HOSEA 8:13 - BIBEL JAMITA NA DENGGAN

¹³ Dihaulkon halahi do haul tu Au, jana dipangan halahi haul i, hape Au Tuhan nada manghajopkon angka haul i. Saonnari ingotonKu ma dosa ni halahi i jana uhumanKu noma halahi hara ni angka dosa i; tongosonKu ma halahi mangulahi tu Mesir!

HOSEA 8:13 ပူးပေါင်းရင်းမြစ်များ

HARURUAR 20:3

Ulang adong di ho debata na asing di jolongKu.

HARURUAR 32:34

Tapi anggo ho kehe ma saonnari manogu-nogu bangso i tu inganan na dung Hupaboa tu ho; mardalan do surusuruanKu di jolomu; tapi di ari pamalosonKi baloskononKu ma tu bangso i dosa ni halahi i.”

PODA 21:27

Nada jop roha ni Tuhan tu haul ni jolma na so hasaya, lumobi muda na dihaulkon mardongan maksud na targora.

JESAYA 1:11

Didok Tuhan do, “Diambang hamu do lakna jop ma rohangKu hara ni sude haul na sai nihaulkonmunu i tu Au? Madung magigi Au mida biri-biri haulmunu na nitutung i dohot di tabo-tabo ni anak ni lombu i. Nada ringkot rohangKu mida mudar ni lombu jantan, biri-biri dohot hambeng i.

JEREMIA 14:10

Salaho tu bangso i didok Tuhan, “Nada jop rohangKu paida-ida angka jolma i na sai manadingkon Au, jana na so ra mangarajai dirina. Nada ra be Au manghalupahon hasalaan ni halahi, uhumanKu do halahi hara ni dosa ni halahi.”

JEREMIA 6:20

Aha ma guna ni hamonyan na dioban ni halahi di Au sian Seba, sanga parmasak na sian luat na dao i? Nada ringkot rohangKu manjagit haul ni halahi i; nada giot Au angka haul na nitutung ni halahi.

JEHESKIEL 29:16

Nada be mangido pangurupion Israel tu hamu. Taringot ma Israel paida-ida bagianmu, ale bangso Mesir, sanga songon dia liluna mangasahon Mesir, songon na dung unjung dibaensa. Jadi gabe botoon ni Israel ma, Au do Tuhan Debata.”

HOSEA 11:5

Nada ra mulak angka halak Israel i tu Au, jadi hara ni i, angkon mulak tu Mesir halahi jana parentaon ni bangso Asur halahi.

HOSEA 12:11

Madung manghobari Au tu angka panurirang, jana Hulehen bahat parnidaan tu halahi. Marhite sian halahi Hulehen do sipaingot tu hamu, bangsongKu

HOSEA 4:9

Jadi gabe markancit noma hamu laing songon rayat i! UhumanKu ma hamu hombar tu angka pambaenanmunu.

HOSEA 5:6

Haulkonon ni halahi ma biri-biri dohot lombu ni halahi baen haul di Tuhan, tapi nada marguna sudena i. Angke madung ditadingkon Tuhan halahi, jana nada tarbaen halahi be padumpang dohot ia.

HOSEA 6:6

GiotKu nian ditanda hamu ma Au jana tongtong dihaholongi hamu, nada anso dihaulkon hamu haul tu Au.

HOSEA 7:11

Moncong-oncong Israel songon unggas darapati na oto; mula-mulana kehe angka halak ni halahi mangido bantuan tu Mesir, dung i marlojong muse ma halahi tu Asur!

HOSEA 7:16

Laing dipupu halahi do mangihutkon angka debata na soada gogona i. Nada tarpangasahon halahi tudos tu sior na hendur. Angka pamimpin ni halahi mangkatai maradu bulbul, jadi mate hona bunu do halahi, kejam pambaenna jana partataan ni angka halak Mesir.”

HOSEA 7:2

Na so unjung do mamolus di pikiran ni halahi, sai paingot-ingotonKu do sude hajahatan ni halahi i. Humaliang halahi do angka dosa ni halahi gabe tangkas do Huida sudena.”

HOSEA 9:6

Madung donok hamamago jana masarsar ma hamu. Jadi palagut-laguton ni halak Mesir ma hamu anso dikubur di Memphis! Tubu ma duhut dohot duri, jana tutupanna ma parbagasonmunu humani dohot angka barang perakmunu sigodang arga i.

HOSEA 9:7

Madung dapot ari panguhuman, hatiha pamaloson tu sandok parbuatan. Taonon ni Israel noma i! Didok hamu, “Na oto do panurirang on. Na rintik do jolma na nirajaan ni tondi on!” Didok hamu pe songon i hara ni gigina do rohamunu tu Au jana dosamunu santak godangna.

HOSEA 9:9

Na lobi do jahatmunu songon na dung unjung dibaen halak Gibea. Ingoton ni Debata do hasalaanmunu jana uhumanNa hamu hara ni dosamunu i.

AMOS 3:2

“Sian sandok bangso na di tano on, hum sasada hamu sajo do bangso na Hutanda dohot na Huantoi. I ma mambaen godang dosamunu, jana angkon uhumanKu hamu.”

AMOS 5:22

Muda dioban hamu haul situtungon dohot haul gandum nada ra Au manjagitsa. Nada ra Au manjagit angka pahan-pahananmunu na mokmok i na nihaulkonmunu gabe haul pardamean. Nada ra Au mangaligisa.

AMOS 8:7

Disumpahon Tuhan do marhite hagogodang ni si Jakob, “Nada Hulupahon salolot ni lolotna sude na dikarejohon ni halahi!

LUKAS 12:2

Nada adong bagi aha na tutup na so ungkap muse, sanga na buni na so binoto muse.

1 KORINTUS 11:20

Tapi anggo satutuna nada na mambaen Parjamuan ni Tuhan hamu muda marlagut hamu.

1 KORINTUS 11:29

Angke, barang ise na mangan dohot minum, tapi nada diokui na pamatang ni Tuhan do i, na parohon uhuman do i tu pamatangna sandiri.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

PANGARATAION 28:68

Tongoskonon ni Tuhan ma ho mangulahi markapal tu Mesir, haru pe na dung Hudok na so mulak be ho sanga na andigan tusi. Pagadis-gadisonmunu ma dirimunu disi gabe hatoban halaklahi dohot hatoban dadaboru tu musumunu, hape sahalak pe nada adong na manobusi.”

HALUMBAAN 16:19

Dung i mabola ma kota na godang i gabe tolu bagian; jana marrumpahan ma angka kota ni halak na so mananda Debata. Jadi gabe taringot ma Debata tu kota Babel na godang i, giot lehenon ma tusia panginuman na gok anggur haririmas dohot hamumurukNia.

1 SAMUEL 15:22

Tapi didok si Samuel ma, “Dia do na jumop roha ni Tuhan, pangoloion tu Tuhan do ulang pado na manghaulkon haul? Marpangoloion tu Tuhan, dumenggan do i sian na manghaulkon haul. Dumenggan do i sian tabo-tabo ni biri-biri.