HOSEA 6:7 - BIBEL JAMITA NA DENGGAN

⁷ Tapi songon si Adam, digagai hamu do janjimunu dohot Au.

HOSEA 6:7 ပူးပေါင်းရင်းမြစ်များ

PAMUNGKAAN 3:11

“Ise mandok tu ho lakna, paboa na marsaemara ho?” ninna Debata manyapai. “Adong he dipangan ho batu ni hayu i na Hurarangi panganonmu?”

PAMUNGKAAN 3:6

Jeges ma antong hayu i diida dadaboru i, dohot tabona pe batuna i panganon jana marpikir ma ia, sonangna i antong muda gabe bisuk iba. Jadi gabe diputikkon ia ma batu ni hayu i lalu dipangan ia. Dilehen ia muse ma deba di halaklahinia i jadi dipangan halaklahinia i muse ma i.

2 RAJA-RAJA 17:15

Nada ra Israel dohot Juda mangoloi angka parenta ni Tuhan jana nada sintong halahi tu parjanjian na nibaenNia dohot ompu ni halahi. Nada ditangihon halahi muda digorahon Tuhan halahi, tapi marsomba tu gana-ganaan na so marguna do halahi, jadi halahi pe gabe nada marguna be. Mangihut tu tiruan ni angka bangso na humaliang i do halahi haru pe madung dilarang Tuhan.

JOB 31:33

Anggo halak na asing dibunihon do dosana, hape anggo au nada unjung songon i da.

JESAYA 24:16

Sian angka ujung ni tano on tarbege ma ende puji-pujian di Israel, bangso na tigor i. Hape nada adong arop ni rohangku! Marhancit do au! Laing mangarampok do parjahat, mur martamba jahat dope tehe halahi.

JESAYA 24:5

Hodar ma tano on patunda ni na nilaosan ni pangisina angka parenta, na manguba aturan jana manggagai janji.

JESAYA 48:8

Nada ditangihon ho sanga diboto ho, jana pinggolmu pe nada tarbuka sian najolo; tapi Huboto do, bahaso na durako do ho, jana didok halak do ho pangalaosi mulai sian bortian.

JEREMIA 3:7

Didok rohangKu do: Dung dikarejohon ia sudena i, mulak ma ia nian tu Au, tapi nada mulak ia. Madung diligi Juda sude na i, ibotonia dadaboru panggampang i.

JEREMIA 31:32

Tapi nada sarupa parjanjian i dohot parjanjian na Hubaen tu ompu ni halahi di na Hutogu halahi haruar sian Mesir. Haru pe Au songon halaklahi ni halahi, tapi digagai halahi do parjanjianKu dohot halahi.

JEREMIA 34:18

Madung mambaen parjanjian tu Au angka pangituai ni Juda dohot Jerusalem rap dohot angka pagawe ni bagas godang, angka malim dohot sandok pamimpinna. Disambol do lombu laho mangarasmihon parjanjian i, diponggol dua ma lombu i jana mamolus ma sian antara ni ponggolanna na dua i. Hape dilaosi halahi muse do parjanjian i jana nada digohi halahi angka saratna. Hara ni i baenonKu ma tu halahi songon na nibaen ni halahi tu lombu i.

JEREMIA 5:11

Tutu situtu do na dung mangalayasi halak Israel dohot Juda tu Au. Au Tuhan, madung mandok songon i.

HOSEA 5:7

Nada unduk halahi tu Tuhan, angke madung disorangkon halahi angka dakdanak gampang. Hara ni i, nada sadia honok nari abiskonon noma halahi dohot angka ladang ni halahi.

HOSEA 8:1

Didok Tuhan ma, “Palu ma sarune, paboa na ro parmaraan! Tudos tu halihi na manangkup soroanna do musu ro mamorangi tanongKi! Dilaosi bangsongKi do parjanjianKu dohot halahi jana dialo angka pangajaranKu.

SURAT NI SI PAULUS TU PARLAGUTAN ROM 5:14

Tapi haru songon i pe madung dirajai hamatean i sudena jolma manusia mamungka sian si Adam lopus tu hatiha ni si Musa, laing dohot do angka halak na so mangalaosi sanga aha pe songon na nibaen ni si Adam i. Gambaran ni jolma na giot ro i do si Adam.

PANGARATAION 31:20

ObanonKu ma halahi tu tano na napu jana na marlobian susu dohot madu, songon na dung Hujanjihon tu ompu ni halahi. Dapot halahi ma disi sipanganon na porlu di halahi jana mangolu di bagasan sonang ma halahi. Tapi di pudian ni ari marbalik ma halahi jana marsomba tu angka debata na asing. Tulahon ni halahi ma Au jana gagaan ni halahi ma parjanjianKu,

IBRANI 8:9

Nada sarupa janji i tu janji na Hubaen dohot ompung ni halahi di na Hutogu halahi haruar sian Mesir. Nada togu ditiop halahi janji na Hubaen dohot halahi, hara ni i ma umbaen na so Hupardulihon halahi.