HOSEA 9:16 - BIBEL JAMITA NA DENGGAN

¹⁶ Songon suan-suanan na so marbatu, jana na mahiang uratna, tudos tusi do anggo Israel. Nada adong untunganna tapi haru pe adong dakdanak ni halahi, bunuonKu do angka dakdanak haholongan ni halahi i.”

HOSEA 9:16 ပူးပေါင်းရင်းမြစ်များ

PAMUNGKAAN 41:23

Jadi tubu muse ma pitukamburir eme na lambang boti markerut hiang dibaen haba-haba na sian parhorsihan i.

JOB 18:16

Sai songon urat na gariang sian toru; jana markarengkut dangkana sian ginjang.

JESAYA 40:24

Tudos tu suan-suanan simarata do halahi, na baru tubu dope uratna i. Muda jabat diparo Ia haba-haba, dihabangkon do halahi songon durame na mahiang.

JESAYA 5:24

Madung ditulakkon hamu pangajaran ni Tuhan Na Markuaso i, Debata Na Badia ni Israel. Hara ni i, songon durame dohot duhut na mahiang abis dipangan api, laing songon i muse ma angka urat-uratmunu gabe busuk, angka bungamunu pe malos ma i lalu abis diombuskon alogo.

JEHESKIEL 24:21

Dokkon ma tu halak Israel; songon on do didok Tuhan Debata satutu-tutuna pahodaronKu ma inganan parbadiaanKu, kuaso na dipangasahonmu, hasonangon ni matamu dohot rohamu; dohot anakmu halaklahi dohot dadaboru na nitinggalkonmu angkon mate rumpak dibaen podang.

HOSEA 5:11

Marhancit do Efraim binaen ni uhuman, angke sai manggogo do ia mangihutkon na so marguna.

HOSEA 8:7

Alogo do disabur bangsongKi, jadi manyabi halingsungsung ma halahi! Nada manggorsing ladang ni gandum ni halahi, gabe nada adong be topung suhana baen sipanganon. Tapi muda laing manggorsing ladang i, gabe abiskonon ni angka bangso-bangso na asing do gandumna i.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

PANGARATAION 32:25

Parporangan mambaen marmatean di dalan-dalan, na di bagas pe didondoni habiaran. Naposo nauli bulung jagar-jagar ni bangso ma giot mate na baru sorang, na maradu tobang pe nada dia imbarna be.