HOSEA 7:16 - BIBEL JAMITA NA DENGGAN

¹⁶ Laing dipupu halahi do mangihutkon angka debata na soada gogona i. Nada tarpangasahon halahi tudos tu sior na hendur. Angka pamimpin ni halahi mangkatai maradu bulbul, jadi mate hona bunu do halahi, kejam pambaenna jana partataan ni angka halak Mesir.”

HOSEA 7:16 ပူးပေါင်းရင်းမြစ်များ

MASMUR 12:3

Antak ma hata ni pangalancap, ale Tuhan, pahohom ma parpamangan na bidang.

MASMUR 12:4

Didok halahi do, “Markuaso do hami marhite dilanami; tarbaen hami mangkatai sagiotnami, jana nada adong tarbaen na mangambati!”

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

MASMUR 17:10

Nada adong di halahi ibo ni roha hata-hata ni halahi, hata manggang na so hasaya.

MASMUR 52:2

Mangicu jana mambaen sangkap na jat do ho sasadari, dilamu pe songon piso cukur na tajom.

MASMUR 57:4

Dihobuk musu au, songon singa sipangan jolma halahi. Hujur dohot pana do ipon ni halahi, podang na tajom do dila ni halahi.

MASMUR 73:9

Dibuka halahi do pamanganna mangalo langit, jana mamburas do dila ni halahi di tano on.

MASMUR 78:37

Nada burju halahi tuSia jana nada marsitiopan tu janjiNia.

MASMUR 78:57

Marbalik do halahi songon ompuna songon sior na bengkok do halahi nada haposan.

JESAYA 3:8

Satutuna, Jerusalem madung maronco, jana Juda pe madabu, harana hata dohot pambaenan ni halahi mangalo Tuhan jana mangalo hasangapan ni harajaanNa.

JEREMIA 18:18

Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”

JEREMIA 3:10

Dung dipambaeni sudena i, dipaula-ula Juda na so setia i ma mulak tu Au, tapi nada sian bagasan rohania na giot mulak i. Au, Tuhan, madung mandok songon i.”

JEREMIA 42:18

Songon dia pangalaluhonKu, Au Tuhan Na Markuaso, Debata ni Israel, di hamumurukKu dohot hosom ni rohangKu tu halak Jerusalem, songon i muse ma palaluonKu hosom ni rohangKu tu hamu na kehe tu Mesir i. Gabe mabiar ma halak mida hamu; incahanna hamu, jana goarmunu baenon ni halak gabe songon bura. Nada idaonmunu be bona bulumunu on.”

JEHESKIEL 23:32

Didok Tuhan Debata i ma, “Angkon inumonmu do isi ni piala ni angkangmi. Godang jana bagas do mangkuk i. Gok incak dohot bura do isina, angkon taononmu ma i sian ganop jolma.

JEHESKIEL 36:20

Sanga tu dia pe halahi kehe, sai dipahodar halahi do goarKu na badia i. Angke didok angka jolma do songon on, ‘Bangso Ni Tuhan do nian bangso on, hape angkon tadingkonon ni halahi do tano na nilehen ni Debata tu halahi.’

DANIEL 7:25

Mangkuling ma ia mangalo Debata Na Gumincat i jana parkancitannia ma bangso ni Debata. Akalkononnia ma paubahon angka aturan dohot angka pesta ugamo ni halahi jana rajaannia ma halahi tolu satonga taon honokna.

HOSEA 11:5

Nada ra mulak angka halak Israel i tu Au, jadi hara ni i, angkon mulak tu Mesir halahi jana parentaon ni bangso Asur halahi.

HOSEA 11:7

dohot hara ni jogal ni rohana laho manadingkon Au. Jadi gabe tarpisat ma halahi, tapi nada adong na paluahon haru pe marsurak halahi mangido tolong.”

HOSEA 6:4

Tapi didok Tuhan ma, “Ale Israel dohot Juda! Angkon bia noma hamu baenonKu? Tibu do mago holong ni rohamu tu Au songon nambur sanga ombun manyogot.

HOSEA 7:13

Marjaya do halahi hara ni na nitadingkon ni halahi Au. Angkon maropuk halahi hara ni na mangalo tu Au. Sai giot paluaonKu do nian halahi, tapi margabus do halahi tu Au.

HOSEA 9:3

Hamu ale halak Israel, nada tongtong hamu tinggal di tano na nilehen ni Tuhan tu hamu. Angkon mulak hamu tu Mesir jana angkon panganonmunu sipanganon na haram di Asur.

HOSEA 9:4

Anggo di angka luat i nada tarbaen hamu manghaulkon anggur dohot haul situtungon laho pasonang roha ni Tuhan. Gabe hodar sandok halak na mangankon sipanganon i, songon sipanganon na dipangan di na mangubur na mate. Hum na pabutong butuha sajo do guna ni sipanganon i; saotik pe nada obanon i tu Bagas Ni Tuhan anso dihaulkon disi.

HOSEA 9:6

Madung donok hamamago jana masarsar ma hamu. Jadi palagut-laguton ni halak Mesir ma hamu anso dikubur di Memphis! Tubu ma duhut dohot duri, jana tutupanna ma parbagasonmunu humani dohot angka barang perakmunu sigodang arga i.

MALEAKI 3:13

Sai dipahata-hata hamu do Au ninna Tuhan. Tapi didok hamu do, “Aha ma he na hami hata-hatahon taringot tu Ho?”

MALEAKI 3:14

Didok hamu, “Nada adong gunana marsomba tu Debata. Aha ma he gunana taparate-atehon aha na angkon sikarejohonon maradopkon Ia jana mardalan mamake pakean paboa na marsak di adopan ni Tuhan Na Markuaso?

MATEUS 12:36

Tapi Hudok ma tu hamu, Angkon dialusi halak i do sogot di ari panguhuman i taringot tu sude hata na so hasaya, na ruar sian pamangan ni halahi.

LUKAS 8:13

Same na madabu tu tano na marbatu i, i ma manggambarkon angka halak na manangihon hata i jana na manjagitsa mardongan sonang ni roha. Tapi nada jabat marurat di bagasan roha ni halahi. Hum santongkin sajo do halahi porsaya hape di na ro pandugaan, marbalik ma halahi.

JAKOBUS 3:5

Laing songon i ma dilanta i; haru pe menek sajo dilanta i, hape tarbaen ia do manggodang diri taringot tu angka pangalaho na godang. Ligi hamu ma, salang harangan godang tarsurbu do i hara ni api na menek.

2 PETRUS 2:8

Di tonga-tonga ni angka jolma na songon i, tarhapit do pangkilalaan ni si Lot na mangolu i, angke ganop ari do diida jana dibege ia angka parange na jat sian halahi.

HALUMBAAN 13:5

Dipatola do binatang i pajojorkon angka ginjang ni rohana dohot pangincahion. Dipatola do ia mamarenta opat pulu dua bulan honokna.