HOSEA 9:1 - BIBEL JAMITA NA DENGGAN

¹ Ale bangso Israel, ulang be hagodangkon hamu angka ari pestamunu songon angka bangso na asing. Madung ditadingkon hamu Debatamunu jana nada burju hamu tuSia. Di sude luat on, digadis hamu do dirimunu songon panggampang tu Debata Baal, jana sonang rohamunu manjagit gandum na nietong ni rohamunu songon upa ni debata i tu hamu!

HOSEA 9:1 ပူးပေါင်းရင်းမြစ်များ

MASMUR 73:27

Na giot mago do sanga ise na manadingkon Ho, dipatimpas Ho do sanga ise na so setia tu Ho.

JESAYA 17:11

Tapi haru pe manigor martunas suan-suanan i jana marbunga di ari i di na manyuan i ho, hapengani anggo suhana indangkan na adong buaton. Hum hasusaan do taononmu dohot hahanciton na so ra mago.

JEREMIA 2:19

Hajahatanmu sandiri do manguhumi dirimu; hona parkancitan ho hara ni na ditulakmu Au. Saonnari taonkon ma paetna dohot paniakna muda dihudukkon jana nada dipasangap ho Au. Au, Tuhan Debatamu madung mandok songon i; Au ma da Tuhan Debata Na Markuaso jana Na Gumogo.”

JEREMIA 2:20

Didok Tuhan, “Madung honok na so ra ho tunduk tu Au; nada ra ho mangoloi sanga marsomba tu Au. Di puncu ni ganop dolok na gincat, dohot di toru ni sandok hayu na rumbun disomba ho do angka debata ni hagabean.

JEREMIA 44:17

Sude na dung hami janjihon laing patulusonnami do i. Laing hot do hami manghaulkon haul tu Namora di Langit, dohot manduruskon anggur baen pelean disia songon na dung somal masa di angka kota ni Juda dohot di angka dalan na di Jerusalem, dipadalan angka ompunami, angka raja-raja dohot angka pamimpinnami maradu hami sandiri. Anggo di hatiha i tuk do panganonnami, sonang do hami jana nada adong na maol sanga na aha.

ANDUNG 4:21

Ale bangso Edom dohot Us martata be ma hamu, salolot habolasan, marmoga-moga ma hamu! Tu ho pe giot ro muse do parmaraan; lenong ma hamu marbuka pakean.

JEHESKIEL 16:15

Hape diparsayang ho hajogian ni rupami dohot hahuskuson ni goarmi. Modom do ho dohot halaklahi pamolus sanga na bia pe i.

JEHESKIEL 16:30

Didok Tuhan Debata i ma, “Madung dipambaeni ho sudena i songon dadaboru parhamainan na so umboto hahaila.

JEHESKIEL 20:32

Giotmunu nian tudos ma hamu dohot angka bangso na asing i dohot tu halak na maringanan di tano sileban na manyomba hayu dohot batu. Tapi nada lalu anggo giot ni rohamunu.’ ”

JEHESKIEL 21:10

Dipatajom do i anso tarpake pamatehon. Digosok anso marlinang-linang. Bisa dope he jop ni roha di hami? Tungkot harajaan ni anak i do na pamatehon sasude hayu.

HOSEA 10:5

Mabiar ma halak Samaria; marsak jana tangis ma halahi dohot angka malim na mangkobasi lombu sere na di Bet-Awen i hara ni parmago ni hajagaron ni gana-ganaan ni halahi.

HOSEA 2:12

MatehononKu ma angka bona ni anggurna dohot bona ni arana, taringot tusi didokkon: Silehen-lehen do sudena on di au, na dilehen ni angka haholongan ni rohangku tu au! BaenonKu ma i gabe harangan, jana panganon ni angka binatang na di padang ma i lopus abis.

HOSEA 4:12

Marsapa do bangsongKu tu bona ni hayu! Dipaboa sada tungkot do tu hamu sanga aha na giot sibotoonmunu! Ditadingkon hamu do Au. Songon sada anakboru na gabe panggampang, songon i ma dibaen hamu pasahat dirimunu tu angka debata.

HOSEA 5:4

Patunda ni hajahatan na nibaen ni halak Israel, nada tarbaen halahi be mulak tu Debata ni halahi. Harana na marsomba gana-ganaan noma na manggohi roha ni halahi jana nada parduli be di Tuhan.

HOSEA 5:7

Nada unduk halahi tu Tuhan, angke madung disorangkon halahi angka dakdanak gampang. Hara ni i, nada sadia honok nari abiskonon noma halahi dohot angka ladang ni halahi.

AMOS 3:2

“Sian sandok bangso na di tano on, hum sasada hamu sajo do bangso na Hutanda dohot na Huantoi. I ma mambaen godang dosamunu, jana angkon uhumanKu hamu.”

AMOS 4:5

Datdati hamu ma na manghaulkon roti mandok tarimakasi tu Au, jana toruskon hamu ma mamburas paboa na dung dioban hamu tamba-tamba ni haulmunu! Nada he songon i do diparhagiot rohamunu ale halak Israel?” Songon i ma didok Tuhan Debata.

AMOS 6:13

Ale hamu na marjop ni roha hara ni Lodabar, jana na mandok, “Nada he marhite hagogoonta do tarampas Karnaim di hita?”

AMOS 8:10

PaubaonKu ma angka ari pestamunu gabe siluluton, jana angka ende-endemunu gabe andung. BaenonKu ma hamu marcukur obuk dohot mamake abit goni tanda ni arsak. Gabe songon na tobang-tobang na manangisi parmate ni anakna sisada-sada ma hamu. Marujung ma ari i di bagasan arsak na lobi godang.

JAKOBUS 4:16

Hape saonnari gabe marginjang ni roha do hamu jana mamburas. Sala do sudena buras na songon i.

JAKOBUS 5:1

Hamu angka halak na mora! Tangihon hamu ma sipaingotkon. Tangis ma hamu jana mangandungi, harana manaon parkancitan ma hamu!