HOSEA 7:9 - BIBEL JAMITA NA DENGGAN

⁹ Hape na so pamotoan ni halahi, mago do hagogoan ni halahi hara ni hasadaan ni tahi ni halahi dohot angka bangso-bangso i. Donok noma ajal ni halahi, hape nada diboto halahi.

HOSEA 7:9 ပူးပေါင်းရင်းမြစ်များ

2 RAJA-RAJA 13:22

Salolot si Joas mamarenta, sai na disosak ni si Hasael raja ni Siria i do halak Israel.

2 RAJA-RAJA 15:19

Dompak ro si Pul raja ni Asur mamorangi Israel, dilehen si Menahem ma tusia 34.000 kilo perak anso diurupi ia pahotkon kuaso ni si Menahem di Israel.

PODA 23:35

Jadi gabe dokkononmu ma, “Na hona pukul ni halak do au lakna jana ditampeleng, tapi nada huingot sanga aha na dung tarjadi. Ah, mondohondok sajo au! Porlu dope minum au!”

JESAYA 1:7

Madung disego-sego sude luat ingananmu; angka kotamunu pe madung disurbu. Laing di jolo ni matamu dibuat halak na asing tanomu lalu disego-sego sudena.

JESAYA 48:8

Nada ditangihon ho sanga diboto ho, jana pinggolmu pe nada tarbuka sian najolo; tapi Huboto do, bahaso na durako do ho, jana didok halak do ho pangalaosi mulai sian bortian.

JESAYA 57:1

Mate halak partigor, jana nada adong sahalak pe na mampardulihonsa; angka halak na alim hona sintak hosana, jana nada adong na mangantureskonsa; tutu, hara ni na dung rarat hajahaton, hona sintak ma hosa ni halak partigor.

HOSEA 4:6

Hamu angka malim nada parduli hamu di Au, gabe songon i muse ma bangsongKu nada parduli be tu Au, lopus marjaya halahi. Ditulak hamu do angka pangajaranKu. Jadi Au pe tulahonKu noma hamu, jana nada Huokui angka dakdanakmunu gabe malim di Au.

HOSEA 8:7

Alogo do disabur bangsongKi, jadi manyabi halingsungsung ma halahi! Nada manggorsing ladang ni gandum ni halahi, gabe nada adong be topung suhana baen sipanganon. Tapi muda laing manggorsing ladang i, gabe abiskonon ni angka bangso-bangso na asing do gandumna i.