HOSEA 9:7 - BIBEL JAMITA NA DENGGAN

⁷ Madung dapot ari panguhuman, hatiha pamaloson tu sandok parbuatan. Taonon ni Israel noma i! Didok hamu, “Na oto do panurirang on. Na rintik do jolma na nirajaan ni tondi on!” Didok hamu pe songon i hara ni gigina do rohamunu tu Au jana dosamunu santak godangna.

HOSEA 9:7 ပူးပေါင်းရင်းမြစ်များ

2 RAJA-RAJA 9:11

Didapotkon si Jehu ma mangulahi angka dongannia i; disapai halahi ma tusia, “Aha do barita? Na giot mahua do na rintik i ro tu ho?” “Diboto hamu do sanga aha giotnia,” ning si Jehu mangalusi.

JESAYA 10:3

Aha ma na giot baenonmunu di ari panguhuman, jana hatiha hasesego na giot ro sian sihadaoan? Tu ise ma ho kehe mangido pangurupion? Di dia ma he tabunihononmunu hakayoonmunu i?

JESAYA 26:11

Ale Tuhan, di paherbang Ho do tanganMu, tapi nada diida halahi i; padiar ma maila halahi mida holong ni rohaMu di bangsoMi. Padiar ma marhancit halahi hara ni na hona uhum na niparadeMu di halahi.

JESAYA 34:8

Disi ma hatihana paluaon ni Tuhan ma Sion jana palalu hosom ma Ia tu angka musuNia.

JESAYA 44:25

Hupaoto-oto angka pangaramal, Husursari ramalan ni panjujur nasib. Husungkar angka na nidok ni na malo marhata, Hupatanda na sala habisuhanna.

JEREMIA 10:15

Nada mararga angka gana-ganaan i, sipalayason jana sipabileon do i. Di hadudumpang ni hatihana mago ma halahi sudena.

JEREMIA 11:23

Madung Hubuhul ari laho parohon hamamago tu angka halak Anatot, jana muda dapot hatihana i, sahalak pe nada adong na malua.”

JEREMIA 16:18

BaloskononKu ma dosa dohot hajahatan ni halahi i marhite uhuman dua lompit, hara ni na dung hodar dibaen halahi tanongKu marhite gana-ganaan na bahat na so marhosa songon bangke.”

JEREMIA 23:13

Madung Huida dosa ni angka panurirang ni Samaria. Mangasahon goar ni Baal do halahi mandok hata jana palilu-liluhon do tu bangsongKi.

JEREMIA 25:14

BalosonKu do angka parbuatan ni halak Babel i; parhatobanon ni angka raja-raja na godang ma halahi dohot angka bangso na bahat.’ ”

JEREMIA 29:26

“Madung diangkat Tuhan ho gabe malim manggontihon si Joyada, jana ho noma saonnari na gumincat pangkatna di Bagas Ni Tuhan. On do karejomu: Mamarentahon anso dibaen rante bosi tu rungkung ni sandok halak na rintik na mandok dirina panurirang.

JEREMIA 46:21

Angke tentara na niongkosanna pe so adong geldokna; tudos tu anak ni lombu na mamokmoktu. Nada lobas halahi martahan. Marbalik be sude marsipalua dirina be. Madung dapot ari paruhuman tu halahi; madung dapot hatihana dondonan ni mara halahi.

JEREMIA 6:14

Diubati halahi do bugang ni bangsongKu, tapi layas do halahi marnidasa, jana ninna do: ‘Hasonangan, hasonangan!’ Tapi nada adong hasonangan.

JEREMIA 8:11

Marlayas ni roha do halahi hatiha mangubati bugang ni boru ni bangsongKu, ning halahi, ‘Hasonangan, hasonangan!’ Tapi nada adong hasonangan.

ANDUNG 2:14

Na niturihon ni angka panurirang tu ho, hum gabus do i jana buras sajo. Paoto-oto hamu do angka hata ni halahi, nada jungada dipatorang halahi dosamunu i, gabe nada dipauba hamu rohamunu. Didokkoni halahi do angka hata gabus na paliluhon hamunu.

JEHESKIEL 13:10

Hamu angka panurirang pargabus! Madung dipalilu hamu bangsongKu marhite hata na nidokmunu, aman jana beres do sude. Hape saotik pe nada tutu songon i! Dipajongjong bangsongKi do tembok jana di baen halahi hapurna.

JEHESKIEL 13:3

Didok Tuhan Debata i ma, “Marjaya ma angka panurirang na oto i! Sian tubu-tubu ni rohana sandiri do dapotsa na niidana jana pargabus do parnidaanna i.

JEHESKIEL 25:17

UhumanKu ma halahi dokdok sajo jana palaluonKu hosomKu lopus dabu rohangKu. Muda dirasoi halahi rimasKu, botoon ni halahi ma bahaso Au do Tuhan.”

JEHESKIEL 38:23

Songon i ma dalanna baenonKu laho patuduhon tu ganop bangso paboa na badia jana na godang do Au. Jadi botoon ni halahi ma bahaso Au do Tuhan.”

JEHESKIEL 9:10

Nada be ibo rohangKu mida halahi. Angkon baenonKu tu halahi sanga aha na nibaen ni halahi tu halak na asing.”

HOSEA 14:1

Angkon uhumon do Samaria hara ni na mangalo tu Au. Marmatean ma rayatna i di bagasan parporangan; hona giling angka dakdanakna na baru sorang, jana angka dadaboru na denggan pamatangna hona bola butuhana i.”

HOSEA 5:9

Abis ma Israel, angke madung dapot arina laho manguhum halahi. Tangihon hamu ma, rayat ni Israel, angkon tarjadi do na songon i.

HOSEA 8:13

Dihaulkon halahi do haul tu Au, jana dipangan halahi haul i, hape Au Tuhan nada manghajopkon angka haul i. Saonnari ingotonKu ma dosa ni halahi i jana uhumanKu noma halahi hara ni angka dosa i; tongosonKu ma halahi mangulahi tu Mesir!

HOSEA 9:8

Efraim, bangso ni Debatangku mangintip angka panurirang, mambaen jorat songon na manangkup unggas di angka dalanna. Dimusui halahi do angka panurirang i di Bagas Ni Debata.

AMOS 8:2

Disapai Tuhan ma, “Aha do diida ho Amos?” Jadi hualusi ma, “Sada karanjang na marisi parbatu do.” Didok Tuhan ma, “Madung dapot hatihana marujung ngolu ni Israel. Nada ubaonKu be sangkapKu laho manguhum halahi.

MIKA 2:11

Sugari ro sahalak na sai margabus, ‘Paboanku ma hasurirangon tu hamu, taringot tu anggur dohot arak.’ Jadi ia do na patut manyurirangi tu bangso on!”

MIKA 7:4

Halak na umburju sian tonga-tonga ni halahi, i ma songon suan-suanan na marduri. Na umtigor sian tonga-tonga ni halahi songon pagar na marduri. Madung dapot hatiha di angka pamata-mataimunu dohot ari panguhumanmu. Saonnari angkon mulai ma hagaoron di tonga-tonga ni halahi!

ZEPANYA 3:4

Nada adong idaon tanggung jawab ni angka panurirang ni halahi jana panghianat do halahi. Angka malim na manghodari na badia, jana mamparmayam-mayamkon tona.

MARKUS 3:21

Jadi tarbege ma tu sisolkotNia na masa i, gabe ro ma halahi laho mangalap Ia. Harana didok halahi, “Ma rintik Ia!”

LUKAS 21:22

Angke anggo angka ari i, i ma, ‘Angka ari pamaloson.’ Jadi di na songon i ma tulus sanga aha na dung tarsurat di Buku Na Badia i.

2 KORINTUS 5:13

Muda songon na hurang roha ma hami tutu idaon, hara ni haporluan ni Debata do i. Jana muda torang do rohanami idaon, mardomu tu haporluanmunu ma i.

HALUMBAAN 16:19

Dung i mabola ma kota na godang i gabe tolu bagian; jana marrumpahan ma angka kota ni halak na so mananda Debata. Jadi gabe taringot ma Debata tu kota Babel na godang i, giot lehenon ma tusia panginuman na gok anggur haririmas dohot hamumurukNia.