HOSEA 9:11 - BIBEL JAMITA NA DENGGAN

¹¹ Habang noma hagodangan ni Israel mago songon unggas; nada adong be na mardenggan pamatang jana nada adong be dakdanak na sorang.

HOSEA 9:11 ပူးပေါင်းရင်းမြစ်များ

PAMUNGKAAN 41:52

Didok ia muse ma, “Dilehen Debata do angka dakdanak di au di hatiha marsak au,” jadi dibaen ia ma goar ni anaknia na paduahon i si Efraim.

PAMUNGKAAN 49:22

Si Josep songon bona ni anggur na napu, di lambung mata mual ia tubu, angka rantingna manjurur manjarampak tu ginjang ni tembok.

2 SAMUEL 6:23

Nada mardakdanak anggo si Mikal boru ni si Saul i salolot ngolunia.

JOB 18:5

Musti paintopon do lampu ni parjahat; apina i indangkon nipangolu be jabat.

MASMUR 58:8

Padiar ma halahi songon langkitang na maderder gabe godir, songon dakdanak na baru sorang mate dompak so marnida na torang.

PARJAMITA 6:3

Haru pe adong sada halak saratus anakna jana lolot ia mangolu jabat matobang situtu ia, tapi muda nada martua pangkilalaannia jana nada dikuburkon ia di pangalaho na sapatutna, jadi anggo mangihutkon pandapotku, dumengganan dope jambar ni dakdanak na sorang na torus mate umpado bayo i.

JESAYA 17:3

Nada margogo Israel jana mago ma habebason ni Damaskus. Mangolu di bagasan habilean ma halak Siria na tinggal i, songon halak Israel. Au, Tuhan Na Markuaso, madung mandokkon i.”

HOSEA 10:5

Mabiar ma halak Samaria; marsak jana tangis ma halahi dohot angka malim na mangkobasi lombu sere na di Bet-Awen i hara ni parmago ni hajagaron ni gana-ganaan ni halahi.

HOSEA 4:7

Mur martamba bahatmunu, mur mardosa muse do hamu tu Au, ale angka malim! Harana angkon paubaonKu do na masa tu hamu. Nada pasangapon be hamu tapi palayason noma.

HOSEA 5:9

Abis ma Israel, angke madung dapot arina laho manguhum halahi. Tangihon hamu ma, rayat ni Israel, angkon tarjadi do na songon i.

HOSEA 9:14

Lehen ma di halahi, ale Tuhan – aha dehe na giot silehenonMu? Baen ma halahi gabe dadaboru na punu, jana na so bisa pasusuhon dakdanakna.

AMOS 1:13

Didok Tuhan, “Marpupu do mardosa halak Amon, hara ni i angkon hona uhum halahi baenonKu. Di na marporang halahi laho pabidang tano ni halahi, dilapa halahi do angka ina na denggan pamatangna di Gilead.

LUKAS 23:29

Angke na ro ma hatihana dokkonon ni halak ma, ‘Martua ma angka dadaboru na so jungada maruntungan, na so unjung mangae mardakdanak jana na so jungada pasusuhon dakdanak!’

PANGARATAION 28:18

Buraan ni Tuhan ma ho, lopus gabe otik anak, suha ni ladang dohot lombu maradu biri-birimunu.

PANGARATAION 33:17

Gogo ni si Josep songon lombu harangan marribu pinompar ni si Manase, marpulu ribu pinompar ni si Efraim i ma tanduknia. Didogo ia angka bangso dionjar ia halahi lopus tu ujung ni tano.”