HOSEA 9:4 - BIBEL JAMITA NA DENGGAN

⁴ Anggo di angka luat i nada tarbaen hamu manghaulkon anggur dohot haul situtungon laho pasonang roha ni Tuhan. Gabe hodar sandok halak na mangankon sipanganon i, songon sipanganon na dipangan di na mangubur na mate. Hum na pabutong butuha sajo do guna ni sipanganon i; saotik pe nada obanon i tu Bagas Ni Tuhan anso dihaulkon disi.

HOSEA 9:4 ပူးပေါင်းရင်းမြစ်များ

HARURUAR 29:40

Rap dohot biri-biri na parjolo i angkon nihaulkon ma sakilo topung tarigu na dumenggan nicampur dohot miak zetun na polin saliter. Laing haulkon muse ma saliter anggur.

HARURUAR 40:23

lalu dipayakkon ia roti sihaulkonon tu Tuhan di ginjangna i.

JESAYA 57:6

Dipalagut hamu angka batu na landit sian inganan i, lalu disomba hamu ma i. Diduruskon hamu anggur jana dipelehon hamu gandum tusi. Diambang hamu lakna sonang rohangKu mida i?

JESAYA 66:3

Hape anggo bangso i, roha-rohana do dipambaeni. Anggo di halahi, manghaulkon lombu sarupa do dohot na manghaulkon jolma. Manghaulkon anak ni biri-biri dos dohot na manipulkon rungkung ni anjing. Manghaulkon haul gandum sarupa do i dohot na manghaulkon mudar ni babi. Manutung hamonyan dos do i dohot na marsomba patung. Hara ni i: Sarupo songon halahi na mandalankon dalanna sandiri, jana rohana pe manghagioti gana-ganaan.

JEREMIA 16:7

Nada adong muse na giot mambaen pangapulion laho mangapoi halak na marsiluluton. Nada adong halak na dohot mararsak ni roha, haru pe tu halak na agoan ama sanga ina.

JEREMIA 6:20

Aha ma guna ni hamonyan na dioban ni halahi di Au sian Seba, sanga parmasak na sian luat na dao i? Nada ringkot rohangKu manjagit haul ni halahi i; nada giot Au angka haul na nitutung ni halahi.

JEHESKIEL 24:17

Ulang jabat tarbege partangismu. Ulang be mardalan na so mamake tutup ni ulu sanga na so marlapik patmu, songon halak na di bagasan siluluton. Ulang tutupi muse bohimu jana ulang pangan roti siluluton.”

JEHESKIEL 24:22

Jadi baenonmunu ma songon na hubaen on saonnari. Nada tutupanmunu bohimunu sanga panganonmunu roti siluluton.

DANIEL 1:8

Tapi tongtong do dijago si Daniel dirinia anso ulang ramun hara ni sipanganon dohot anggur na somal diinum raja i, dipangido ia ma tu pamimpin pegawe ni bagas godang i anso ulang diramuni ia.

HOSEA 3:4

Songon i muse ma pangalaho ni bangso Israel; lolot halahi mangolu tapi nada adong rajana, nada marpamimpin nada adong haul, nada adong gana-ganaan, jana nada adong efod dohot terafim.

HOSEA 7:16

Laing dipupu halahi do mangihutkon angka debata na soada gogona i. Nada tarpangasahon halahi tudos tu sior na hendur. Angka pamimpin ni halahi mangkatai maradu bulbul, jadi mate hona bunu do halahi, kejam pambaenna jana partataan ni angka halak Mesir.”

HOSEA 8:13

Dihaulkon halahi do haul tu Au, jana dipangan halahi haul i, hape Au Tuhan nada manghajopkon angka haul i. Saonnari ingotonKu ma dosa ni halahi i jana uhumanKu noma halahi hara ni angka dosa i; tongosonKu ma halahi mangulahi tu Mesir!

JOEL 1:13

Hamu ale angka malim na markobasi di langgatan, pake hamu ma abit goni anso martangisan. Masuk ma tu Bagas Ni Tuhan marbornginma laho mangandung disi, angke nada adong be haul anggur dohot gandum.

JOEL 1:9

Ma pola abis gandum dohot anggur sudena nada adong be sihaulkonon di Bagas Ni Tuhan. Gabe marsak ma angka malim, dibaen nada adong be haul di Tuhan.

JOEL 2:14

Betak na muba do tehe roha ni Tuhan Debatamu, jana marlobi-lobi pasupasuNa di hamu. Gabe tarbaen hamu manghaulkon tu Tuhan, haul anggur dohot gandum.

HAMALIMON 17:11

Hosa ni ganop na mangolu, di bagasan mudarna do. Hara ni i ma dibaen diparentahon Tuhan anso sude mudar diduruskon di ginjang ni langgatan anso sesa sude dosa. Sarupa dohot hosa do mudar i manyesa dosa.

HAMALIMON 21:17

mandok hata on tu si Harun, “Sian pomparanmu, muda adong na martihas pamatangna, nada tola pasahatkon haul sipanganon tu Au. Angkon songon i do tongtong lopus tu pudian ni ari.

HAMALIMON 21:21

Sian angka pomparan ni si Harun angka halak na martihas pamatangna nada tola pasahatkon haul sipanganon di Au.

HAMALIMON 21:6

Au do nampuna jana mamili ia, hara ni i nada tola palayasonnia goarKu. Ia do na pasahatkon sipanganon di Au, hara ni i angkon badia do ia.

HAMALIMON 21:8

Angkon okuon ni halak na bahat do bahaso hapunjunganKu do malim, angke ia do na pasahatkon haul sipanganon di Au. Au do Tuhan na badia, jana Au do pabadiahon bangsongKu.

AMOS 5:22

Muda dioban hamu haul situtungon dohot haul gandum nada ra Au manjagitsa. Nada ra Au manjagit angka pahan-pahananmunu na mokmok i na nihaulkonmunu gabe haul pardamean. Nada ra Au mangaligisa.

MALEAKI 2:13

On ma parbuatanmunu deba nari. Dilonong hamu do langgatan ni Tuhan dohot ilu ni mata, tangis do hamu jana mangandungi patunda ni na so ra be Tuhan manjagit angka haulmunu.

BILANGAN 19:11

Sanga ise na manjama bangke, ramun do ia pitu ari honokna.

BILANGAN 28:2

“Parentahon ma tu bangso Israel, anso tongtong diingot halahi manghaulkon haul sipanganon na pajob roha ni Tuhan, hombar tu hatiha na dung ditontuhon.”

BILANGAN 4:7

Angkon pahembangon ni halahi muse sada abit na rata langit di ginjang meja inganan ni roti silehenon tu Tuhan i, di ginjang meja i angkon payakkonon pinggan, talam inganan ni hamonyan, talam inganan ni haul dohot mangkuk inganan ni aek ni anggur sihaulkonon. Angkon tongtong do adong roti di meja i.

JOHANNES 6:51

Au do roti na mijur sian banua ginjang i, i ma sipanganon na mangalehen hangoluan. Halak na mangankon sipanganon on, mangolu ma salolot-lolotna. Anggo sipanganon na giot lehenonKi, i ma pamatangKu. LehenonKu ma pamatangKon anso mangolu portibi on.”

PANGARATAION 26:14

Saotik pe sian haul parsampuluan i nada adong na hupangan di hatiha siluluton; sanga huoban tu ruar ni bagas dompak hodar au, jana saotik pe sian i nada adong na hulehen gabe pelean di halak na mate. Madung huoloi Ho, ale Tuhan; madung hupatulus sude na niparentahonMi taringot tu parsampuluan i.