HOSEA 9:6 - BIBEL JAMITA NA DENGGAN

⁶ Madung donok hamamago jana masarsar ma hamu. Jadi palagut-laguton ni halak Mesir ma hamu anso dikubur di Memphis! Tubu ma duhut dohot duri, jana tutupanna ma parbagasonmunu humani dohot angka barang perakmunu sigodang arga i.

HOSEA 9:6 ပူးပေါင်းရင်းမြစ်များ

2 RAJA-RAJA 13:7

Dibunu raja Siria i do bangso Israel, jabat do hum lima pulu tentara na markudo tinggal, hum sampulu kareta porang jana hum sampulu ribu halak sajo noma parajurit sian tentara ni si Joahas.

MASMUR 107:34

Tano na napu dibaen Ia gabe tano garoga, hara ni hajahatan ni jolma na manginganisa.

PODA 24:31

Hum duri-duri do dohot ri huida na tubu disi. Handangna i pe ma pola unggal.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JESAYA 19:13

Jolma na bodo do angka pamimpin di Zoan dohot Memphis. Nanggo na mamimpin halahi, na mur paliluhon bangso i noma dohonon.

JESAYA 27:12

Di hatiha i, palaguton ni Tuhan ma bangsoNia i pasada-sada sian Batang aek Efrat lopus tu batas ni Mesir. SirangonNia ma halahi songon pamiari ni halak di eme sian lapungna.

JESAYA 32:13

jana di tano ni bangsongku madung martubuan angka sihupi. Tangisi hamu ma angka bagasmunu inganan ni halak marsonang-sonang dohot kota na rumibur i.

JESAYA 34:13

Angka bagas godang bope angka hutana na martembok, gabe hatubuan ni ramba na marsuga noma i jana diingani anjing harangan dohot sipauk.

JESAYA 5:6

PadiaronKu noma disi martubuan hayu riar. Nada be tamboranKu tanona i jana bona ni anggur i pe nada be papangkas-pangkasonKu. Mur padiaronKu noma i tehe lombuton ni sihupi dohot andor-andor. Salang ombun pe antahanKu noma ulang diparo udan tusi.”

JESAYA 7:23

Angka kobun anggur na denggan, na nisuanan dohot sasaribu be bona ni anggur na mararga saribu hoping perak, hatubuan ni ramba-ramba ma i dohot sihupi.

JEREMIA 2:16

O ale Israel, hona gusting do obuk ni ulumu dibaen halak Memphis dohot Tahpanhes.

JEREMIA 42:22

Antong, ingot hamu ma: Di tano por ni roha na giot topoton dohot ingananmunu i, disi ma hamu mate baenon ni porang, sanga hara ni haleon potir sanga baenon ni nyae masa.”

JEREMIA 44:1

Mangkuling ma Tuhan tu au taringot tu sude halak Israel na maringanan di Mesir, i ma na di kota Migdol, Tahpenhas, Memphis dohot di tano Patros.

JEREMIA 44:12

Jana ampot adong sian halak Juda na teba i na sai marpor ni roha tu Mesir laho maringanan disi, gabe bunuonKu ma halahi. Sude halahi na menek na godang, mate ma di Mesir baenon ni porang sanga hara ni haleon potir. Gabe jorbut pangkilalaan ni halak mida halahi jana palayasonna halahi. Gabe goar bura ma baenon ni halak goar ni halahi.

JEREMIA 44:13

Songon panguhumingKu tu Jerusalem, laing songon i ma uhumanKu halahi na maringanan di Mesir. Marmatean ma halahi baenon ni porang, hara ni haleon potir, sanga hara ni nyae masa.

JEREMIA 46:14

“Di angka kota ni Mesir, i ma di Memphis, Migdol dohot di Tahpanhes, pabotohon ma barita on, ‘Markobas ma hamu laho martahan, angke sude sinadonganmunu abiskonon noma i di parporangan!

JEREMIA 46:19

Marhobas be ma hamu angka halak Mesir anso ditaban jana dioban! Gabe lobu ma kota Memphis, inganan na lungun na so diingani.

JEHESKIEL 30:13

Didok Tuhan Debata i ma, “Giot ropukanKu angka gana-ganaan dohot angka debata na di Mempis. Nada adong be tu joloan on raja di Mesir. Mabiar baenonKu sude halak na maringanan disi.

JEHESKIEL 30:16

ParoonKu ma api di Mesir, humitir ma Sin jana hona rampas ma Tebe jana angka tembokna pe angkon martolbakan.

HOSEA 10:8

Angka bagas pamelean na di angka tor Awen inganan pamelean ni halak Israel, roncohonon noma i. Martubuan ma duhut dohot duri di langgatan ni halahi i. Dung i marsurak ma halahi pio-pio tu angka dolok, “Ondingi ma hami!” dohot tu angka tor, “Dondoni ma hami!”

HOSEA 11:11

Songon hipas ni unggas ro halahi sian Mesir, jana sian Asur songon hulanan ni darapati. Jadi obanonKu ma halahi mulak tu bagas ni halahi. Au, Tuhan do na mandok i.”

HOSEA 2:6

Harani i, giot tutuponKu ma dalanna dohot angka suga, jana pajongjongon tembok giot mangurung ia, jadi nada diboto ia be dalanna.

HOSEA 7:11

Moncong-oncong Israel songon unggas darapati na oto; mula-mulana kehe angka halak ni halahi mangido bantuan tu Mesir, dung i marlojong muse ma halahi tu Asur!

HOSEA 7:13

Marjaya do halahi hara ni na nitadingkon ni halahi Au. Angkon maropuk halahi hara ni na mangalo tu Au. Sai giot paluaonKu do nian halahi, tapi margabus do halahi tu Au.

HOSEA 7:16

Laing dipupu halahi do mangihutkon angka debata na soada gogona i. Nada tarpangasahon halahi tudos tu sior na hendur. Angka pamimpin ni halahi mangkatai maradu bulbul, jadi mate hona bunu do halahi, kejam pambaenna jana partataan ni angka halak Mesir.”

HOSEA 8:13

Dihaulkon halahi do haul tu Au, jana dipangan halahi haul i, hape Au Tuhan nada manghajopkon angka haul i. Saonnari ingotonKu ma dosa ni halahi i jana uhumanKu noma halahi hara ni angka dosa i; tongosonKu ma halahi mangulahi tu Mesir!

HOSEA 9:3

Hamu ale halak Israel, nada tongtong hamu tinggal di tano na nilehen ni Tuhan tu hamu. Angkon mulak hamu tu Mesir jana angkon panganonmunu sipanganon na haram di Asur.

HAMALIMON 26:33

ParoonKu ma parporangan di luatmunu jana manyarsar hamu di luat na leban. Angka ladangmu gabe tarulang jana kotamu gabe abu.

ZEPANYA 1:11

Mangandungi ma hamu jana martangisan di na tarbege sora i tu hamu, ale pangisi ni kota parlombang, angke ma pola mate sude parboniaga hona bunu!

1 SAMUEL 13:6

Dung i dipungka halahi ma mangaroro marsitutu mamorangi halak Israel, jabat do tarsosak situtu halak Israel. Deba sian halahi martabuni ma di gua dohot di liang ni dolok sanga di rigang ni batu mamak, sanga di bagasan sumur dohot di lubang ni tano,