HOSEA 6:9 - BIBEL JAMITA NA DENGGAN

⁹ Songon punguan ni panyamun na mangambat halak pamolus do angka malim na di kota i. Salang di dalan laho tu inganan na badia di Sikem pe puluk do halahi mamunu jolma! Disangajo halahi do mambaen hajahatan i sude.

HOSEA 6:9 ပူးပေါင်းရင်းမြစ်များ

PAMUNGKAAN 12:6

dibolusi si Abram ma luat i lopus lalu ia tu tombak More inganan na badia na di Sikem. (Di hatiha i laing didapot ia dope disi maringanan halak Kanaan.)

1 RAJA-RAJA 12:25

Dung gabe raja ni Israel si Jerobeam, dipatogu ia ma kota Sikem na di luat partoran Efraim, lalu disi ma ia jolo santongkin maringanan. Dung i kehe muse ma ia sian i jana dipatogu ia ma kota Penuel.

ESRA 8:31

Di tanggal dua bolas bulan parjolo, hami tadingkon ma Batang aek Ahawa jana kehe ma hami tu Jerusalem. Di bagasan pardalanan i dijagohon Debata do hami sian serangan dohot pangambat ni musu.

JEREMIA 11:9

Dung i didok Tuhan muse ma tu au, “Madung martahi halak Juda dohot halak na maringanan di Jerusalem mangalo Au.

JEHESKIEL 22:25

Songon singa na marngaur dung manyoro do angka pamimpin ni halahi. Dibunu halahi do rayat i, dirampas halahi do sude arta dohot sinadongan na dapot halahi jana patunda ni halahi gabe bahat dadaboru gabe mabalu.

JEHESKIEL 22:27

Songon sorigala na manyahe-nyahe soroanna do angka na marjabatan di pamarenta ni halahi. Mamunu jolma do halahi hum hara ni na manjalahi untung.

JEHESKIEL 22:9

Sian tonga-tonga ni halak na mangingani ho adong do deba pajajang-jajang na sai manilakoi halak na asing anso mate hona uhum. Adong muse do na giot mangankon juhut na dung dipelehon tu gana-ganaan. Adong muse dope na sai ra marhamainan.

JEHESKIEL 23:27

Songon i noma baenonKu laho mangantak panggintal ni hagiotmu dohot sude parhamainonmu na nibaenmu mamungka taran di Mesir dope ho. Nada be marpos ni roha ho tu gana-ganaan sanga taringot rohamu tu Mesir.”

HOSEA 2:10

PatalahonKu ia di jolo ni sude haholongan ni rohana. Sahalak pe nada adong na margogo paluahon ia sian kuasongKu.

HOSEA 4:2

Dibaen halahi janji hape nada digohi halahi; margabus, mamunu, manangko, manggampang do halahi. Martamba do hajahatan jana mardapot-dapot pamunuon.

HOSEA 5:1

Didok Tuhan ma, “Tangihon hamu ma ale angka malim! Parrohahon ma ale halak Israel! Bege ma, ale hamu angka jolma pomparan ni raja! Madung didabu uhum tu hamu. Angke, sapatutna nian angkon tigor do hamu manguhumi, hape balikna i do gabe tudos tu jorgong do hamu di Mispa, songon jorat di Dolok Tabor,

HOSEA 5:2

jana songon pilubang na bagas di kota Sitim. Hara ni i ma umbaen na giot uhumanKu hamu sudena!

HOSEA 7:1

“Muda Hupamalum Israel, gabe tarida ma hasalaan ni Efraim dohot angka hajahatan ni Samaria; angke dikarejohon halahi do margabus, manombom panangko laho masuk jana panyamun mangarampas di luar.

MIKA 3:9

Tangihon hamu ma angka hatangkon, ale hamu angka parkuaso ni Israel na magigi mida hatigoran jana na pabalik-balikkon na tutu.

MIKA 7:2

Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna.

ZEPANYA 3:3

Songon singa na marngaur-ngaur do angka pamimpin ni kota i. Angka hakimna pe songon angka sorigala na malean do; santak do lahap ni halahi, sada holi-holi pe nada adong na tading tu ancogot ni halahi.

MARKUS 14:1

Dua ari nari noma anso Ari Pesta Paskah – dohot Roti Na So Marragi. Manjalak-jalahi dalan ma angka sintua ni malim dohot angka Siboto Surat laho manangkup Jesus sip-sip anso dibunu halahi Ia.

JOHANNES 11:47

Jadi hara ni i, dibaen angka halak Parise dohot angka sintua ni malim ma rapot, i ma rapot godang ni ugamo i. Didok halahi ma disi, “Bia noma baenonta? Bahat do dibaen Bayo i hahomangan!

BAENON NI ANGKA RASUL 4:24

Dung dibege dongan ni halahi na masa i, rap martangiang ma halahi saroha tu Debata, ninna halahi ma, “O Tuhan, Ho do na manjadihon langit dohot tano dohot laut dohot sude pangisina.