didok hamu, “Na oto do panurirang on. Na rintik do jolma na nirajaan ni tondi on!” Didok hamu pe songon i hara ni gigina do rohamunu tu Au jana dosamunu santak godangna.

HOSEA 9:9

Na lobi do jahatmunu songon na dung unjung dibaen halak Gibea. Ingoton ni Debata do hasalaanmunu jana uhumanNa hamu hara ni dosamunu i.

MIKA 7:4

Halak na umburju sian tonga-tonga ni halahi, i ma songon suan-suanan na marduri. Na umtigor sian tonga-tonga ni halahi songon pagar na marduri. Madung dapot hatiha di angka pamata-mataimunu dohot ari panguhumanmu. Saonnari angkon mulai ma hagaoron di tonga-tonga ni halahi!

JOHANNES 15:24

Madung Hubaen di tonga-tonga ni halahi angka pangalaho na so jungada dibaen halak na asing sanga ise pe. Sugari na so Hubaen angka na songon i di tonga-tonga ni halahi, ias do halahi sian hasalaan. Saonnari haru pe madung diida halahi angka pangalaho i, hape laing hosom dope roha ni halahi tu Au dohot tu Damang.

SURAT NI SI PAULUS TU PARLAGUTAN ROM 3:7

Tapi, anggo hara ni gabusku, mur tangkas hasintongan ni Debata, jana dipasangap Ia, biasi dope di uhumi au songon halak pardosa?

IBRANI 13:17

Ihutkon hamu ma angka parenta na sian pamimpinmunu jana oloi hamu ma na nidok ni halahi. Angke tongtong do diparrohahon halahi tondimunu jana angkon martanggung jawab do halahi tu Debata. Muda dioloi hamu do halahi, tarbaen halahi ma markarejo di bagasan sonang ni roha; muda inda songon i, humolos ma halahi na karejo i, jana nada adong ro labo sian na songon i di hamu.