HOSEA 7:5 - BIBEL JAMITA NA DENGGAN

⁵ Di ari pesta ni raja i dibaen halahi do marsahit angka pamimpin marhite anggur na pamilaskon, mardomu do ia dohot angka panghianat.

HOSEA 7:5 ပူးပေါင်းရင်းမြစ်များ

PAMUNGKAAN 40:20

Jadi di na marulang tahun raja i, i ma tolu ari dung i, mambaen pesta godang ma raja i di sude pagawenia; diparuar ia ma pangurus ni siinumon dohot pangurus ni rotinia i sian hurungan jana dioban ia halahi tu jolo ni sude pagawenia i.

1 RAJA-RAJA 13:4

Di na nibege ni si Jerobeam hata i, ditudu ia ma tu panurirang i jana marsurak ma ia mandok, “Tangkup i!” Tapi manigor toltol ma tangan ni si Jerobeam gabe nada tartarik ia be mangulahi.

MASMUR 1:1

Martua ma halak na so manangihon sipaingot ni halak parjahat, na so maniru jolma pardosa, jana na so mardongan dohot halak na pabile Debata,

MASMUR 69:12

Gabe sihata-hataan ma au di parluhutan ni halak, diendehon angka parmabuk ma salaho tu iba.

PODA 13:20

Muda mardongan dohot halak na marroha, gabe marbisuk iba; muda margaul tu halak na bodo, gabe iba hona mara.

PODA 20:1

Inumon na koras mambaen jolma hurang ajar jana gaor oto do halak na minum lopus mabuk.

JESAYA 28:1

Marjaya ma Harajaan Israel! Hambar ma hajegesonna i songon sasusuhan ni bunga na malos di ulu ni angka pamimpinna. Huskus nian ulu ni halahi hara ni miak wangi, tapi bustang do halahi modom songon na mate hara ni na mabuk.

JESAYA 28:14

Tangihon ma sanga aha na nidok ni Tuhan, hamu ale angka parkuaso na ginjang roha na mamarenta rayat di Jerusalem!

DANIEL 5:23

Padorgak diri do raja i maradopkon Na Markuaso di banua ginjang i jana puluk do raja i marsuru maroban masuk angka mangkuk na hona rampas sian Bagas Na Badia i. Dung i minum anggur ma raja i, angka na sangap, angka dadaboruna be songon i dohot angka gundik ni raja i sian mangkuk na ni rampas i. Dipuji-puji raja i do angka debata na dibaen sian sere, perak, tumbaga, bosi, hayu dohot batu, i ma angka debata na so marnida sanga marbinege sanga mangastui bagi aha. Nada dipasangap raja i Debata na manontuhon ngolu dohot hamamate ni raja i dohot na manontuhon pardalanan ni ngolu ni raja i.

HOSEA 7:3

Didok Tuhan ma, “Martahi ma angka jolma laho pasonangkon raja i dohot angka pagawena anso i dalanna paoto-otohon halahi.

MATEUS 14:6

Jadi hatiha marpesta ulang tahun ia, manortor ma boru ni si Herodias di jolo ni halak na ro i. Jop sajo ma roha ni si Herodes marnida na manortor i.

MARKUS 6:21

Ujungna dapot si Herodias ma ari na tumbuk, i ma di ari parningotan hatutubu ni si Herodes. Dibaen raja i ma pesta di angka kapala ni parpangkat na di harajaan i dohot angka komandan dohot di angka harajaon, hatobangon ni halak na di Galilea.

EPESUS 5:18

Ulang mabuk hamu dibaen anggur, harana mambaen sego do i tu hamu. Tapi gumonan ma gok Tondi Parbadia hamu.