HOSEA 7:13 - BIBEL JAMITA NA DENGGAN

¹³ Marjaya do halahi hara ni na nitadingkon ni halahi Au. Angkon maropuk halahi hara ni na mangalo tu Au. Sai giot paluaonKu do nian halahi, tapi margabus do halahi tu Au.

HOSEA 7:13 ပူးပေါင်းရင်းမြစ်များ

NEHEMIA 1:10

Tuhan, angka naposoMu do hami on, halakMu sandiri na dung nipaluaMu dohot kuaso bope dohot hagogoonmu na sumurung i.

JOB 22:17

Halahi ma da na puluk manulak Debata, jana na mangetong di bagasan rohana na so tarbaen Ia tu halahi sanga na aha.

MASMUR 106:10

Gabe malua ma halahi sian tangan ni musuna, sian tangan ni alona, halahi dipalua.

JESAYA 30:1

Didok Tuhan, “Marjaya ma angka pamimpin ni Juda, patunda ni na mangalo halahi tu Au. Diihutkon halahi angka sangkap na so sian Au. Pardonganon na so nisuru ni tondingKu.

JESAYA 30:2

Kehe do halahi antong tu Mesir so jolo mangido tahi tu Au. Sai giot marlindung do halahi tu Mesir jana marpos ni roha tu raja ni Mesir.

JESAYA 31:1

Marjaya ma halak na kehe tu Mesir laho mangido pangurupion. Dipangasahon halahi do hagogoan ni tentara ni Mesir, dohot parangan na manengget kudo dohot kudonia na gogo i songon i karetana na bahat i. Hape nada porsaya halahi tu Tuhan, Debata Na Badia ni Israel sanga pe mangido pangurupionNia.

JESAYA 41:14

“Ulang ho mabiar ale ulok-ulok ni Jakob, ale halak Israel! Au do pangurupi di ho, ninna Tuhan, jana na manobus ho, i ma Na Sun Badia, Debata ni Israel.

JESAYA 43:1

Tapi saonnari, songon on do hata ni Tuhan, na manompa ho ale Jakob, na mambaen ho ale Israel: “Ulang mabiar, harana madung Hutobus ho, madung Hupio ho marhite goarmu, Au do nampuna ho.

JESAYA 59:13

Madung mardosa hami jana mangalo maradopkon Ho, jana nada ra mangihutkon Ho. Madung hami parkanciti halak na asing jana marbalik hami sian Ho. Nada tutu be pikirannami, jana hatanami pe gabus noma.

JESAYA 63:8

PandokNia, “Satutuna do bangsongKu halahi, nada Au gabusan ni halahi.” Gabe dipalua Ia do halahi,

JEREMIA 14:10

Salaho tu bangso i didok Tuhan, “Nada jop rohangKu paida-ida angka jolma i na sai manadingkon Au, jana na so ra mangarajai dirina. Nada ra be Au manghalupahon hasalaan ni halahi, uhumanKu do halahi hara ni dosa ni halahi.”

JEREMIA 42:20

na dung mambaen hasalaan na godang do hamu. Dipangido hamu anso martangiang au tu Tuhan Debatanta i salaho tu hamu, jana marjanji do hamu laho patuluskon sude na nidok ni Tuhan i.

JEREMIA 51:9

Marsipandohonan ma halak sileban na maringanan disi na sada tu donganna, ‘Madung hita usahahon mangurupi Babel, hape nada tolap hita! Gumonan noma morot hita sian luat on jana marmulahan be ma hita tutanonta be. Na niuhum ni Tuhan do Babel sagogona, jana dironcohon Ia sudena.’ ”

JEREMIA 7:15

PaorotonKu ma hamu sian jolongKu songon pangusirKu di kahanggimunu halak Israel i.”

ANDUNG 5:16

Madung madabu tuku sian ulunami, ma pola mago hami hara ni na mardosa.

JEHESKIEL 16:23

Didok Tuhan Debata ma, “Marjaya ma ho! Marjaya situtu! Hara ni hajahatanmu.

JEHESKIEL 18:2

“Biasi laing torus dipardokkon-dokkon halak pandohan na songon on di Israel? ‘Amangna do mangankon batu na ancom, hape angka dakdanakna do ngiluan.’

JEHESKIEL 18:25

Betak adong muse na mandok di bagasan rohana songon on, ‘Sala do na nibaen ni Tuhan i.’ Tangihon hamu ma ale halak Israel! Na sala dehe na Hubaen i? Hamu do na sala.

JEHESKIEL 34:6

Gabe mampar ma angka biri-biringKi di angka tor na gincat dohot di angka dolok. Marserak ma halahi tu sude sisik ni portibi on, sahalak pe nada adong na manyarihon sanga na manjalahi halahi.

HOSEA 11:2

Tapi mur Hupioi anakKi mur mandao do ia sian Au. Dioban ia haul jana ditutung ia dupa di Baal dohot di angka debata na asing.

HOSEA 5:7

Nada unduk halahi tu Tuhan, angke madung disorangkon halahi angka dakdanak gampang. Hara ni i, nada sadia honok nari abiskonon noma halahi dohot angka ladang ni halahi.

HOSEA 7:1

“Muda Hupamalum Israel, gabe tarida ma hasalaan ni Efraim dohot angka hajahatan ni Samaria; angke dikarejohon halahi do margabus, manombom panangko laho masuk jana panyamun mangarampas di luar.

HOSEA 7:3

Didok Tuhan ma, “Martahi ma angka jolma laho pasonangkon raja i dohot angka pagawena anso i dalanna paoto-otohon halahi.

HOSEA 9:12

Tapi haru pe adong dakdanak na sorang jana na dipagodang-godang, buatonKu do halahi; sahalak pe nada Hupaloas mangolu. Marjaya ma hamu ale bangso Israel, muda jabat Hutadingkon hamu!”

HOSEA 9:17

Tulakkonon ni Debata na huoloi ma bangsoNa i, hara ni na so ra halahi manangihon Ia. Madang-adang noma halahi ditonga-tonga ni angka bangso.

JUNUS 1:10

Dung i dicaritohon ia ma sanga songon dia pargilonia sian Tuhan. Umbege i mabiar situtu ma halahi, jana didok halahi ma tusia, “Aha dehe na dung dikarejohonmon?” – angke diboto halahi do bahaso na gilo do si Junus, mandao sian jolo ni Tuhan.

JUNUS 1:3

Hape adop dalan na asing do kehe si Junus laho padaohon dirina sian Tuhan i. Kehe ia tu Jafo, jana didapot ia muse antong disi kapal na giot marlayar tu Tarsis. Dung digarar ia ongkosnia, manaek ma ia tu kapal i lalu marlayar ma ia dohot parkapal i tu Tarsis laho mandao sian Tuhan.

MIKA 6:12

Angka halak na mora di hutamu mamoroi do sian halak na pogos, jana pargabus do hamu sudena.

MIKA 6:4

Madung Huoban hamu haruar sian Mesir, jana Hupalua sian parhatobanan; Husuru do si Musa, si Harun dohot si Miryam laho mamimpin hamu.”

MATEUS 23:37

“Jerusalem, Jerusalem! Dibunu ho do angka panurirang, didangguri ho do dohot batu angka na nisuru ni Debata tu ho! Ma pola piga noli dihalungunkon rohangKu laho manghaol sude halak na mangingani ho songon pambaen ni inang ni manuk manggobak angka anakna di toru ni habongna, hape nada ra hamu!

PANGARATAION 15:15

Ingot hamu ma, hatoban do hamu najolo di Mesir jana na dung dipalua ni Tuhan Debatamunu do hamu, hara ni i ma umbaen na hulehen parenta on tu hamu.

1 JOHANNES 1:10

Muda tadokkon na so mangkarejohon dosa hita, gabe Ia do na tabaen pargabus jana nada adong hataNia di bagasan hita.

HALUMBAAN 8:13

Dung i hupamanat ma, gabe huida ma sada unggas rajawali na habang di ginjang an. Dung i mangkuling ma unggas i, “Marjaya! Marjaya! Marjaya ma sudena halak na di tano on muda tarbege surusuruan na tolu nari i mangombus sarunenia i sanoli on!”