HOSEA 7:1 - BIBEL JAMITA NA DENGGAN

¹ “Muda Hupamalum Israel, gabe tarida ma hasalaan ni Efraim dohot angka hajahatan ni Samaria; angke dikarejohon halahi do margabus, manombom panangko laho masuk jana panyamun mangarampas di luar.

HOSEA 7:1 ပူးပေါင်းရင်းမြစ်များ

JESAYA 28:1

Marjaya ma Harajaan Israel! Hambar ma hajegesonna i songon sasusuhan ni bunga na malos di ulu ni angka pamimpinna. Huskus nian ulu ni halahi hara ni miak wangi, tapi bustang do halahi modom songon na mate hara ni na mabuk.

JESAYA 59:12

Tutu, bahat do hasalaannami maradopkon Ho; angka dosanami pasalahon hami. Satutuna sadar do hami di hajahatannami, dohot di sude dosa-dosa nami.

JESAYA 59:13

Madung mardosa hami jana mangalo maradopkon Ho, jana nada ra mangihutkon Ho. Madung hami parkanciti halak na asing jana marbalik hami sian Ho. Nada tutu be pikirannami, jana hatanami pe gabus noma.

JESAYA 59:14

Uhum na tigor madung tarsosak tu pudi jana hatigoran hami padao. Hajujuran nada digoarkon di jolo ni halak na bahat, jana bulus ni roha pe ditulak halak.

JEREMIA 51:9

Marsipandohonan ma halak sileban na maringanan disi na sada tu donganna, ‘Madung hita usahahon mangurupi Babel, hape nada tolap hita! Gumonan noma morot hita sian luat on jana marmulahan be ma hita tutanonta be. Na niuhum ni Tuhan do Babel sagogona, jana dironcohon Ia sudena.’ ”

JEHESKIEL 16:46

Samaria na di Utara ma angkangmu dohot sude pagaranna. Jana anggimu ma Sodom na di Selatan dohot sude huta pagaranna.

JEHESKIEL 23:4

Goar ni siangkaan i si Ohola; i ma gambaran ni Samaria. Goar ni anggina i si Oholiba, i ma na manggambarkon Jerusalem. Kawin ma Au dohot halahi na dua jana adong ma dakdanak sian halahi na dua.

JEHESKIEL 24:13

Ale Jerusalem, angka pambaenanmu na so ture i, i do mambaen hodar ho. Madung Hucubo nian paias ho, hape nada adong gunana, angke torus do ho hodar. Nada be ra ho ias mangulahi lopus Hupalalu rimasKu tu ho.

HOSEA 10:5

Mabiar ma halak Samaria; marsak jana tangis ma halahi dohot angka malim na mangkobasi lombu sere na di Bet-Awen i hara ni parmago ni hajagaron ni gana-ganaan ni halahi.

HOSEA 11:8

Didok Tuhan ma, “Ale Israel nada padiaronKu ho sanga tadingkononKu. Tarbaen Au ma he tu ho songon parabis ni Adma? Sanga Hubaen ho songon Zeboim? Nada torus rohangKu mambaen songon i, hara ni godang ni holong ni rohangKu tu ho!

HOSEA 12:1

Didok Tuhan ma, “Dihuliangi Efraim do Au marhite gabus dohot sipaoto-oto; bangso Juda laing tongtong mangalo tu Au, Debata Na Badia jana na tigor.

HOSEA 12:2

Sanga aha na nibaen ni halak Israel sian manyogot lalu tu potang, nada adong gunana jana hum na manyegohon do i songon alogo Habincaran. Mur manjadi-jadi do hageduhan dohot hakejamon di tonga-tonga ni halahi. Dipambaeni halahi angka parjanjian dohot Asur jana marboniaga halahi dohot Mesir.”

HOSEA 4:17

Mardomu do Efraim dohot angka gana-ganaan, padiar ma ia!

HOSEA 4:2

Dibaen halahi janji hape nada digohi halahi; margabus, mamunu, manangko, manggampang do halahi. Martamba do hajahatan jana mardapot-dapot pamunuon.

HOSEA 5:1

Didok Tuhan ma, “Tangihon hamu ma ale angka malim! Parrohahon ma ale halak Israel! Bege ma, ale hamu angka jolma pomparan ni raja! Madung didabu uhum tu hamu. Angke, sapatutna nian angkon tigor do hamu manguhumi, hape balikna i do gabe tudos tu jorgong do hamu di Mispa, songon jorat di Dolok Tabor,

HOSEA 6:4

Tapi didok Tuhan ma, “Ale Israel dohot Juda! Angkon bia noma hamu baenonKu? Tibu do mago holong ni rohamu tu Au songon nambur sanga ombun manyogot.

HOSEA 7:13

Marjaya do halahi hara ni na nitadingkon ni halahi Au. Angkon maropuk halahi hara ni na mangalo tu Au. Sai giot paluaonKu do nian halahi, tapi margabus do halahi tu Au.

HOSEA 8:5

Goyak rohangKu paida-ida lombu sere na nipasomba-somba ni halak kota Samaria. Marpiar do murukKu tu halahi. Sadia honok nari sai sombaon ni halahi torus gana-ganaan i?

HOSEA 8:9

Songon halode riar na sai mangalo, songon i ma halak Israel na sai mangihutkon giot-giotna sandiri. Dijalahi halak Efraim do bantuan sian Asur, jana digarari halahi pardonganon sian angka bangso sileban.

AMOS 3:10

“Saotik nada adong diboto halahi mambaen na tigor, ninna Tuhan, dibaen halahi do bagas paribadatanna dohot angka hakejamon dohot parkancitan.”

AMOS 3:9

Pabotohon ma on tu angka jolma na maringanan di bagas godang ni Mesir dohot Asdod, “Marlagut ma hamu di angka dolok na humaliang Samaria, jana pamanat hamu ma hasursaran godang dohot angka hajahatan na dipambaeni disi.”

AMOS 8:14

Angka jolma na marsumpa mangasahon gana-ganaan ni Samaria na mandok, ‘Mangasahon goar ni debata ni bangso Dan’, sanga, ‘Mangasahon debata ni Berseba’ – tinggang noma i jana nada tarsunggul-tarsunggul be.”

MIKA 6:16

Tarjadi pe sudena i patunda ni na niihutkonmunu ma angka parbuatan jahat na nibaen ni Raja Omri dohot Raja Ahab, anakna i. Diihutkon hamu do antong angka pangalaho ni halahi. Hara ni i roncohononKu ma hamu, jana siincahan dohot silayason ni sandok bangso ma hamu.”

MATEUS 23:37

“Jerusalem, Jerusalem! Dibunu ho do angka panurirang, didangguri ho do dohot batu angka na nisuru ni Debata tu ho! Ma pola piga noli dihalungunkon rohangKu laho manghaol sude halak na mangingani ho songon pambaen ni inang ni manuk manggobak angka anakna di toru ni habongna, hape nada ra hamu!

LUKAS 13:34

O ale Jerusalem, Jerusalem! Dibunu ho do angka panurirang dohot angka na nisuru tu ho, didangguri ho dohot batu! Madung jotjot sai giot paluhutonKu sude halak na mangingani ho songon sada inang ni manuk na manggobak angka anakna di toru ni habongna, hape nada ra hamu!

LUKAS 19:42

Humolos ma Ia, “Dengganna i sugari diboto hamu sadari on sanga aha na porlu di hamu laho manjagit hadameon i! Hape saonnari buni do i di jolo ni matamu.