HOSEA 6:5 - BIBEL JAMITA NA DENGGAN

⁵ Hara ni i do umbaen na Husuru angka panurirangKu laho palaluhon tu hamu haputusanKu na mandok angkon uhumon jana abiskonon noma hamu. Torang jana tangkas do na nipangido ni rohangKu sian hamu:

HOSEA 6:5 ပူးပေါင်းရင်းမြစ်များ

PAMUNGKAAN 18:25

Pasti do na so ra Ho mamunu angka halak na so marsala i rap dohot na marsala. Inda masuk di akal! Inda mungkin ra Ho mambaen songon i. Sugari sura dibaen Ho songon i, gabe sarupama angka halak na so marsala dohot na marsala. Hape nian matua na tigor do anggo Panguhum ni sandok na adong.”

1 RAJA-RAJA 14:6

Tapi disi dibege si Ahia sora ni pangalangkania di pintu i, didok ia ma, “Masuk ma hamu, huboto do na nibuat ni si Jerobeam do ho. Ulang pola baen sipaula-ula. Adong do barita na jat di ho.

1 RAJA-RAJA 17:1

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”

1 RAJA-RAJA 18:17

Dung diligi si Ahab si Elia, didok ma tu ibana: “Ho dehe na manggaori Israel?”

1 RAJA-RAJA 19:17

Sanga ise na so hona bunu dibaen si Hasael, bunuon ni si Jehu ma, jana angka na malua sian si Jehu bunuon ni si Elisa ma.

2 RAJA-RAJA 1:16

Jadi didok si Elia ma tu raja i, “Didok Tuhan: Na nisurumu do mangido panogu-noguon tu Baal-Zebub debata ni halak Ekron – songon dia ma na so adong Debata di Israel na gabe panyapaan – jadi nada ra be ho malum; mate noma ho!”

2 JUJUR TAON 21:12

Jadi ditongos Panurirang Elia ma surat tu si Joram. Songon on ma hata ni surat i, “Tuhan, Debata na nisomba ni si Daud manguhum raja i harana nada diihutkon raja i antong tiruan ni ama dohot ompung ni raja i.

JOB 15:30

Nada tarbaen malua ia sian golap bulita; panganon ni api sude angka tunasna. Mago noma ia, baenon ni pangombus ni hosa ni Debata.

JOB 34:10

O hamu angka halak na mamboto, tangihon ma! Ra ma he Debata Na Markuaso i mambaen na sala?

MASMUR 119:120

Humitir do au hara ni na mabiar mida Ho, panyogiton do au maradopkon haputusanMu.

MASMUR 37:6

PatangkasonNia ma haburjuonmu songon na tiur, marsinondang ma hadenggananmu songon mataniari.

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

JESAYA 58:1

Marsurak ma sagogomu, ulang ma tahan-tahan. Marsurak ma sagogomu songon sarune. Paboa ma tu bangsongKu taringot tu hasalaan ni halahi dohot tu pomparan ni si Jakob taringot tu dosa ni halahi!

JEREMIA 1:10

Ingot ma, sadari on Hulehen di ho kuaso maradopkon angka bangso dohot angka harajaon, kuaso mangarumpakkon dohot mangaroncohon, laho manunggalingkon dohot mangabiskon, laho pajongjongkon dohot manyuan.”

JEREMIA 1:18

Angke anggo Au, satutuna sadari on baenonKu ma ho gabe kota na marbenteng, gabe tiang bosi dohot gabe tembok tumbaga, mangalo sude raja-raja ni Juda dohot angka pegawaina, mangalo angka malim dohot rayat ni negara on.

JEREMIA 13:13

Jadi dokkon ma tu halahi na giot gohanKu dohot anggur lopus mabuk angka jolma na adong di luat on, angka raja-raja pomparan ni si Daud, angka malim, panurirang dohot sude halak na maringanan di Jerusalem.

JEREMIA 23:29

Songon api do hatangKu jana songon toko na manapor batu!

JEHESKIEL 11:4

Hara ni i palalu ma tonangKu adop halahi, palalu ma tonangKu, ‘Ale anak ni jolma!’ ”

JEHESKIEL 3:9

BahenonKu ma ho pir songon togu ni batu mamak dohot songon batu intan, anso ulang mabiar ho mida angka hajogalon ni roha ni halahi.”

JEHESKIEL 32:18

“Ale anak ni jolma, mangandung ma ho hara ni rayat na di Mesir. Tongoskon ma halahi tu inganan ni jolma na mate rap dohot angka luat na gogo-gogo na asing i.

JEHESKIEL 43:3

Sarupa do parnidaan i dohot na huida di na ro Debata laho mangaroncohon Jerusalem dohot songon na huida di Batang aek Kebar. Dung i manungkap ma au lalu marsomba.

ZEPANYA 3:5

Tapi na tigor do anggo Tuhan di tonga-tonga ni halahi, nada unjung dibaen Ia hakejamon, na so unjung dihalupahon di hatiha manyogot. Tapi halak na kejam nada mamboto hahaila.

BAENON NI ANGKA RASUL 7:31

Homang-homang ma si Musa midasa, gabe dipadonok ia ma laho manangkasi sanga na aha i. Jadi dibege ia ma sora ni Tuhan mandok,

SURAT NI SI PAULUS TU PARLAGUTAN ROM 2:5

Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.

EPESUS 6:17

Jagit hamu ma haluaan na gabe songon kupia baja di hamu, dohot hata ni Debata na songon podang na sian Tondi Parbadia.

IBRANI 4:12

Hata na mangolu jana na margogo do hata ni Debata; tumajom dope i sian podang sidua baba. Disirang ia do tondi dohot hosa, utok-utok dohot holi-holi, jana markuaso do i manguhumi pikiran dohot parrohahon ni ate-ate.

HALUMBAAN 1:16

Ditiop tangan siamunna i ma pitu bintang jana ruar ma sada podang na tajom sidua baba sian pamanganNa i. BohiNa i torang songon sinondang ni mataniari di hatiha hamilasanna.

HALUMBAAN 2:16

Antong, pauba hamu ma rohamunu sian angka dosamunu i! Muda inda songon i, ro ma Au santongkin nari mandapotkon hamu jana poranganKu ma angka halakna i dohot podang na di pamanganKon.

HALUMBAAN 9:15

Dipalua ma surusuruan na opat i. Madung dihobasi hian halahi laho mamunu sapartolu sian sude jolma manusia di jom, ari, bulan dohot taon na dung ditontuhon i hian.

HALUMBAAN 9:21

Laing so muba dope roha ni halahi sian na mamunu jolma, na padalankon hadatuon, sian markarosuan dohot sian na manangko.

1 SAMUEL 13:13

Umbege i gabe didok si Samuel ma tu si Saul, “Santak do bodona na nibaen ni raja i. Sugari sura dioloi raja i parenta ni Tuhan Debata na tu raja i, pasti do pahoton ni Tuhan raja i dohot pomparan ni raja i di Israel salolot-lolotna.

1 SAMUEL 15:22

Tapi didok si Samuel ma, “Dia do na jumop roha ni Tuhan, pangoloion tu Tuhan do ulang pado na manghaulkon haul? Marpangoloion tu Tuhan, dumenggan do i sian na manghaulkon haul. Dumenggan do i sian tabo-tabo ni biri-biri.

1 SAMUEL 15:32

Dung i dilehen si Samuel ma parenta, “Oban ma Raja Agag tuson.” Ro ma si Agag tusia mardongan arop ni roha na gok angke didok rohania: “Ma salpu do aropku bahaya ni hamatean.”

1 SAMUEL 15:33

Didok si Samuel ma, “Songon podangmi na dung mambaen bahat halak agoan anak, laing songon i muse ma inangmu gabe agoan anak.” Dung i dijaljal si Samuel ma si Agag di jolo ni langgatan na di Gilgal i.