HOSEA 6:8 - BIBEL JAMITA NA DENGGAN

⁸ Gilead, i ma sada kota na gok parjahat dohot sibunu jolma.

HOSEA 6:8 ပူးပေါင်းရင်းမြစ်များ

2 SAMUEL 20:8

Dung lalu halahi di batu na godang na di Gibeon, ro ma si Amasa mandapotkon halahi. Marpakean porang do si Joab, mamake podang na marsarung na tambat di gontingnia. Di na mardalan ia tu jolo, taldus ma sarung ni podang i gabe rumar ma podangna i tu tangan siambirangnia.

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

1 RAJA-RAJA 2:5

“Adong sada nari! Tontu diingot ho dope na nibaen ni si Joab tu au di na nibununia dua kapala ni tentara ni Israel, i ma si Abner anak ni si Ner dohot si Amasa anak ni si Jeter. Dibunu ia halahi di hatiha dame, mambaloskon pamunuon na nibaen ni halahi hatiha porang. Dibunu ia do halak na so marsala, gabe au do manaon na hancit hara ni pambaenan ni halahi.

MASMUR 10:8

Martabuni ia di angka huta giot mamunu halak na so marsala. Songon singa paintehon di balik ni ramba na poso, mangaligi-ligi halak na so margogo. Diolat ia halak na dangol di inganan na buni, ditangkup lalu disarat ia sian i.

MASMUR 141:4

Padao ma au sian hagiot mambaen na jahat dohot sian pangalaho na so jadi. Ulang paloas au mardongan dohot halak na so ture jana dohot mangan di pesta ni halahi pe.

MASMUR 59:2

Palua ma au sian halak sibaen jahat, paluncat ma au sian angka sibunu jolma.

JEREMIA 11:19

Songon biri-biri na so mardongan biar do au na ditogu tu panyambolan. Nada huboto hapengani au do na giot honaan ni halahi di angka sangkap na jahat i. Didok halahi, “Tole ma hita taba bona ni hayu on dompak ra dope marbatu; tabunu ma i anso dihalupahon halak goarnia.”

HOSEA 12:11

Madung manghobari Au tu angka panurirang, jana Hulehen bahat parnidaan tu halahi. Marhite sian halahi Hulehen do sipaingot tu hamu, bangsongKu

HOSEA 12:12

hape haru songon i pe laing adong do na marsomba gana-ganaan di Gilead dohot na mamelehon lombu di ginjang ni langgatan na di Gilgal. Tapi muli mate do halahi na marsomba gana-ganaan i, jana angka langgatan na di Gilgal i pe gabe batu na nipagukguk di ladang do.”

HOSEA 4:2

Dibaen halahi janji hape nada digohi halahi; margabus, mamunu, manangko, manggampang do halahi. Martamba do hajahatan jana mardapot-dapot pamunuon.

HOSEA 5:1

Didok Tuhan ma, “Tangihon hamu ma ale angka malim! Parrohahon ma ale halak Israel! Bege ma, ale hamu angka jolma pomparan ni raja! Madung didabu uhum tu hamu. Angke, sapatutna nian angkon tigor do hamu manguhumi, hape balikna i do gabe tudos tu jorgong do hamu di Mispa, songon jorat di Dolok Tabor,

MIKA 7:2

Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna.

BAENON NI ANGKA RASUL 25:3

anso ibo jolo rohania tu halahi; sugari ra ma ia nian marsuru oban si Paulus tu Jerusalem, harana madung satahi halahi laho mamunu si Paulus di tonga dalan.

JOSUA 21:38

Sian tano ni Marga Gad dijagit halahi opat kota, i ma: Ramot na di Gilead (sada sian kota haporusan), Mahanaim,